Te fundit
Kërkohet lirimi i Ratko Mlladiçit me pretendimin se “i kanë mbetur pak muaj jetë”
3 Qershor 2025, 17:39Rajoni
TEMA
Avokatët e Ratko Mlladiçit i kanë bërë një kërkesë urgjente Mekanizmit Ndërkombëtar të Mbetur për Gjykatat Penale të OKB-së në Hagë për lirimin e shefit ushtarak serb të Bosnjës të kohës së luftës për arsye humanitare, sepse ai është transferuar tashmë në kujdesin paliativ dhe i kanë mbetur vetëm disa muaj jetë, sipas mocionit të bërë publik të martën.
Mocioni për lirim thotë se Njësia e Paraburgimit e OKB-së në Hagë, ku ai po mbahet, i ka “thëne z. Mlladiç dhe familjes së tij se gjendja e tij mjekësore nuk mund të shërohet dhe se ata po kalojnë në kujdes paliativ dhe se jetëgjatësia e tij e mbetur matet me muaj”.
Duke bërë thirrje që të dënuarit 83-vjeçar për gjenocid dhe krime lufte t’i jepet lirim i përkohshëm ose lirim i parakohshëm me kusht, mocioni argumentoi se “jetëgjatësia e kufizuar e Mlladiçit është një çështje qendrore humanitare të cilës duhet t’i jepet peshë vendimtare”.
Ai këmbënguli se nuk ka rrezik arratisjeje për shkak të diagnozës së tij terminale, jetëgjatësisë së shkurtër, nevojës për kujdes paliativ dhe faktit se ai qëndron në regjim shtrati.
Avokatët e Mlladiçit, Dragan Ivetiç dhe Branko Lukiç, thanë në mocion se që nga marsi i vitit 2024, ai ka pasur tre incidente mjekësore që oficerët mjekësorë në Njësinë e Paraburgimit të OKB-së i kanë vlerësuar si kërcënuese për jetën ose potencialisht kërcënuese për jetën.
“Duke pasur parasysh natyrën e gjendjes shëndetësore terminale dhe të pashërueshme të Mlladiçit dhe jetëgjatësinë e tij të shkurtër, vazhdimi i qëndrimit të tij në burg nuk i shërben asnjë qëllimi legjitim dhe përbën trajtim dhe ndëshkim çnjerëzor”, argumentoi mocioni i tyre.
Ata thanë se lirimi i Mlladiçit do t’i kursente Mekanizmit Ndërkombëtar të Mbetur për Gjykatat Penale dhe Njësisë së Paraburgimit të OKB-së kostot e kujdesit paliativ dhe do t’i lejonte Mlladiçit të shqyrtonte të gjitha opsionet mjekësore për zgjatjen dhe përmirësimin e cilësisë së jetës së tij, si dhe të jetonte pjesën tjetër të jetës së tij me familjen e tij në një mënyrë humane dhe komode.
Mlladiçi u dënua me një vendim të formës së prerë në qershor 2021 për gjenocidin e boshnjakëve nga Srebrenica, persekutimin e boshnjakëve dhe kroatëve në të gjithë vendin gjatë luftës, terrorizimin e popullsisë së Sarajevës me një fushatë granatash dhe sulmesh me snajper gjatë rrethimit të qytetit dhe marrjen peng të paqeruajtësve të OKB-së.
Ai u dënua me burgim të përjetshëm.
Gjatë kohës së tij në paraburgim në Holandë, Mlladiçi ka pasur disa probleme serioze mjekësore dhe ka pësuar dy goditje në tru dhe një atak në zemër.
Avokatët e tij kanë pohuar vazhdimisht se ai nuk ka marrë trajtimin e duhur dhe se problemet e tij shëndetësore janë nënvlerësuar. Gjykata e OKB-së ka refuzuar vazhdimisht kërkesat që ai të shtrohet në spital për trajtim.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Sikur të jetë vërtet kështu, pra sikur të jetë në prag të dërgimit në atë botë, atëherë le të shkojnë e t'a përcjellin aty në kafaz. Një qenie me shpirt dhe zemër të kalbur, të korruptuar moralisht dhe të zbrazur nga intelekti, nuk e njeh nderin. T'i lejosh tij privilegjin për t'u përcjellë në liri do të thotë të përdhosesh kujtimin dhe nderin e mijëra të pafajshëmve. Drejtësia nuk është krijuar të lejojë arratisjen nga përgjegjësia e mynxyrrave si ky.
Ndoshta ja zë vendin Sali Non Grada ????
Me te njejtat justifikime liruan Sheshelin,eshte aty akoma gjalle krimineli. Ky meriton te kalbet ne kafaz,uroj qe te mos ja pranojne kerkesen kasapit!!
Edhe per Sheshelin thoshin se do te vdes,para ca vjeteve,por ai sot eshte ne kete jete,me idete e tij shoveniste,hegjemoniste dhe antishqiptare!