Stoltenberg në Beograd: Grumbullimi i ushtrisë serbe në kufi nuk ndihmon në qetësimin e tensioneve

Sekretari i Përgjithshëm i NATO-s, Jens Stoltenberg në një konferencë të përbashkët për shtyp me presidentin e Serbisë, Aleksandër Vuçiç, të martën në Beograd, ka thënë se ngritja e gatishmërisë ushtarake të Serbisë përgjatë kufirit të Kosovës nuk i shërben përpjekjeve për normalizimin e marrëdhënieve Kosovë-Serbi dhe zbutjen e tensioneve.

Stoltenberg ka thënë se mirëpresin “koordinimin e ngushtë” midis Ushtrisë së Serbisë dhe Forcës së NATO-s në Kosovë (KFOR), por edhe propozimin e fundit të Bashkimit Evropian (BE) për Asociacionin e Komunave me Shumicë Serbe, duke e konsideruar njëkohësisht hap të rëndësishëm drejt normalizimit të marrëdhënieve Prishtinë-Beograd.

“Grumbullimi i Ushtrisë së Serbisë përgjatë kufirit të Kosovës nuk ndihmon. Unë mirëpres koordinimin e ngushtë midis Ushtrisë së Serbisë dhe KFOR-it. Unë llogaris në të gjitha palët për të ulur tensionet dhe unë e mbështes themelimin e Asociacionit të Komunave me Shumicë Serbe, ky do të ishte çelësi drejt normalizimit”, ka deklaruar Stoltenberg.

Shefi i NATO-s ka komentuar edhe sulmin e protestuesve serbë ndaj ushtarëve të KFORit në fund të muajit maj në Zveçan dhe sulmin terrorist të 24 shtatorit në fshatin Banjë në pjesën veriore të Kosovës të banuar me shumicë serbe, derisa ka bërë thirrje që përgjegjësit të vihen para drejtësisë. Ai ka mirëpritur gatishmërinë e Serbisë për bashkëpunim.

“Në muajin maj, trupat e KFOR-it janë sulmuar, duke plagosur 93 prej tyre. Ata kanë marrë lëndime që ua kanë ndryshuar jetën. Në shtator, ne kemi parë një shpërthim të dhunshëm në Kosovë. Kjo është e papranueshme. Faktet duhet vërtetuar. Përgjegjësit duhet të përballen me drejtësinë. E mirëpres që Serbia është e gatshme të bashkëpunojë”, ka thënë Stoltenberg.

Paralajmërimi se Rusia mund të nxisë konflikt në Ballkan, reagon DASH

09:38 Rajoni

Mes lotësh dhe kërcënimesh! Nismëtarja e bibliotekës së parë shqip në Manastir: Sonte nuk fle dot, jeta ime në rrezik

21:31 Rajoni 27 komente

Fjalët që s'kërkojnë përkthim: Studentët e Kosovës dhe Serbisë me fjalor të përbashkët

20:20 Rajoni 10 komente

VIDEO: Jo vetëm në Shqipëri ka dhunë, deputetët i thyejnë kompjuterin dhe gjuajnë zv.kryetarin e Kuvendit në Maqedoni

19:47 Rajoni 4 komente

Albin Kurti: Serbia ka 48 baza operacionale përreth kufirit me Kosovën

19:40 Rajoni 6 komente

Stoltenberg në Kosovë: Sulmi i 24 shtatorit i papranueshëm. Po shqyrtojmë rritjen e përhershme të pranisë së NATO-s

17:10 Rajoni

Vuçiç: 2024 do jetë viti më i keq, do të na sjellë shumë më tepër konflikte dhe trazira

15:50 Rajoni 3 komente

Ambasadori izraelit në Greqi: Nuk mund të ketë armëpushim, Hamasi duhet shkatërruar

15:10 Rajoni 3 komente

Eksperti i sigurisë: Të jemi vigjilentë, Radoiçiçi po krijon ushtri brenda Kosovës

11:53 Rajoni 4 komente

Plani rus për luftë në Ballkan, kreu i NATO-s nis sot turin ballkanik

11:45 Rajoni