Te fundit
Arti në Zi! Ndërron jetë Gjergj Sulioti
23 Mars 2024, 13:29Kulturë
TEMA
Ka ndërruar jetë në moshën 74 vjeçare tenori Gjergj Sulioti. Ai lindi në Korçë në gusht të 1950 nga një familje me traditë në fushën e muzikës.
Gjergj Sulioti ka qenë një nga Tenorët Kryesorë të Teatrit të Operas dhe Baletit ku ka interpretuar rolet kryesore nëpër opera si: Karmen, Pagliaçi, Rigoleto, Aida, Paja, Otello, Celula e kuqe, Maleve për liri, Skënderbeu e të tjera. Kur ishte ende student debuton në festivalin 14 të këngës me një këngë me muzikë të Ferdinand Dedës.
Ka bashkëpunuar me disa nga emrat më të mëdhenj në fushën e muzikës si Çesk Zadeja, Tish Daija, Lefter Çipa, Avni Mula, Ramiz KovaçI, Vaçe Zela, Ismail Kadare, Luan Zhegu, Agim Prodani.
Më 1978 u emërua solist në Teatrin Kombëtar të Operas dhe Baletit dhe krahas punës si solist në Opera dhe Ansambël nuk u shkëput kurrë nga muzika e lehtë që ishte dhe pasioni i jetës së tij duke marrë pjesë dhe në shumë festivale.
“Për ne, dhe miqtë e bashkëpunëtorët e tij në TKOB, ai mbeti përherë "Loni" nga opereta "Karnavalet e Korçës" një rol që Gjergji i dha maksimumin, për ta kthyer në një personazh të dashur për publikun. Lamtumirë Gjergj Suljoti, ngushëllime familjes dhe miqve!”- thuhet ndër të tjera në reagimin e TKOB në rrjetin social Facebook. A.K./TemA
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Lamtumire miku im, dheu te qofte i lehte!
R.I.P.