Te fundit
Muli xheloz që Doktori lejon Çim Pekën si agjent të lali Erit
18 Shkurt 2023, 19:17Antena
TEMA
Pas disa deklaratve publike të Doktorit, i cili në përpjekje për të bërë diversion, ka shpallur Çim Pekën ndërmjetës mes tij dhe lali Erit, Muli u bë shumë xheloz.
I mërzitur thirri Lelon se si duhet ta interpretonin këtë punë.
-E ka shkollën e vet këtë, tha Lelo. Mos i ndërhy.
Gjithë ëndrra e tij është se si të bëjë diversion brenda socialistëve.
Çim Pekën e ka zgjedhur jo se është ndërmjetës, por se dyshon vërtet që ai merr ndonjë lekë nga lali Eri.
Dhe më këtë rast me një gur vret dy zogj.
Dhe lali Erin e shpall agjent të tij, dhe Çim Pekës i lë të kuptoj se ti di horrllëqet.
-Mirë e ke ti, po demokratët tani kanë filluar besojnë më shumë tek Çim Peka, se tek unë.
Se unë u premtoj se do vijmë ndonjë ditë në pushtet dhe do t’i ndihmoj.
Kurse Çim Pekën e shikojnë si njeri me pushtet dhe shkojnë të gjithë pas tij.
-Epo ose duhet të pranojmë se i kemi idealista këta revolucionarët tanë, ose i kemi pragmatistë.
Po i kemi pragmatistë, atëherë ata i blen direkt lali Eri, s’ka pse përdor ndërmjetës Çimin.
Kështu që nuk ke pse bëhesh xheloz.
-Idealistë hiqen të gjithë, derisa nuk kanë ndonjë ofertë, tha Muli.
Puna është se tani e kanë një ofertë dhe do na bëhet Çimi kryetar partie.
Aq më tepër pastaj duket sikur Doktori e ka shitur Belon derisa komunikon me lali Erin përmes Çimit.
-S’ka problem, tha Lelo.
Ndërtojmë një fabulë që Çim Peka është mërzit me Belon se ka deklaruar që nuk ka punë me këta të ardhurit në Tiranë, se është tirons i vjetër.
Dhe për këtë arsye është me lalin Të tjerët do jenë me Belon.
-Po në partinë tonë e gjete këtë fabulë ti, tha Muli!
Po ne i kemi 70 për qind nga Mati e sipër dhe 20 për qind nga Shkumbini e poshtë. Të tjerët nga Kamza.
Më të lexuarat
24 oret e fundit
Javen e fundit
Blog Tema
Lini një Përgjigje