Te fundit
“Gati për një ekip të madh”, ish-trajneri i Ramadanit: Nuk ka frikë nga askush
19 Nëntor 2023, 14:10Sport
TEMA
Ylber Ramadani ka lindur në Gjermani, por karrierën si futbollist e nisi në Kosovë. Ishte ende një adoleshent kur u bë pjesë e skuadrës së parë të Ferizajt, moment që Arsim Abazi e kujton me emocione.
Ish-trajneri i Ferizajt ka folur rreth “luftëtarit” të kombëtares shqiptare dhe Lecces në Serie A, në një rrëfim për shtypin italian. Interi po e moniton me kujdes mesfushorin dhe Abazaj, i cili e njeh që herët, është i sigurt se Ramadani është gati të hedhë hapin e madh.
"Isha trajner i Ferizajt kur e pashë Ylber Ramadanin për herë të parë. Ishte një djalë i qetë, më pëlqente si vraponte. Iu afrova dhe e pyeta nëse donte të bashkohej me ne.
Ai pranoi menjëherë dhe të nesërmen doli në stërvitje me skuadrën. Edhe pse ishte shumë i ri, vetëm 15-vjeçar, unë e bëra pjesë të skuadrës së parë.
Ylberi stërvitej me ne nga e hëna deri të premten. Të shtunën luante me skuadrën e të rinjve dhe të hënën rikthehej në stërvitje me ne.
Më pëlqente përkushtimi me të cilin stërvitej çdo ditë, por edhe profesionalizmi i tij. Punonte shumë, nuk humbiste asnjë seancë stërvitore. Punëtor i madh, ishte tepër i disiplinuar.
Njësoj ishte edhe në jetën private, ku ishte shumë i vëmendshëm dhe i rregullt. Ylberi mund të arrijë edhe më shumë se sa ka arritur deri tani: kjo dallohet edhe në kombëtaren shqiptare.
Si edhe me Leccen, ku është ndër më të mirët e skuadrës. Rrugëtimi i tij justifikon interesimin e një klubi të madh si Interi. Unë kam besim të madh se ai mund të luajë pa probleme edhe në një skuadër të tillë.
Sepse Ylberi nuk ka frikë nga askush. Siç e thashë, ai është shumë punëtor. Për këtë arsye mendoj dhe jam i sigurt se Ylber Ramadani është gati për një klub të madh europian”, theksoi Abazi.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Amon mos na hapni barkun,se per futboll italian po flisni qe eshte sot nje hap perpara atij Shqipetar!Ndaj lereni euforine e tepert por zbrisni me kembe ne toke ,shikoni ndeshjet qe kemi zjvilluar dher do konstatoni nje çorganizim te çorganizuar!Padyshim qe shkuarja ne Europian eshte nje sukses por shikoni dhe ekipet e kategorise sone(jo per nga niveli se jemi te fundit) dhe nuk çmendet kerkush sikur ka marre kupet e Europes!Shikoni edhe pse ne renditemi ne vendin e pare jo padashje ndodhemi ne koven e dyte! Kjo eufori do te na çoje futbollin edhe 10 vite mbrapa.Uroj me gjithe shpirt qe kjo kombetare te kete objektiv te mbrije ndonje dite sa ekipi i Kosoves,qofte teknikisht apo taktikisht ne lojen e bukur e dinjitoze qe luan.