Pas vendimit të papritur të Edi Ramës për mos ndryshimin e çmimit të energjisë për fashën mbi 800 kv, Muli thirri urgjent Lelon për konsultime, për mënyrën se si duhet të reagonin.
-Kjo është një goditje e rëndë, tha Muli.
Rama nuk e ka bërë për të lehtësuar popullin, por për të shkatërruar opozitën.
Ai na la të bënim gati pankartat, të paguanim skenat, të lidhnim kontratat dhe të bënim gati njerëzit, e pastaj e ndryshoi vendimin.
E gjitha është lojë për të dëmtuar ekonomikisht opozitën.
Merre me mend që Karmina ofroi dhe lekët e dasmës.
Ky është krim.
-Duhet ta mendojmë, tha Lelo.
Duhet të krijojmë një fabulë të besueshme.
Mund të bëjmë një miting fitoreje në datën 1 tetor, me sloganin “Edi Rama ka mbaru, ka mbaru...”.
Dhe aty të shpalosim mesazhin se ne i shpëtuam shqiptarët nga rritja e çmimit të energjisë elektrike.
Kjo më duket shumë logjike.
-Këtu s’të dalin njerëzit kur kanë hall, ti thua të dalin për qejf, tha Muli. Harroje.
Vetëm po thirrëm këngëtarë për koncert.
Ata na i ka marr lali Eri të gjithë.
-Atëherë të themi që është lojë, tha Lelo, me qëllim që shqiptarët të harxhojnë më shumë dhe qeveria të fitojë nga konsumi, se çmimi goxha i lartë është.
-Lere se nuk pi ujë.
U bëmë gati të protestonim për rritjen e fortë. Duhet të gjejmë diçka tjetër.
-Atëherë e vetmja gjë që besohet është që kjo Yuri Kim u ka dhënë energji elektrike falas në Gjirin e Vlorës vetëm që të mos fitojë Doktori, tha Lelo.
Por kjo nuk di a i tërbon apo dëshpëron demorkatët.
-I dëshpëron, tha Muli.
-Po ça të bëmë atëherë. Ata që do dëshpëroheshin nga rritja e çmimit të energjisë janë më shumë se ata që do gëzoheshin po të rritej, d.m.th ne.
Në të gjitha rastet keq e kemi punën.
E vetmja zgjidhje është të dalim në protestë me moton: “Pse e uli Rama energjinë elektrike”?
Dhe përgjigjja është se do të vjedhë me tendera.
Lini një Përgjigje