Kunati i Lulit në panik për pallatin tek Uji i Ftohtë në Vlorë

Kunati i Lulit ka 24 orë që nuk fle nga paniku për pallatin që po ndërton tek Uji i Ftohtë në Vlorë. Të gjithë që kalojnë në rrugën Skelë- Uji i Ftohtë para se të shkojnë tek tuneli, shikojnë një kantier ndërtimi rrethuar me llamarina përmbi ujë. Një skandal i vërtetë. Vlora është qyteti i vetëm që i ka respektuar distancat nga deti dhe ky është i vetmi skandal që ndërtohet mbi det. Dhe kjo e ka lënë pa gjumë Kunatin e Lulit. Një ditë Doktori ka qenë duke ikur për në Dhërmi, dhe duke kaluar tek Tuneli ka parë pallatin që ndërtohej mbi ujë.

-Ah, e kapa Shpëtim Gjikën, tha. S’ka ku më ik tani. Mafia e ndërtimit ka marrë 20 për qindëshin. Siç ishte në makinë i bën telefon Ministrit Olldashi dhe e urdhëron të nisë urgjent fadromat për në Vlorë dhe të prishë pallatin që po ndërtohet mbi ujë. Olldashit ju bë zemra mal, pasi e dinte të vërtetën dhe bëri sikur po e refuzonte.

-Dakord Doktor, e çojmë, por të shikojmë kushtet se si e ka marrë lejen se ndoshta ne…

-Dërgo fadromat, s’ka asnjë kusht, është mbi ujë. Kam urdhëruar që 100 metra larg detit nuk dua as çadër, ky bandit po ndërton mi ujë. E bën Shpëtim Gjika, e bën mafia e 20 përqindëshit, nis urgjent fadromat…

-Dakord Doktor, nuk është problem fadroma, por thjesht thashë të pyesim një herë për procedurën dhe të raportoj unë.

-Mirë, dakord, më raporto që e prishëm, tha dhe e mbylli telefonin.

Olldashi fërkoi duart që i erdhi Luli në dorë. Mori Drejtorin e Policisë së Ndërtimit dhe e urdhëroi të shkonte urgjent në Vlorë të verifikonte mënyrën si është dhënë leja dhe të fillonte procedurën e prishjes. Duke qenë se i pari i ndërtimit është i partisë çame, i ra shkurt dhe pyeti Dashin e Havasë në Vlorë. Dashi ja ktheu përgjigjen menjëherë.

-Mos e kruaj me atë pallat se është i Lul Bashës, i tha.

Drejtori i policisë ndërtimore nuk dinte se ç’të bënte dhe merr prapë Olldashin.

-Shefo, qeka pallati i Lul Bashës, tha.

-Hajt se gënjejnë, tha Olldashi i superkënaqur. Ohu sa herë flasin në emër të ministrave këta mafiozët. Shko aty bë dokumentacionin dhe bëhu gati për fadromat se kam urdhër nga kryeministri. Çami i shkretë nuk dinte nga t’ia mbante dhe shkoi tek Kunati i Lulit.

-Si t’ia bëjmë, i tha. Ka kalu Doktori për në Dhërmi, ka pa pallatin tuaj mbi det dhe ka dhënë urdhër të prishet. Si t’ia bëjmë tani se po e mori vesh që është pallati juaj do bëhet skandal se ka dhënë urdhër të prishet tani.

Kunati i Lulit u zbeh i tëri. Shkuan bashkë në zyrë tek Luli. Ja shpjeguan hallin. Luli filloi të dridhej nga frika.

-Bo, bo, ç’më bëtë. Si t’ia bëjmë tani. Bo, bo, ç’është ky telash. Si t’ia bëjmë tani. Pa fol një herë me Zenin, mos e zbut ai. Bo bo ç’më bëtë. Po sikur t’i themi e ka dikush tjetër. Bo, bo, është leja në emër tënd. Bo, bo, ç’më bëtë. Do ta marrë vesh ai do bëjë namin. Bo, bo, do ta marr% vesh dhe Jozefina, tha. Dhe puna është se janë dy pallate, jo një. Bo, bo, ç’më bëtë. Po Olldashi e mori vesh?

-E mori, tha Kunati. I ka thënë ky, duke treguar me dorë nga Drejtori i Policisë së Ndërtimit.

-Po çfarë tha?

-Ai tha nuk besoj se Luli bën punë të tilla se është njeri i pastër dhe i ndershëm dhe nuk është njeri i korruptuar. Flasin kot në emër të tij, tha.

-Bo, bo, ç’na gjeti, dhe kjo na duhej, tha Luli. E shikon se ç’mund të bëhet. Mund të ndryshojë dhe Olldashi mendim për mua pas kësaj. Bo, bo, ç’më bëtë. Si t’ia bëjmë që të mos dalë emri im?

-T’ia japim Zenit, tha Kunati. Ti e di që pallatet tona dhe pallatet e Prudentinos janë ngjitur. Le t’i marrë dhe këto Zeni përsipër dhe ndoshta zbutet ai Burri. Vete Zeni i thotë ‘babi s’të kisha thënë, po ai pallat është imi’, siç e bëri për atë 22- katëshin në Golem dhe nuk e prishin.

-Bo, bo, ç’më bërët. Po sikur të flasë ai Shpëtim Gjika? Si i bëhet atij? O ç’na bëri ai Kollozi që s’fitoi se me atë  e kishim rregullu.

-Kam frikë se mos flasë Doktori i pari e akuzon Gjikën dhe ai aq do, del i thotë Doktorit më fal, e kam bërë këtë gabim dhe shkon i prish.

-Bo, bo, ç’na gjeti. Si t’ia bëjmë për këtë. Po me procedurë nuk shpëtohen ata? D.m.th të themi që ata duhen prishur, por nuk na lejon ligji se ka kaluar afati i prishjes. Siç e bëmë me Piramidën që thamë ajo s’duhet prishur, por ka kalu afati dhe është miratu ligji ndaj duhet prishur. Për atë themi ai duhet prishur, por ka kaluar ligji dhe procedura nuk na lejon ta prishim.

-Ashtu ta bëjmë, tha Kunati i Lulit. Kjo është zgjidhja. Kjo procedura qenka shpëtimi jonë. Ishallah nuk del Doktori në konferencë shtypi se niset e na i prish Shpëtim Gjika. Duhet dërgu Zeni në Dhërmi ta mbajë me të mirë, ose ta nxisë të thyejë nesër rekordin e notit që të mos merret me pallatet tona.

-Bo, bo, ç’më gjeti, vazhdonte thoshte Luli me vete. Sillej rrotull nëpër zyrë, fërkonte kokën dhe përsëriste ‘bo, bo, ç’më gjeti’. E paska marr vesh dhe Olldashi dhe s’e e ka besuar që unë bëj punë të tilla. Pu, pu sikur ta marrë vesh Olldashi që unë bëj punë të tilla, sa turp është.

Kunati i Lulit nervozohet me të premten e parë të qytetarëve

20:40 Antena

Kunati i Lulit përgëzon Fevzon për shkrimin kundër Piramidës

22:28 Antena

Kunati i Lulit hap dyert e Bashkisë

21:39 Antena

Kunati i Lulit në ditën e parë të punës

20:16 Antena

Brigitte Bardot i shkruan Bashës: Edhe kafshët i vret për arsye politike

22:11 Antena

Gimi i Puros, i gëzuar për fitoren e Lulit dhe fjalimin e Kaçit

20:38 Antena

Gimi i Puros propozon ekspertizë për videon e Haxhinases

18:42 Antena

Gimi i Puros, i shokuar nga skandali i Haxhinases

20:15 Antena

Flamuri, në telash me Faron për Këshillin Kombëtar

21:40 Antena

Flamuri, në makth nga emërimi i papritur i ministrave

09:51 Antena