Te fundit
Ali Ahmeti mbledh aleatët: Nuk mund ta caktojë VMRO-VLEN se kush përfaqëson shqiptarët dhe kombësit e tjera
2 Qershor 2024, 18:49Rajoni
TEMA
Partitë e Frontit Evropian, që udhëhiqen nga Bashkimi Demokratik për Integrim (BDI), e miratuan të dielën në Tetovë, siç e quajtën ata, një deklaratë kundër “qeverisjes monoetnike” në Maqedoninë e Veriut.
Kryetari i BDI-së, Ali Ahmeti, tha se shumica e re parlamentare mes partisë fituese të zgjedhjeve, VMRO DPMNE, dhe koalicionit VLEN, i cili përbëhet nga katër parti shqiptare, “nuk përfaqëson legjitimitetin” e shqiptarëve nga zgjedhjet parlamentare të 8 majit.
VMRO DPMNE-ja dhe koalicioni VLEN pritet ta formojnë Qeverinë e re maqedonase në javët në vijim.
Në zgjedhjet e majit, Fronti Evropian - në përbërjen e të cilit janë edhe katër parti të entiteteve tjera – i fitoi 18 deputetë, katër më shumë se VLEN.
Ahmeti pretendon se në zgjedhjet në Maqedoninë e Veriut gara zhvillohet ndërmjet partive të dy grupeve më të mëdha etnike dhe se fituesit e zgjedhjeve te komuniteti maqedonas dhe ai shqiptar duhet t'i formojnë institucionet e reja.
”Konstatojmë patjetërsueshmërinë e zbatimit të demokracisë konsensuale në përputhje me frymën e Marrëveshjes së Ohrit dhe Kushtetutën e Maqedonisë së Veriut... Partnerët e koalicionit qeverisës duhet të përcaktohen nga vullneti politik i dy komuniteteve më të mëdha në vend, shqiptarëve dhe maqedonasve, si dhe përfaqësuesve legjitimë të komuniteteve të tjera të shprehur në zgjedhje të lira, fer dhe demokratike. Kjo është e drejtë zakonore e zbatuar në vendin tonë, që mundëson legjitimitet, demokraci funksionale, kohezion shoqëror, konsensualitet dhe përfaqësim të drejtë në vendimmarrje”, ka tha Ahmeti duke e lexuar deklaratën e miratuar nga partitë e Frontit Evropian.
Por VLEN thotë se BDI-ja nuk mund të pretendojë në legjitimitetin e votës shqiptare, pasi pjesë e Frontit Evropian ishin edhe katër parti të entiteteve tjera në Maqedoninë e Veriut që fituan vota në emër të koalicionit në zgjedhjet parlamentare.
“Mosrespektimi i legjitimitetit mundëson etablimin e hegjemonisë etnike dhe paraqet poshtërim ndaj shqiptarëve, turqve, romëve, boshnjakëve dhe të tjerëve. Ky majorizim monoetnik shkel mbi legjimitetin e komuniteteve të tjera etnike, rëndon bashkëjetesën, demokracinë dhe nuk duhet të lejohet nga të gjithë ne bashkërisht”, ka thënë Ahmeti.
Ai ka thënë se me mosrespektimin e “legjitimitetit të votës nënkupton kthim prapa, zhbërje të të arriturave të deritanishme të përbashkëta” andaj bëri thirrje që kjo të mos ndodhë pasi siç tha “të gjithë bashkë kemi përgjegjësi për paqen, sigurinë, stabilitetin e vendit dhe rajonit tonë”.
Kryetari i BDI-së tha se deklarata e nënshkruar të dielën nga Fronti Evropian “do t’i dërgohet qendrave ndërkombëtare të vendosjes, Bruksel, Uashington, Londër, Paris, vendeve të rajonit, me qëllim të rritet vëmendja se në çfarë drejtimi po rrezikohet Marrëveshja e Ohrit e arritur me sakrificë dhe me gjak në Maqedoninë e Veriut”.
Në Maqedoninë e Veriut deri në vitin 2017 ka pasur një rregull të pashkruar, që qeveritë të formohen nga partitë fituese shqiptare dhe maqedonase, pavarësisht orientimeve të tyre programore.
Bashkimi Demokratik për Integrim, si fituese e zgjedhjeve te shqiptarët ka qenë pjesë e Qeverisë, si me LSDM-në, ashtu edhe me VMRO DPMNE-në, që fitonin zgjedhjet tek elektorati maqedonas.
Ky rregull ka vazhduar deri në vitin 2017, kur Qeveria u formua nga LSDM-ja edhe pse i kishte humbur zgjedhjet tek elektorati maqedonas.
Ajo arriti të formojë shumicën parlamentare me votat e partive shqiptare dhe më pas formoi edhe Qeverinë duke larguar nga pushteti VMRO DPMNE-që drejtohej nga Nikolla Gruevski asokohe.
Pas kësaj, VMRO DPMNE-ja disa herë ka bërë të ditur se rregulli “fituesi me fituesin” më nuk do të vlejë.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Z. Ahmeti ka pretendime jo ligjore sipas rendit demokratik dhe kushtetutes. Partia qe ka fituar shumicen ka te drejte te krijoje qeverrine dhe eshte e drjeta e saj te ftoje ne qeverri partite te tjera, per etike normalisht nga ish opozita. Neser kur te krijohet qeverria e re Z. Ahmeti pretendimet e tij mund t'i dergoje ne gjykaten kushtetuese te Maqedonise.
Derisa 40% e elektoratit të pakorruptuar shqiptar ia dhanë votën VLEN'it, tregon që shqiptarët nuk ndjehen komod me qeverisjen e "bandave të luftës". Ali Ahmeti t'i kthehet realitetit, të pranoj humbjen, sepse edhe ashtu ishte i humbur, sikur të mos llogariten votat e romëve, torbeshëve dhe shqiptaro-turqëve ( turko alvani, greqisht). Tani po qe burrë ashtu siq pretendon, të mbajë përgjegjësinë dhe të ikën nga skena politike. 20 vite pushtet dhe ende në qindra fshatra shqiptare ku bashkitë janë me shumicë bullgare, nuk kanë shkolla dhe mësues shqiptar. Meqë është mik i devotshëm i krahut të luftës, të cilët në Kosovë dështuan plotësisht, bënë mirë të pendohet dhe të përkrah forcat e reja politike shqiptare.
O "Abdyl Qenefi", o fyell, shume mire qe Ali Ahmeti ka fituar vota edhe nga qytetare te tjere jo Shqiptare te Maqedonise, per kete nje bravo te madhe! Ne Shqiptareve na kane rrudhur shume fqinjet jo vetem duke na marre pjese te vendit por dhe duke asimiluar shume shqiptare ne kombesi te tjera, kryesisht sllavo-greke, dhe ti u hidhesh perpjete qe Ali Ahmeti ka marre disa vota jashte Shqiptareve! Eshte normale ne nje demokraci te vertete! Pse Dritan Abazoviç-i ne Mal te Zi mer vota edhe nga jo Shqiptaret eshte gabim?!
Nuk e di ti pse AbazOVIC ? Ua solli mbi kokë malazezëve KISHËN SHOVENISTE të SHKIVE. Meritë e madhe, apo jo? Lundrim drejt detit politik rusoserb.
Or qenefë të BDI - që na siguroi pozitën e pakicës pa identitet, resp me identitet matematikor, masë, turmë, kope - pa identitet e integritet moral kombëtar. Ja meritat e TEVEQEL Afmet AliShukri
Partia e Ali Ahmetit, haron qeverisjen me LSD të maqedonis e pse ishte humbëse në zgjedhjet paraardhëse dhe kjo lëvizje erdhi me bekimin e E. Ramës. Pretendimet se perfaqëson shumicën e shqiptarëvet janë lëvizje regresive për demokracin. Aliu me shokët e krahut të armatosur(uçk) sot duhet të ishte në hagë e jo të kakriste…!