Te fundit
Të gjithë ecin me hekura ndër këmbë
27 Korrik 2022, 09:40Blog
Nga Frrok Çupi
Nga njëra sfidë në tjetrën po shkojmë…
Ne dhe të gjithë kombet e shtetet rreth nesh e më tej, ngjajmë me elefantin e lidhur me zinxhirë. Të gjithë ecin, por secili ka hekura ndër këmbë.
Ne kemi ‘hekurat’ tanë, të tjerët kanë të tyret; dhe të gjithë së bashku kemi pengesat e përbashkëta.
‘Hekurat’ e fundit për ne:
Një njeri që ishte caktuar si president i Republikës, del nga tharku, si të ishte gjë e egër dhe i gërmushet popullit të vet: ‘Dola tani, do të më shikoni! Jetën e jap…!’. Më parë është treguar me gisht e me figurë për vjedhjen gjigande të fondeve publike. Miku i tij i afërt e ka denoncuar për ‘vrasje dhe fshehje kufomash’ pas malit të Dajtit. Njerëzit e neveritin si njeri e si hero të krimit… Tani ka dalë nga tharku.
Hekurat, si tonat, edhe për fqinjët:
Maqedonia e Veriut po rron në ankthin se ‘mund të na kthehen ata të Gruevskit’. Edhe e shoqja e ndau, por militantët- jo. Me një tufë të madhe zyrtarësh ka vënë dorë mbi pasurinë publike dhe tani mbi paqen sociale.
Mali i Zi, me një kryeministër me origjinë shqiptare, ka hyrë në një ‘gropë’ të kahershme me Kishën Serbe. Nëse i qëndron marrëveshjes me Kishën, mbetet jashtë BE; nëse del nga marrëveshja- i shkurtohet laku i brendshëm.
Kosova, shteti më i ri, ka punë me marrëveshjen tjetër, me Serbinë. Rivaliteti fëminor mes kryeministrit dhe presidentes nuk u mundëson të jenë as seriozë para Shtëpisë së Bardhë ku ndodhen për vizitë.
Bosnje- Hercegovina, orë pas ore ndodhet para kërcënimit se ‘u ndamë’, ‘ju sulmuam me ushtrinë tonë’. Këtë kërcënon presidenti Dodik, i cili është shpallur ‘i pa pranueshëm’ për SHBA, por bën si këta tanët këtu…
Nuk ka asnjë që të jetë i çliruar nga hekurat e veta.
Ekzemplari më i lartë i mundësisë për të qenë i lirë nga hekurat do të ishte Shqipëria, sipas logjikës normale. Shqipëria sapo firmosi bisedimet me BE, që është hapi më i lartë politik i gjithë kohërave. Tani, të paktën edhe ‘gjëja më e egër’ në formë njeriu, duhej të ishte ‘dorëzuar’. Shqipëria sapo mbaroi procesin e rindërtimit pas dy tërmeteve të rënda, me një çmim më shumë se 1 miliardë euro; edhe këtu të ishin dorëzuar. Megjithatë, hekurat aty janë, ndër këmbë.
Veçse, ndryshe nga kombet fqinjë, shtetit tonë i peshojnë si ‘hekura ndër këmbë’ pikërisht ata që po presin hekura në duar.
Çfarë presin sot Meta dhe Berisha?
Asgjë, përveç murit te hunda. Shtetit i tunden nëpër këmbë, ashtu si edhe Perëndimit, me qëllim që të hapin një ‘dritare’. Deri tani janë çaktivizuar plotësisht, siç ndodh me minat në duar xhenierësh. As vrasin dot më, as hedhin bomba, as kanë në dorë financat e shtetit, as gënjejnë më as budallenjtë. Të dy ndajnë të njëjtin fat: Sa rithemelon njëri, tjetri rithemelon partinë e tij. Sa shpallet njëri ‘i papranueshëm’, në botën e qytetëruar, tjetri dridhet se pret akt më të avancuar nga Perëndimi. Fati i tyre- të ndajnë edhe të njëjtin fshat ‘mafioz’, ku vilat e vjedhura ruhen nga shteti. Edhe Al Capone është ruajtur me vite nga shteti amerikan, në ‘ishullin Capone’ pranë Golden Great Bridge. Por kjo nuk e bëri kurrë ‘faktor’, edhe pse ishte një zinxhir nëpër këmbët e shtetit.
Askush nuk na i solli, vetë i bëmë!
Besoj se do të ishte analiza më e padrejtë sikur të gërmërisim se ‘cili na i solli?’; ose ‘pse i lejuam?!’. As kombet e tjerë, që kanë hekura ndër këmbë, nuk e kanë gjetur dot. Ilaçi i vetëm për të gjithë është ‘të ecim, edhe me këta ‘nëpër këmbë’. Siç bënë të tjerët, serbët, malazezët, maqedonasit, kroatët…, të gjithë kanë djajtë e tyre. Jemi të dënuar të ecim bashkë me të keqen tonë. Këta këtu u krijuan, që në fillesa, kur nisën krimin: Iliri në moshën 19 vjeç, Saliu në moshën Zero. Kur ishte 20 vjeç Ilir Meta i kishte hyrë aventurës për të bërë keq, ku të vidhte, ku të trafikonte, ku të dërgonte ‘kufoma përtej Dajtit’. Ndërsa Saliu e nisi në moshën Zero. Ai lindi pak pas korrupsionit të tij, bash kur la ‘diktaturën e proletariatit’, dhe tha se ‘tani filloi bota’. Por ne nuk kemi pse qortojmë veten pse janë këta; ne kemi për detyrë vetëm të ecim me ‘hekura ndër këmbë’.
Po pse u acaruan, u acaruan të dy; edhe pse po flinin?!
Hekurat edhe nxehen!- kjo është eksperienca e njeriut. Por nxehen kur rrihen. Këta kanë marrë vesh se u ka ardhur fundi; në vend që ta presin fundin si ‘trima’, kanë dalë rrugëve. Degradimi i tyre nuk është një dhuratë e mirë as për kombin. Njerëzit e arsyeshëm kanë nisur të ngrenë dilema: ‘Po sikur të mos ishte Amerika që t’i zhyste, çfarë do të na kishin bërë këta?!’. Një përgjigje e shpejtë do të ishte kjo: ‘E çfarë do të na bënin më shumë?!”. As ‘zoti i keq’ nuk kishte mundësi të pakufishme. Por pa Amerikën, me siguri që do të ishim ngatërruar në një luftë ‘me hekurat’, pa ecje përpara. Them se do të kishim harruar të ecnim.
Si në përrallën e vjetër të elefantit me zinxhirë hekuri. Jorge Bucay, shkrimtar e psikanalist me famë, e ka përshkruar elefantin me hekura ndër këmbë, qëkur ishte fëmijë. ‘Pse e lidhin elefantin?’- pyeste fëmija dhe merrte përgjigje… Kur pa që kafsha e madhe ishte lidhur pas një asgjëje, pyeti prapë: ‘Pse nuk arratiset nga hekurat?’. Atëherë gjeti përgjigjen: Elefanti ishte rritur me hekura ndër këmbë dhe ashtu kishte ecur.
Ja, kështu, si më lart.
10 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Hekurat e ketyre vendeve nuk jane asgje perpara ketyre te shqiperise i nderuar Zoti Frroku.Shqiperia nuk krahasohet me asnje vend jo ne Ballkan por as me tutje.Majfton nje shembull i vogel:shiko ku ndodhet ish presidenti i Maqedonise dhe ku ndodhet ish presidenti i shqiperise dhe kupton se sa funksjonal eshte shteti ketu!As sa Maqedonija nuk eshte shqiperia kurre!
bravo i perpiket si gjithnje z.cupi jepu cfare ju takon dy terroristave salih bin laden dhe ilir bin laden, keta te dy jane vllezer me osman bi laden terroristit me te madhe qe ka pase historia
Janë të provuara tek ne të gjitha llojet e ‘’revolucioneve’’ si ai komunist e ai demokratik dhe kemi përfunduar në mjerim ekonomik,social,kulturor e politik të fundbotshëm.E shoh si shpresë të madhe penetrimin sa më të thellë te mundshëm amerikan e europian jo se do te nndriqohemi me ndonjë shkop magjik por se do të na detyrojn dhe mësojm se si të bëjmë ekonomi,të nxjerrim ligje dhe të zbatojm e rrespektojm ato,se si të ndertojm administrat funksionale,se si të ndërtojm shkolla ku prodhohen kuadro të vlefshëm per veten dhe shoqërinë.Kështu ka ndodhur me të gjitha vendet e lindjes ku Europa ka ndërhyrë ku më shumë e ku më pak por të gjithë kanë qenë të detyruar të i zbatojn kushtet që i ka parashtruar në mënyrë që të i pranoj në familjen e saj ekonomike e politike,përndryshe edhe ato kështu si ne do të ishin ende duke ecur me pranga nëpër këmbë si elefanti.Sa më shumë që i afrohemi integrimeve aq më të dobëta do të jenë prangat deri sa të vijë momenti që të këputen tërësisht.
Ec Llulla tani pi ilaçet dhe bëj çiçin.
Duhet ditur dhe theksuar që vëzhgohemi nga fëmija, gruaja, prindi vëllezrit, motrat, të afërmit, fisi, shoqëria, kolegët, shteti, të huajt., ndaj është e vështirë një ndryshim i shpejtë pasi digjitalizimi dhe kriza nuk janë elemnte zhvillimi personal por penges e rradhës.
Pene e shkelqyer....
C'eshte p.e LSI-s dhe p.e Liris Eshte nje m... i ndar per gjys C'eshte p.liris dhe ajo LSI-s Koshi haleve te shqiperis Ky Ilir me ate vrull Ste ben gje,por te ha mun.. Ky Iliri kur vikat me fort I ka mbushur breket plote Ajo Shqipe qe ben me duar Shum'ndjehet e ofenduar E ofendume prej Ilirit Qe ka pek shqipes florinje Edhe mendjen ka ndare Shume shpejt hak do mare Ajo ri dhe pergjon Mos kujtoni se haron Sulme te fort si shigjet Pregatit qe nga rete Te sulmoj me ter at'force Per florin qe i ka vjedh Shqipja ne det don me hedh Qe shqipnin ta pastroj Nga gjith hajnat e hajnit Me te paret lsit dhe lirit Qe kekone te na zen syt Qe t kujtojm se kan ndryshuar Dhe te vazhdoj me parti te re Por me avazin e vjeter
Flm i madhi Frrok Çupi!
Me hekura neper kembe, vertete ky komb, por e ka nje Frrok Çupi. Faleminderit kombit tim.
Sali Berisha dhe Ilir Meta "KERMAT E POLITIKES Shqiptare qe ne kurizin e tyre mbartin te keqiat qe i kane sjelle shoqerise dhe Shqiperise.Njeri fshatar nga Vicitoli i Tropojes tjetri fshatar nga zonat e thella te Skraparit na vertiten neperkembe me te keqijat ne dem te shoqerise qe mbartin me vete.