Te fundit
Ramush Haradinaj: Albin Kurti duhet të japë dorëheqjen që sot, po na prish me SHBA dhe Perëndimin
30 Maj 2023, 18:44Rajoni
TEMA
Ramush Haradinaj akuzon kreun e qeverisë, Albin Kurtin dhe presidentin Vjosa Osmanin, që nuk kanë lënë sukses pa e kthyer përmbys.
Reagimi vjen pasi ambasadori amerikan në Prishtinë, Jeff Hovenier tha se qeveria e Kosovës nuk është bashkërenduar me Shtetet e Bashkuara për zhvillimet në veri dhe ka krijuar një krizë të panevojshme, duke dëmtuar edhe marrëdhëniet me Uashingtonin.
Postimi i plotë
Albin Kurti e Vjosa Osmani për më pak se tre vjet në pushtet, nuk kanë lënë sukses pa e kthyer përmbys. Ata për kaq pak kohë e kanë kthyer Kosovën dhjetë vjet mbrapa.
Përjashtimi i Kosovës nga ushtrimi i NATO-s “Defender Europe 2023” është alarm për sigurinë tonë nacionale. Duhet të jesh shumë dritëshkurtër që në këtë kohë kaq delikate, të armiqësohesh me krejt botën demokratike?
Shtetet investojnë me dekada për të krijuar miqësi dhe aleanca. Në rastin tonë, del një Albin Kurti e tenton t’i rrëzojë ato. Ka pasur edhe të tjerë në historinë tonë që kanë dashur t’i përmbysin këto aleanca, por Kosova ka qenë më e madhe se sa vogëlsia e tyre dhe ka triumfuar. Ajo nuk ka alternativë tjetër përpos të triumfojë edhe këtë herë.
Populli i Kosovës që është populli më properëndimor i kontinentit, do të dijë t’i ruajë miqtë dhe orientimin e vet. Është i vogël Albin Kurti t’ia ndërrojë orientimin Kosovës dhe popullit të saj. Ai e ka vetëm një shans, që njëherë në jetën e tij t’ia bëjë një të mirë Kosovës! Të japë dorëheqje qysh sot!
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ore Rramush, tani e gjete ta sulmosh Kurtin, duke I dhene me shume shtyse Vucicit ne rrugen e tij per ripushtimin e Kosoves. Kur vjen puna tek interesi kombetar duhet te jemi nje. Kushdo qe te drejtonte ne kete moment do te perballej me te njejten situate, pasi Vucic do te gjente ( krijonte incidente ) ndonje preteks per te ushtruar presion, mbasi ky eshte momenti me I favorshem per te. Nga njera ane i nxitur nga Rusia dhe nga ana tjeter sheh percarjet ne politiken kosovare dhe terheqjen e Perendimit ne raport me Serbine per te mos lejuar hapjen e nje fronti tjeter ne Ballkan, pervec atij ne Ukraine.
Këta ndërkombëtarët janë thjesht ca palaço teatroxhinj. A i lejuan zgjedhjet në veri edhe pse serbët nuk morrën pjesë? Tani ça dreqin duan? Ti pengojnë shqiptarët të hyjnë në zyra se kështu do Vuçiçi? Pse nuk penguan Ramën kur bëri zgjedhje lokale pa opozitën? Sa herë pasi bën zgjedhje Rama, Shba sjell ushtrinë këtu, që mos të ketë protesta kryengritje, kur bën zgjedhje Albini ikën stërvitja defender. Sanksione gjasme.