Doktori bën inventarin e vilave

Doktori ishte duke parë lajmet e Top Channel, kur u shfaq një kronikë që përmes telefonit celular tregonte mobiliet e shtrenjta të vilës qeveritare në Vlorë, të cilës TV i referohej si vila qeveritare e kryeministrit.

Befas u çua në këmbë i tërbuar.
-Çakalli ma ka bërë, tha. Jo, ai më ka bërë, duhet me ju përgjigj.

Në fillim mendoi a verifikonte.
Mori Gitën në telefon.
-Kemi vilë në Vlorë ne, e pyeti.
-Jo babi, s’e kemi akoma se s’i ka mbyllur letrat Zeni. Kemi ato tokat që kemi marrë aty afër Zvërnecit, po s’kemi bërë gjë. As në Orikum, aty do kemi pallat.
-D.m.th në Vlorë brenda nuk kemi?
-Kemi një, po ia kemi dhënë asaj volejbollistes me qira, që është në Greqi, dhe e kemi lënë që pas një viti ta blejë ajo me letra dhe pastaj të na e kthejë ne.
-D.m.th tani e kam fjalën s’kemi gjë me letra?
-Unë s’di të kemi, pyet njëherë Zenin.
Mori në telefon Zenin.
-Di gjë ti kemi vilë në Vlorë ne, i tha.
-Kemi, po s’i kam mbaru akoma, tha Zeni. Tani po mbaroj ato të Dhërmiut. Kemi bë 6 copë, kanë dalë shumë të mirë. Më tha dhe Rafi një ditë s’ka ardhë babi t’i shikojë një herë.
-Si gjashtë, po ne një kemi, vetëm vilën e qeverisë.
-Jo, atë e përdorim për të fjetur sa të mbarojmë vilat tona. I kena aty në mes të fshatit, janë shumë të bukura. Kanë dalë shumë mirë, shkojmë një ditë t’i shohim.
-Po në Vlorë brenda, kemi apo jo, se më duhet ta di saktë këtë.
-Jo, akoma s’kemi fillu aty. Seç ka bë Gita me njërën që ka vënë ta privatizojë atë vilën e Mehmet Shehut, po janë ca pronarë legenë ata, duan dhe ata të futin hundët. Duhet me u thënë pak atyre të gardës t’i mbajnë larg.
-Nejse, atë e zgjidh unë, po me letra s’kemi gjë apo jo?
-Jo, me letra vetëm atë në Lalëz kemi dhe atë e prishi Gita se do ta bëjë nga e para se duket më e vogël se e Ilir Metës, s’ka lezet.
-OK, mirë, dakord. Mirupafshim.
I qetësuar që nuk e kishte në emrin e vet vilën në Vlorë, mori zëdhënësen.
-Duhet me ba një deklaratë, tha, shkruej.
“Pretendimi i televizionit Top Channel se vila qeveritare në Vlorë është rezidencë e Kryeministrit është një trillim i ulët, i denjë për çakej dhe gjobëvënës, që përdorin median për prerje gjobash dhe qëllime të tjera të kundërta me misionin e tyre. Me këtë rast i kujtojmë opinionit publik se gazetarët gjobë-prerës të këtij televizioni, që shpallin shtëpinë e pritjes në Vlorë si rezidencë të Kryeministrit Berisha, janë po ata që montuan në zyrat e Edi Ramës videon e 21 janarit dhe që servirën shumë herë si veturë të Kryeministrit makinën Mercedes të blerë nga kjo drejtori për transportin e kryetarëve të shteteve, kryeministrave dhe kryetarëve të Parlamenteve të vendeve mike, që vizitojnë Shqipërinë dhe që nuk është përdorur asnjëherë nga Kryeministri apo personalitete të tjera të vendit”.
Dil e lexoje tani!
-Ka ca probleme Doktor, cila video e 21 janarit se ajo ishte më 11 janar?
-Çakalli, Çakalli, i bën ato, 11 janar, 21 janar, ai i bën, dhe këtë ai e ka bërë.
-Po sikur ta bëjmë me shkrim Doktor se nuk shkon se ky Çakalli qenka dhe me leje të zakonshme.
-Ai e bën ai Çakalli, e kam verifiku një për një me gjithë anëtarët e Familjes, nuk e kemi me letra vilën në Vlorë, biles nuk do ta kemi me letra as në të ardhmen. Çakalli i bën këto, jepe.
-Dakord Doktor, po e jap, tha zëdhënësja. Po vlerën sa ta lëmë, aq sa e ka thënë Çakalli?
-Atë aq lere se në rregull e ka, po si mund të thotë ai që është vila ime kur s’ka asnjë letër, vetëm një Çakall mund ta bëjë.

Selvia në vend të deklaratës, ndërron ngjyrën e flokëve

18:14 Antena

Selvia e PD gjen zgjidhje për deklaratat e imunitetit

20:34 Antena

Sonila transmeton rekordin e ri të Doktorit

20:54 Antena

Taqi, i tradhtuar nga Doktori, kërkon ndihmë tek Flamuri

20:19 Antena

Flamuri kërkon fshatin e Konstandinit të Madh

21:29 Antena

Flamuri inspekton skafet, kap personazhet e Antenës

20:30 Antena

Flamuri lexon dy herë fjalimin pa dashje

20:16 Antena

Doktori në pritjen e popullit para 6 gushtit

20:15 Antena

Flamuri nis hetimet për dekonspirimin e vilave

19:51 Antena

Taqi i naftës vë në siklet Boden me spanjollët e Malagës

21:17 Antena