Sonila transmeton rekordin e ri të Doktorit

Sonila ishte ngarkuar nga Sandri të transmetonte rekordin e ri të notit të Doktorit. Transmetimi duhej bërë live, por pa pamje, me konfirmim nga Sandri në çdo çerek, gjysëm ore pas fillimit.

Kështu prej orës 9 paradite lajmet kishin në “headlines” faktin që Doktori ishte futur të thyente rekordin e dytë në not.
Sonila doli fillimisht të jepte njoftimin:

“Të nderuar teleshikues ja dhe një lajm i ri, që vjen direkt nga Dhërmiu, ekskluzivisht për ABC News, ku kryeministri i vendit, ai që shpeshherë e kemi parë të pushtojë majat, murin kinez, Dajtin, tani është duke sfiduar thellësitë e deteve tona, që janë më të thellët në Evropë, dhe që janë tashmë sfida
e re e kryeministrit pas dy betejave të mëdha të tij. Ky është rekordi i dytë që kryeministri do thyejë këtë verë dhe burime pranë Familjes së tij thonë që kjo lidhet me dy arritje të mëdha të tij këtë verë, pushtimin e presidencës dhe pushtimin e SHISH. ABC News do jetë pranë jush për të rejat më të fundit, të cilat do t’i përcjellim ekskluzivisht në ekranin më të dashur për shqiptarët, nën performancën e stafit tonë të mrekullueshëm që këto ditë të nxehta vere është në krye të detyrës për të pasqyruar këtë arritje madhore të Shqipërisë… Qëndroni me ne…” dhe tentoi t’i fusë një të qeshur, por i lëvizi vetëm buza e poshtme.
Pas gjysëm ore e mori Sandri.
-Dil prapë në ekran, po mos thuaj gjithë ato k…llëqe që the qëparë. Fol më qartë. Thuaj Doktori ka gjysëm ore në ujë dhe premton se do thyejë rekordin…
Sonila u shfaq prapë në ekran.
“Të dashur telespektatorë, ja ku jemi direkt nga ABC News në këtë transmetim direkt që do të përcjellë direkt tek njerëzit atë që ndodh direkt në Dhërmi ku kryeministri ynë që po sfidon thellësitë e errëta të Jonit…, ai ka premtuar një rekord të ri dhe siç e dimë të gjithë kryeministri ynë është burrë i fjalës së mbajtur. Edhe pse nuk është konfirmim zyrtar të dashur shikues, është e sigurt se ai ka hyrë në ujë, ka gjysëm ore dhe po noton. Biles një i dërguari ynë na konfirmon që e pa Doktorin të lagur, ç’ka është e sigurt se ai ka hyrë në ujë, pasi siç dihet uji është lëng dhe lëngu të lag…, kaq në këtë ndërprerje të shkurtër të dashur teleshikues, mirupafshim pas gjysëm ore për të ndjekur këtë maratonë noti të kryeministrit tonë.”
Mori Sandri prapë.
-Të pashë, ia fute pordhës me atë punën e lagies, po hajt vari k…, tani s’ka nevojë të të marrë pas gjysëm ore se kam një takim po futu prapë në transmetim dhe sajo ndonjë gjë. E sigurt është që është në ujë se po flas me të në telefon.
Sonila doli prapë pas gjysmë ore.
“E sigurt të dashur teleshikues është se kryeministri ynë është akoma në ujë, akoma në Dhërmi, akoma në thellësitë e Jonit duke sfiduar thellësitë e detit më të thellë të Mesdheut, që me bukurinë e tij ka tërhequr në shekuj vizitorë, siç është rasti i mbishkrimeve të gjetura tek shpella e hajdutëve, apo në vende të tjera ku sot pritet të lulëzojnë resortet e reja turistike, të cilat ndërtohen fal dashamirësisë së kryeministrit për t’i dhuruar ato prona biznesmenëve të vërtetë shqiptarë, atyre që investojnë tek ABC News dhe atyre që na mbështesin dhe i mbështesim. Sapo më konfirmon regjia se drejtori ynë Aleksandër Frangaj është në linjë telefonike me kryeministrin, i cili po vazhdon të notojë i qetë pa asnjë shenjë lodhje. Zoti Frangaj, që siç dihet është drejtori ynë dhe falë atij ne kemi sot këtë televizion, më konfirmoi se në telefon ishte i qetë, frymëmarrja normale dhe kishte ndërmend të vazhdonte gjatë… Kjo është dhe një shenjë tjetër e vitalitetit të kryeministrit tonë dhe stafit të ABC News që transmeton direkt këtë event edhe pse jo zyrtarisht.”
Doli nga transmetimi dhe u lidh sërish me Sandrin.
-Hë, si isha, i tha.
-Vari leshtë, i tha Sandri, ajo punë e celularit nuk hahet se ai s’bën dot not me një dorë, po rregulloje pak në fund.
Po i vinte radha daljes së fundit para rekordit dhe Sonila do jepte lajmin. Për çudi Doktori e mori vetë në telefon.
-Sonila, dëgjo. Të kam ndjekur me vëmendje gjatë gjithë transmetimit, ke qenë e hatashme, magjike ke qenë. Ke përshkruar detaje të mrekullueshme. Tani dëgjo, shiko, do thuash që unë e theva rekordin me 2 orë e 52 minuta, apo ta lëmë 56 minuta, si thu ti, shiko, 52. Thuaj 52, dakord, po mbaje ritmin që ke pasë gjatë transmetimit se ke qenë e mrekullueshme. Shto dhe diçka: kur dola nga uji më tha mbesa, babi, qenka me fat ky xhaxhi Visho, të ka dhënë shumë energji.
-Patjetër Doktor, faleminderit shumë për komplimentet. Do ta them në transmetim që na ke ndjekur live nga deti ndërsa ne transmetonim garën tënde të notit…

Taqi, i tradhtuar nga Doktori, kërkon ndihmë tek Flamuri

20:19 Antena

Flamuri kërkon fshatin e Konstandinit të Madh

21:29 Antena

Flamuri inspekton skafet, kap personazhet e Antenës

20:30 Antena

Flamuri lexon dy herë fjalimin pa dashje

20:16 Antena

Doktori në pritjen e popullit para 6 gushtit

20:15 Antena

Flamuri nis hetimet për dekonspirimin e vilave

19:51 Antena

Taqi i naftës vë në siklet Boden me spanjollët e Malagës

21:17 Antena

Fahro siguron mbështetje për deputetët në SHBA

20:49 Antena

Nishanliu sqarohet nga Princ Leka për historinë

20:34 Antena

Incidentet e Doktorit me mbesën për notin gjasme

18:56 Antena