Muli zbulon skemën si do të kundërsulmojë Meta 

25 Gusht 2022, 19:14Antena TEMA

Fakti që Meta provoi me certifikatë që emrin e ka Ilir Metaj, ndërsa si president ka firmosur si Ilir Meta, e vuri Mulin në mendime.

Thirri Lelon të shkëmbenin disa pikëpamje për këtë çështje.

-Kam një ide, tha Muli, se si mund ta rrëzojmë Ramën pa hedhur asnjë pushkë.

-Si?

-Tani u provua që Ilir Metaj është emri zyrtar dhe gjithë dekretet i ka firmosur me Ilir Meta.

-Po?

-Atëherë ne e çojmë në Gjykatë Kushtetuese dekretin për emërimin e Edi Ramës kryeministër dhe ai rrëzohet, pasi është firmosur nga një president që nuk ka ekzistuar.

Është fare e thjesht.

Si argument marrim hetimin e SPAK, që verifikon gjeneralitet e Ilir Metës.

Po kështu rrëzojmë me radhë gjithë ministrat.

Madje dhe presidentin, që e ka shkarkuar si gjeneral, me emrin Ilir Meta.

Për 24 orë kemi të rrëzuar gjithë shtetin.

-Ide interesante është, tha Lelo.

A e kemi në dorë Gjykatën Kushtetuese?

-Patjetër. Ata i dolën zot Ilir Metës dhe kur kishte dy emra, jo më tani.

-Atëherë duhet shtuar lista, tha Lelo.

Themi që dhe zgjedhjet e 25 prillit i ka dekretuar Ilir Meta dhe duhet të anulohen, dhe të hyjmë në zgjedhje të reja.

-Edhe kjo është e bukur, tha Muli.

-U hap lojë e madhe, tha Lelo.

Madje ai kështu shpëton dhe nga burgu.

Kur ti çojnë fletën e arrestit ai shikon emrin dhe thotë, “ej, unë nuk jam Ilir Meta, jam ai tjetri”.

-Ta thërrasim urgjent e t'ia themi, tha Muli.

Kjo mund ta qetësojë.

Kështu merr kuptim dhe shtatori si muaji i revolucionit.

1 Komente

  1. S
    Sali Berisha

    Ne fakt tamam tamam e ka Ilir Mutaj jo Metaj

    Lini një Përgjigje