Muli i kënaqur nga takimi i Doktorit me partitë joparlamentare 

10 Tetor 2022, 20:05Antena TEMA

Sot Doktori pati një takim me partitë joparlamentare, që në fakt zëvendësuan opozitën pasi dolën nga Parlamenti më 2019.

Takimi ishte i përzemërt dhe miqësor.

Në fillim të takimit Doktori falenderoi zotin Gjuzi për pjesëmarrjen dhe gatishmërinë për t’u takuar.

Ai e çmoi atë si një konservataor të vërtetë, në rrugën e të cilit do shkojë edhe PD në të ardhmen.

Në fjalën e tij zoti Gjuzi falenderoi Doktorin për takimin dhe tha:

-Jam i prekur thellësisht që mes platformës së zonjës Kokpalari si konservatore demode, dhe platformës sime, ju zgjdhët platformën time.

Partia ime është partia më e vjetë konservatore në Shqipëri, e mbështetur mbi parimet e konservatorëve të shquar shqiptarë, në rrugën e të cilëve kam ecur unë.

Siç e dini, partia ime i shpëtoi fytyrën opozitës shqiptare kur iku nga Parlamenti, duke hyrë në Parlament dhe duke shpalosur aty vlerat e vërteta të konservatorizmit shqiptar.

Shpresoj që tani të zini mend dhe të bashkoheni me ne.

Pastaj në takim e mori fjalën zoti Kosta Papa.

Ai falenderoi Doktorin që u bë pjesë e këtij takimi.

Ai i bëri të qartë Doktorit se partia e tij përfaqëson emigrantët shqiptarë në Greqi, por që janë riatdhesuar në Shqipëri, dhe se pavarësisht pamjes së sotme, ai duhet të kuptonte se fuqia e asaj partie buron nga e kaluara e saj, kur emigrantët kanë qenë të rinj dhe pinin konjak dhe fërnet.

Doktori i shprehu mirënjohje për pjesmarrjen në takim dhe e garantoi se me votën e emigrantëve do përmbysin Edi Ramën.

Në fund e mori fjalën zoti Nard Ndoka, i cili theksoi se ai e ka të qartë skemën e fitores dhe ja dhënë formulën sekrete dhe Berishës.

-Nëse bashkohemi dhe marrim 51 për qind, ne e kemi të fituar çdo bashki, tha Ndoka, por këtë duhet ta ruajmë sekret nga kundërshtari.

Në fund Muli i falenderoi pjesëmarrësit në takim dhe premtoi se në takimin tjetër mund të marrë pjesë dhe kryetari i partisë së pensionistëve të Shkodrës, Selami Jenisheri.

Lini një Përgjigje