Te fundit
Muli i paqart për Mcgonigalin dhe Metën
17 Gusht 2023, 19:48Antena
TEMA
Sot Doktori doli në konferencë për shtyp në orën 12.
Para se të dilte, Muli e pyeti.
-Doktor, çfarë do themi sot?
-Tani radhën e ka Edi Rama. S’ka më tjetër, tha Doktori.
Atëherë Muli thirri Lelon dhe i hynë punës.
Morën gjithë emrat e të arrestuarve për sterilizim, dhe përgatitën një fjalim ku thuhej se tani pas kësaj që ndodhi, radhën e ka Edi Rama.
Ja çuan Doktorit.
Ai i hodhi një sy dhe nuk reagoi.
Pas pak doli në konferencë për shtyp.
Fjalimi filloi po me atë fjali.
-Tani radhën e ka Edi Rama. Dhe vazhdoi.
-Pas dënimit të McGonigalit në Uashington tani radhën e ka Edi Rama.
McGonigali ka dashur të akuzojë Ilir Metën sikur ka dashur të vrasë Tom Doshin.
Kjo është bërë e gjithë nga Edi Rama që të fusë në përçarje opozitën dhe të frikësojë kundërshtarin e tij.
Dhe vazhdoi më tej.
-Po ne sikur i thamë për këta të arrestuarit e sotëm në Tiranë, tha Muli.
Ky po flet për këtë shokun e Gon Nezës.
-Ka të drejtë, tha Lelo. Ka më shumë rëndësi të qetësojë Metën, se sa të trembë Ramën.
Po u mor me këto arrestimet e SPAK duhet të lavdërojë SPAK.
Më mirë i bie të lavdërojë FBI dhe e ngre stekën.
Kështu jep mesazhin se Ramën do ta arrestojnë amerikanët, jo SPAK.
-E kuptova, tha Muli. D.m.th duhet t’u gëzohemi arritjeve të drejtësisë në SHBA, jo këtu.
-Po, tha Lelo.
-Po kur të dënojnë Trumpin ata, çfarë qëndrimi duhet të mbajmë?
-Atë e kemi të qartë. E dënon Sorosi.
Kurse McGonigalin po e dënon tamam drejtësia amerikane. Ajo që do dënoj dhe Ramën.
-E kuptova, tha Muli. U gëzuam kot me këto arrestimet sot d.m.th.
Në fakt pashë dhe Zenin që ishte mërzitur.
I thashë çfarë ke, pse je i shqetësuar. Ka ndodh ndonjë gjë nga SPAK me boronicat?
-Jo jo, më tha. Por po punonim tek hapja e gropës së kullës dhe kemi çarë tubin e ujit.
Do na bëjnë sherr. Kurse ky Ilir Meta akoma nuk është zbutur.
Akoma s’ka asnjë ankesë për McGonigalin dhe FBI.
Ja ka lënë Doktorit të gjitha.
Më të lexuarat
24 oret e fundit
Javen e fundit
Blog Tema
Lini një Përgjigje