Tani që fushata mbaroi dhe nuk ka ndonjë aktivitet publik, Muli mendoi që Doktori të vazhdojë idenë e podcastit që ja vodhi Edi Rama.
Doktori e bëri podcastin e parë pas përleshjes që pati në bulevard, me atë tipin nga Memaliaj, përleshje që i dha Doktorit fitoren në Memaliaj, pasi njerëzit u ndjenë në borxh dhe vendosën ta votojnë.
Tani podcasti i dytë duhet pas zgjedhjeve.
Lelo, i cili ka mbikëqyrur podcastin e pare, duhet të merret me përmbajtjen.
-Kemi një problem, i tha, se tek podcasti i parë ai flet për kalin dhe xhaxhain që kishte pushkë me leje dhe nga komunistët.
Që ta lidhim të parin me të dytin, duhet t’u themi se çfarë u bë me kalin dhe çfarë u bë me xhaxhain me pushkë. Mund të lindin shumë pyetje që duan përgjigje, sidomos përdorimi i pushkës.
-Po sikur të mos ta lidhim fare, tha Muli?
-Po nuk e lidhëm me të parin, atëherë duket sikur kopjon Ramën, tha Lelo.
Nuk ka pse e bën atë gjë.
-Ke të drejtë, tha Muli. Atëherë lidhe.
-Mendoj që podcasti i dytë t’i kushtohet Shkodrës, tha Lelo.
Doktori të jap kujtimet e tij në Shkodër dhe të thërrasë në podcast, Bardh Spahinë dhe Kristin e Big Brother, të cilët të japin anën tjetër të Benet Becit dhe Luizit.
-Po duket sikur merremi me humbësit, tha Muli.
-E ke gabim. Ata nuk janë të humbur, janë të vjedhur, tha Lelo.
Votat e tyre janë blerë nga trafiku i drogës dhe nga të fortët e Shkodrës.
Kjo do ngjallë interes të veçantë dhe do ta konkurrojë atë podcastin e Ramës.
Po t’i shtojmë dhe faktin që Kristi mund ta përdorë podcastin për t’u rilidhur me Kejsin, akoma më mirë.
-Dakord, tha Muli.
T’ia nisim punës se mbetëm me një podcast që nga dhjetori.
Lini një Përgjigje