Tensionet në veri, reagon Begaj: Autoritetet e Prishtinës shmangën një provokim të rëndë

Presidenti i Republikës, Bajram Begaj, përshëndeti autoritetet e Kosovës për maturinë e treguar, që në bashkëpunim dhe koordinim të ngushtë me partnerët ndërkombëtarë shmangën një provokim të rëndë për stabilitetin e Kosovës, veçanërisht në këtë situatë të ngarkuar me kërcënime e rreziqe të mëdha e të shtuara, për paqen dhe sigurinë për rajonin tonë pas agresionit rus në Ukrainë.

“Kosova tashmë është një realitet i pakthyeshëm politik, kontribues për paqen dhe stabilitetin në rajon dhe i konfirmuar jo vetëm nga mbi gjysma e vendeve anëtare të Kombeve të Bashkuara që e kanë njohur atë, por edhe nga Gjykata Ndërkombëtare e Drejtësisë në Hagë, 11 vjet më parë, u shpreh Kreu i Shtetit duke iu referuar anëtarësimit të Kosovës në organizatat ndërkombëtare.

Kjo deklaratë u shpërnda nga zyra e shtypit e presidentit Begaj pas takimit që presidenti Begaj pati me Kryeministrin e Spanjës Pedro Sánchez.

Presidenti Begaj shprehu keqardhje dhe solidaritet me popullin dhe qeverinë spanjolle për dëmet e mëdha që vala e nxehtit dhe zjarret masive kanë shkaktuar në Spanjë.

Kreu i shtetit vlerësoi mbështetjen e vazhdueshme dhe të pakursyer që Spanja i ka dhënë Shqipërisë në kuadër të procesit të integrimit evropian.

“Jam besimplotë se gjatë Presidencës spanjolle të Bashkimit Evropian, në 6-mujorin e dytë të vitit të ardhshëm, mbështetja e Kryeministrit Sanchez dhe e qeverisë së Spanjës do të jetë shumë domethënëse për procesin e negociatave të aderimit të Shqipërisë në BE” – nënvizoi Presidenti Begaj.

Në takimin me kryeministrin spanjoll, Presidenti Begaj shprehu besimin se qeveria spanjolle do të gjente modalitetet e duhura politike e diplomatike për ta lehtësuar e mundësuar praninë e Kosovës në organizatat e ndryshme evropiane dhe ndërkombëtare, si dhe për lëvizjen pa viza të qytetarëve të saj në hapësirën e BE-së, ashtu si të gjithë qytetarët e tjerë të rajonit të Evropës Juglindore.

“Mos e grah grethin me krande se...", Pandeli Majko paralajmëron Serbinë

12:02 Politika 66 komente

INTERVISTA/ Gjekmarkaj: Zoti Meta, kërko dosjen tënde dhe bëj transparencë për akuzat e qeverisë

11:55 Politika 20 komente

Sanzhez në Tiranë: Mbështesim Shqipërinë në BE, na nxë të gjithëve

10:58 Politika

"S'është diskriminim", Rama komenton qëndrimin e Spanjës mos-njohjen e Kosovës

10:53 Politika 25 komente

Sanchez në Tiranë, Rama: Një nga aktorët më të zëshëm në procesin e integrimit

10:46 Politika 25 komente

Rama, "presion" Vuçiç: Zbato marrëveshjen e dakordësuar me Kosovën, mos mbështet grupet në veri të Kosovës

10:43 Politika 40 komente

Kryeministri i Spanjës në Tiranë, pritet me ceremoni zyrtare nga Rama

09:03 Politika 3 komente

Tensionet në Veri, reagon Alibeaj: Jemi në krah të Kosovës

00:53 Politika 1 koment

FOTOT/ "Toka mbi tavolinë", Rama: Bujtina 5 km larg Beratit që nuk duhet lënë pa vizituar

22:00 Politika 15 komente

Rama teston sistemin e leximit të pasaportave në aeroportin e Rinasit: S’ka më shih në sy…nga polici

21:56 Politika 6 komente