Muli përgëzon Lelon për poezinë ndaj ambasadores 

28 Tetor 2022, 19:05Antena TEMA

Muli sot pati një gëzim të paparë kur mësoi se Lelo ka bërë një poezi kundër ambasadores.

E mori e lexoi me shpejtësi sikur e gëlltiste, por në fakt nuk është se kuptoi gjë.

Vetëm një gjë e dinte mire, që ajo ishte kundër ambasadores.

E thirri Lelon ta qëraste.

-Ja ke bërë mirë asaj shtrigës, tha.

Vetëm se ajo pjesa që thoje është e madhe obeze, s’mu duke e saktë, se ajo është elegante.

-Është metaforë, i tha Lelo. D.m.th si të ta them, është gjetje artistike.

-A, se dija, tha Muli. Mendova që është metasharë (me ta sharë)

Po ajo pjesa që më pëlqeu më shumë është kur e krahasoje me Lenkën.

Vetëm se Lenka ka qenë ministre, kjo nuk është...

-Është simbolik, i tha Lelo. Siç thuhet në gjuhën e artit, është një lloj sinonimi.

-Ah, se kuptova, tha Muli. Mendova se ishte e vërtetë.

 Doktori do jetë kënaqur shumë, se dhe ai e ka pasur inat Lenkën që atëherë. 

Duhet t’ua shpjegojmë demokratëve, ta lexojmë në çdo seksion partie këtë dhe t’ua shpjegosh se çfarë ke dashur të thuash.

Se ashtu e shijojnë më mirë.

Ja dhe unë tani që ma shpjegove e kuptoj më mirë.

-Patjetër, tha Lelo. Për atë punë e kam bërë. 

-Po atë që nuk zhbën dot Shijakun dhe Kavajën, se kuptova mirë, tha Muli.

Princ Vidi kush është, Doktori apo kjo gruaja?

-Kjo gruaja, tha Lela. Është krahasim.

Princ Vidin na e sollën këta perëndimorët të na qeveriste dhe e vuri para Haxhi Qamili.

Dhe këtë e vuri para Doktori, tha Lelo.

-D.m.th. Doktori është Haxhi Qamili, tha Muli.

-Në disa raste Haxhi Qamili ka qenë pozitiv, tha Lelo.

Kështu siç e them unë është pozitiv dhe Doktori, se u tregon vendin këtyre perëndimorëve që duan të bëhen zot vendi këtu.

-Kjo qenka e bukur shumë, tha Muli.

Por duhen mbajtur shënim këto, se janë gjithë këto personazhe, Lenka, Haxhi Qamili, Kanioni i Madh....

-Kanioni i madh nuk është burrë, është grykë e thellë, tha Lelo. Si ajo që shkon në Shishtavec.

-A, thashë se qe burrë, siç i themi Aleksandri i Madh, tha Muli.

-Jo jo, është shprehje gjeografike, tha Lelo.

Mos u mërzit se ta shpjegoj pak nga pak. Kemi kohë.

Se javën tjetër do bëj një poezi për Ilir Metën dhe jam i zënë.

3 Komente

  1. q
    qirsi

    Salmoni shkrimtar I ka bo poezi salmonit t modh lider historik.Dy trupeshk.

    1. S
      Shijoj Antenen

      Tall bythen me budallenjte

      1. P
        Pati

        Je shume ordiner, o Mero!

        Lini një Përgjigje