Te fundit
Këlliçi flet për programin, premton ulje të taksave dhe çmimit të parkimit
30 Mars 2023, 05:35Politika
TEMA
Kandidati i Opozitës për Bashkinë e Tiranës, Belind Këlliçi, u shpreh në emisionin ‘Erla Now’, në Euronews, se fokusi kryesor i programit të tij është të zbusë koston e jetesës për qytetarët.
Këlliçi tha se në këtë sens, ai do të ofrojë transportin publik falas, një gjë që do të ndihmojë të paktën 200 mijë qytetarë që përdorin autobuzët urbanë, duke bërë që ata të kursejnë mbi 50 mijë lekë në muaj.
Këlliçi shtoi se transporti publik falas do të ndikojë edhe në lehtësimin e qarkullimit dhe uljen e ndotjes së ajrit.
Kjo, pasi programi i Këlliçit parashikon edhe shtimin dhe modernizimin e flotës.
Kandidati i Opozitës theksoi se ky projekt i kushton Bashkisë vetëm 6.8 përqind të buxhetit, dhe është tërësisht i mundshëm, nëse paratë nuk shpërdorohen.
Këlliçi u shpreh se propozimet e tjera që ai ka për të zbutur koston e madhe të jetesës në Tiranë që vuajnë banorët, janë ulja e taksave dhe tarifave, dhe ndërhyrja urgjente në çështjen e parkingjeve, që është një barrë shumë e rëndë sot në kryeqytet, me çmime të papërballueshme, pothuajse sa në vende të zhvilluara të Bashkimit Europian.
Belind Këlliçi solli si shembull të abuzimit dhe keqpërdorimit të buxhetit të Bashkisë, rastin e inceneratorit të Tiranës që merr 41 mijë euro në ditë, edhe pse nuk ekziston.
Korrupsioni, sipas Këlliçit, është i përhapur edhe në fusha të tjera e në sektorë të Bashkisë, ku përmendi studimin se pothuaj 40 përqind e të ardhurave nuk mblidhen nga administrata e Veliajt, si pasojë e qokave dhe përfitimit të paligjshëm.
Me një qeverisje të mirë, transparente dhe të ndershme, Këlliçi tha se të ardhurat e Bashkisë mund të shtohen me 60 milionë euro në vit.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Fakti qy ky është vegla qorre e non gratës universale,i heq çfarëdo besimi edhe sikur të ishte gjeni politik dhe administrativ.Më thuaj me kë rri,të them cili je.Nuk ka asnjë shpresë.
Te gjitha qe thote jane te realizueshme. Nuk duhet paragjykuar. Kete ben makineria e propagandes se rilindjes, gjithcka e vertet qe thuhet fshihet nga postime ose transformohet mesazhi. Selektime ne komente dhe qendrime. Fakti eshte qe si transporti edhe me teper parkinghet jane kerkojne nderhyrje urgjente ne Tirane.
Ky Beneti dihet nga te gjithe qe eshte Egjytian ( Jevgjit ) nga Tivari , Shkodra kete e di , ashtu sic din dhe tjetren qe Jevgu PASHE punen e pare qe beri vrau babane e tije. Po per Shkodren gjetet Jevgjit o politikane .