Te fundit
Muli shpjegon pse Doktori nuk pranoi të takojë ambasadoren amerikane
24 Shtator 2022, 18:48Antena
TEMA
Pas bujës që bëri në PD lajmi i takimit të Metaj me ambasadoren amerikane, Muli thirri Lelon se si të prodhonin një fabule që demokratët të mos rrinin me kokë mënjanë pas këtij zhvillimi.
Lelo ishte i mendimit ̱se më mirë do ishte të mos flisnim për këtë çështje.
Por Muli këmbënguli se duhet të sajojnë diçka.
-Atëhere kemi një zgjidhje, tha Lelo.
Ne duhet të themi se Doktori i përmbahet qëndrimit të tij të vjetër, se ambasadorja amerikane nuk mund të shkojë kurrë në zyrë të tij, pa i kërkuar atij falje.
-Kjo po, tha Muli. Kjo na jep shumë pikë.
-Kështu mendoj dhe unë, tha Lelo.
Ne duhet të përhapim tek demokratët fabulën që ambasadorja ka kërkuar takim në PD dhe ka marrë dikë nga PD.
-Për kë të themi?
-Hapim fjalë për Oerdin, se dhe ashtu nuk është se prish punë.
Themi që ka marrë Oerdin në telefon dhe i ka thënë:
-Doktori nuk më hap telefonin. I shkrova dhe dje dhe ma ka lënë seen.
Të lutem fol me të dhe i thuaj se dua ta takoj.
Jam gati të vij në zyrë.
Oerdi pyeti Doktorin dhe ai i tha:
-Në asnjë mënyrë. Ajo ka fyer PD.
Pa kërkuar falje në oborr të PD dhe pa dënuar 8 janarin, nuk ka për të shkelur kurrë në zyrën time.
Ajo nuk është zyra ime, është e PD. Ajo ka fyer PD.
Pas kësaj Oerdi e ka marrë në telefon dhe i ka thënë se Doktori nuk të pret pa kërkuar falje.
Ajo i ka thënë se është e gatshme të bëjë diçka në këtë drejtim.
Fjala vjen të thotë se ne nuk kemi probleme me persona të veçantë, por me parimet e partive politike.
Oerdi ja tha prapë Doktorit. Ai e kundërshtoi përsëri.
I tha duhet ta thotë sekretari Blinken në tuiter.
-Pa e thënë ai, nuk të pret.
Pas kësaj ambasadorja u tërhoq:
-Nuk kam fuqi t’i them sekretarit Blinken, tha.
Dhe kështu u mbyll.
-Kjo është fantastike, tha Muli. Çdo demokrat e ëndërron se kështu ka ndodhur.
Të ka shkuar mendja shumë bukur.
-Po kujdes, tha Lelo. Se mos e thotë ndonjë demokrat në mëngjes tek Bashkimi, se e dëgjon ajo dhe e përgënjeshtron.
-Jo jo, tha Muli. Ku kanë lekë në telefon ata, të telefonojnë.
Më të lexuarat
24 oret e fundit
Javen e fundit
Blog Tema
Lini një Përgjigje