Kunati i Lulit në ditën e parë të punës

Kunati i Lulit dje e kishte ditën e parë të punës. Hyri në Bashki nga dera e poshtme e saj dhe e mori me nge. Filloi të inspektojë gjithë zyrat nga kati i parë deri në kat të fundit. Shikonte tabelën, e shtynte pak, fuste kokën brenda dhe përshëndeste atë që shikonte mbi tavolinë. Njerëzit e përshëndesnin gjithë frikë, dhe ai kënaqej. Tërhiqte sërish derën dhe vazhdonte më tej. Pasi kaloi disa zyra, vuri re se nuk gjente më njerëz brenda tyre. E kuptoi. Numeratori i brendshëm telefonik kishte funksionuar dhe njerëzit kishin boshatisur zyrat. Kjo duhet shmangur, tha. Këtu nuk bëke dot kontroll. Thirri një nga teknikët e vjetër të rrjetit të telefonave dhe i kërkoi urgjent bllokimin e rrjetit të brendshëm telefonik.

-Nuk bëhet zoti kunat, i tha tekniku. Është digjital. O prishet i gjithi, ose mbahet i gjithi siç është.

Kuanti i Lulit u mendua pak dhe bëri sikur s’e kishte mendjen. Pastaj iu kthye teknikut.

-Të bllokohet, thashë, nuk të thashë ta prishësh. Hë për hë nuk na duhet.

Pastaj u ngjit tek zyra e Lulit. Ai po fliste në telefon me dikë që po i lavdëronte Tabakun që do bëhej nënkryetare bashkie. Uli telefonin dhe u drejtua i kënaqur nga kunati.

-Do vijë Tabaku tani, tha, për prezantim. Kemi bërë zgjedhje të shkëlqyer. Fola dhe me Fevzon dhe ai kishte shumë respekt. Është shumë inteligjente dhe me shije, i kishte thënë. E vetmja që vinte re orën time kur e ndryshoja ose kravatën në Ministri të Integrimit ajo ishte. Shkoja çdo ditë në zyrë të Majlindës dhe bënim kot muhabete politike, dhe nuk merrte vesh nga asnjë nga firmat që vishja unë. Njëherë e takova atë në korridor dhe më tha sa të mirë e paske orën… Që atëhere shkoja takoja vetëm atë se  kishte klas në njohjen e veshjeve. Dhe nuk të bënte kurrë muhabete politike.

-Qenka mirë, tha kunati, d.m.th nuk na përzihet nëpër këmbë në punët tona?

-Jo, tha Fevzo, jo. Vetëm kështu muhabete femrash, veshje, krehje flokësh etj. Ato ok, le t’i bëjë. S’ka problem për ato. Ndonjë gjë tjetër ç’kemi nga shtypi?

-Nuk e di, tha kunati. E kanë bërë problem që unë i nisa e-maile gazetave nga adresa ime. Duhet me gjetë këtë pasuordin e e-mailit të Bashkisë, por ka dhënë dorëheqje ky i IT. S’dimë kë të pyesim?

-Provo një herë ndonjë pasuord zyrtar që kanë këta, bë dhe ndonjë test tjetër.

-Provova të gjitha, s’e hapa dot, tha. Bile futa dhe ‘20 përqind’ si pasuord, prapë u hap. Sa shkruajta 2 ishte jeshile, pastaj shtova zeron, u bë e kuqe. E shkruajta një herë 21, u bë prapë jeshile, pastaj e kuqe.

Luli u skuq deri tek veshët.

-Plehra, tha. Do ta ketë lënë pasuordin 21 janari. Pa provoje një herë…

Kunati shkoi prapë tek kompjuteri. E provoi. U hap… 21 janari e paska lënë plehra.

-Ndryshoje shpejt, i tha Luli. Bëje 25 korriku… jo, prit, bëje Viktoria.

-Po e lë njëherë 25 korriku, tha kunati sa të pastrojmë Bashkinë nga këta socialistët, pastaj e ndërrojmë.

-Mirë, tha Luli. Ti e di, por e-mailet tani dërgoji nga kjo adresë. Ndonjë gjë tjetër çfarë ka? Ka ardhur ndonjë mesazh përshëndetës?

-Doktori ka takuar Menduh Thaçin, i tha kunati. I ka shpjeguar gjerë e gjatë se si Tirana u fitua falë ligjeve amerikane. Ja kishte shpjeguar dje dhe vëllait të Obamës këtë. Por ai i kishte thënë se nuk e  kupton mirë këtë çështje se në të gjitha vendet ku ka jetuar nuk bëhen zgjedhje. As në Kongo, as në Kinë.

-Qenka me interes, tha Luli. Të lidhemi me këtë Thaçin ta presim në bashki. T’i japim dhe çelësin. Duhet kontrollu në magazinë a ka lënë ndonjë çelës a jo ai plehra. Është mbështetje e fortë ky. Më kujtohet kur isha në Kosovë. E futën amerikanët në listën e zezë të njerëzve në Ballkan si të rrezikshëm për SHBA. Më thanë dhe mua të shkoja të hetoja, por nuk u përzjeva. E takova një ditë, më shpjegoi sa lehtë i kishte vjedhur zgjedhjet dhe nuk e takova më. Ne na plasi buza për dhjetë vota, ai merrte 30 mijë në një qendër votimi me një mijë votues. Shumë i qartë. Pastaj e shpallën dhe evropianët non grata. Por unë prapë s’u përzjeva. U thashë atyre ‘e kam mik, nuk përzihem’. Na duhet ai, ta thërrasim.

-Kishte një problem, i tha kunati. Doktori nuk e priste kishte 7 vjet. E kishte takuar vetëm një herë. Ai donte ta takonte patjetër. Më dërgoi mua një njeri, më tha si t’ia bëj të paguaj ndonjë gjë, apo ma rregulloni ju. I thashë bëji sms, dhe premtoji mbështetje për Bashën dhe të pret. Dhe funksionoi. Lexova deklaratën e Doktorit, i kishte shpjeguar gjerë e gjatë se si e fituam mandatin bazuar në ligjet amerikane, të cilat Ndreca i njihte shumë mirë edhe pse nuk di anglisht. Dhe Menduhi e kishte përgëzuar që Doktori gjen mundësi të mbrojë të drejtën e vet me çdo lloj ligji edhe kur s’ka ligje në Shqipëri të tillë.

-Shumë mirë, shumë mirë, i Luli. Bëje deklaratë, bëje deklaratë dhe nisua shpejt, kujdes, jo të gjithëve se këta të Ramës tallen. Se e njohin ata. Nisja Andit, dhe këtyre gazetave të ndërtuesve se ata do kenë nevojë për leje. Erdhi Tabaku më duket. Dil pak jashtë dhe hyr si rastësisht. Ika shpejt…

Brigitte Bardot i shkruan Bashës: Edhe kafshët i vret për arsye politike

22:11 Antena

Gimi i Puros, i gëzuar për fitoren e Lulit dhe fjalimin e Kaçit

20:38 Antena

Gimi i Puros propozon ekspertizë për videon e Haxhinases

18:42 Antena

Gimi i Puros, i shokuar nga skandali i Haxhinases

20:15 Antena

Flamuri, në telash me Faron për Këshillin Kombëtar

21:40 Antena

Flamuri, në makth nga emërimi i papritur i ministrave

09:51 Antena

Flamuri, në alarm nga deklarata e Dashit Peqinit

21:25 Antena

Gimi i Puros lavdëron Tomën për Letrën e Hapur

23:56 Antena

Gimi i Puros diskuton për ndryshimin e Belerit në Aurela

20:52 Antena

Gimi i Puros përzgjedh emrin Sashenka për vajzën e Lul Bashës

19:19 Antena