Te fundit
Muli në dilema për fitoren e Luizit
6 Maj 2023, 20:09Antena
TEMA
Meqë sot është “Finalja e Madhe”, Muli po diskutonte me Lelon për Luizin.
-Tani nuk jam i sigurtë, tha Muli, nëse ja vlen të mbështetemi tek ai apo jo.
E nisi shumë mirë, u bë me Doktorin, doli dhe Doktori e mbështeti, dhe në fund u bë me Benetin.
Më mirë të humbasë, pasi do themi humbi se ja drodhi Doktorit, njësoj si Alibasha.
Kush ja dredh Doktorit nuk fiton.
-Puna është mesazhi është i dyfishtë, tha Lelo, edhe për Doktorin.
Pra na siguron një lloj alibie që po humbëm thellë, themi që humbëm prej Luizit.
Prandaj është më mirë të fitojë, se ne humbjen e kemi të sigurtë.
Të paktën po fitoi ai themi humbëm se na doli kundër Luizi.
-Nuk duhet ta marrin vesh demokratët këtë bisedë, tha Muli, se ata janë të bindur tek fitorja e Doktorit.
-Po flasim mes nesh, tha Lelo, nuk po flasim në miting.
Pra duhet të jemi gati të përdorim dhe humbjen e Luizit, dhe fitoren.
-Problemi është se çfarë ndodh që dhe nëse humb Luizi, të humbasim dhe ne?
-E njëjta gjë, tha Lelo.
Do themi demokratët u zhgënjyen se humbi Luizi, dhe u demoralizuan pasi ata janë të bindur se ai ishte me Doktorin.
Po qe se fiton atëherë do themi humbëm se fitoi Luizi që në tradhtoi. Kështu jemi të qetë.
-Tani po, tha Muli.
Jam dhe unë më i qetë se çdo themi javën tjetër.
Më të lexuarat
24 oret e fundit
Javen e fundit
Blog Tema
Lini një Përgjigje