Kunati në festën e lirimit të Mziut

Lajmi se Mziu u lirua nuk i erdhi papritur. Edhe pse gjyqi do vazhdojë, fakti që ai nuk do ta presë vendimin në qeli, duhet konsideruar fitore. Për këtë Kunati vendosi të japë një vlerësim për tre deputetët që luftuan më shumë për këtë ditë, Flamurin, Ristanin dhe Aldon.

Problemi ishte si ta gjente motivacionin.

Thirri Grigjën, e cila ka marrë përsipër marrëdhëniet me publikun dhe ia kërkoi si nder.

-Më duhen tre motivacione për Flamurin, Ristanin dhe Aldon, i tha Kunati. Po deshe m’i bë pak dhe m’i dërgo me email.

-Aa sa bukur, aaa, tha Grigja, e cila vdes për shprehjet e Qanit. Ja tani t’i nis unë.

Pas pak Kunati hapi emailin dhe kishin mbërritur tre motivacionet e “mirënjohjes” që Kunati duhet t’u dorëzonte tre deputetëve.

Për zotin Flamur Noka

“Për veprimtarinë e tij sublime, në funksion të vijueshmërisë së një tradite, e cila konsumoi potenciale të panjohura, por që nuk arriti të ezaurojë perfomancën reale të asaj çfarë duhet të ndodhte nëse vijueshmëria e procesit do të ishte në funksion të ideve që kanë koherencë me veprimtarinë e sotme të asaj pjese të pushtetit që është në koabitacion me pushtetin qendror, që vuan nga sindroma e të fortit ndaj të dobëtit, si perceptim, por dhe mentalitet veprimi.

Kjo mirënjohje ka për qëllim krijimin e një sistemi koherent vlerash, e cila ka për qëllim jo riciklimin, por freskimin e memories për nivelin që duhet të evoluojmë në rrethana të reja, që kërkon natyrisht një performancë të re”.

Për zotin Arben Ristani

“Për veprimtarinë e tij të palodhur në funksion te inkurajimit të viktimave të drejtësisë, që buron nga koshienca e tij si një njeri që ka provuar jo vetëm padrejtësinë e të burgosurit kot, por dhe hijen e dyshimit që interferon në aurorën e padukshme të një qëllimi, i cili tejçon në skajshmëri perceptime kontroverse lidhur me atë mbi të cilën ndërtohet një sistem inkriminimi, i cili rezulton i suksesshëm në rast të përdorimit të personit në fjalë për qëllime pozitive, që bëjnë kohezionin politik në kohë të ndryshme. Kjo mirënjohje forcon më shumë qëndrimin tonë si parti lidhur me hipotekën, mbi të cilën duhet të mbështetet vlerësimi për një lider, dhe sprovën e tij në diskurse të ndryshme të zhvillimit politik”.

Për zotin Aldo Bumçi

“Për faktin që nuk i është ndarë në asnjë moment Flamurit dhe Ristanit në meritat e mësipërme”.

Kunati i lexoi me vëmendje, por kuptoi vetëm këtë të Aldos. Dy të tjerat mbi të cilat mbështetej dhe vlerësimi për Aldon, nuk i kuptoi. Ishte në dilemë çfarë të bënte, t’ua dorëzonte apo jo në këtë formë?

Ndërkohë e nxori nga situata vetë Mziu.

-Falminders shef, tha. Në mbledhjen e parë që do kemi, do propozoj që tre rrugët më të rëndësishme në Kamzë të marrin emrin Flamur Noka, Arben Ristani dhe Aldo Bumçi. Ke ndonjë propozim tjetër?

-Jo, jo, ide shumë e bukur, tha Kunati, vetëm shmang mitingjet kur të vësh tabelat se fillojnë e bërtasin “Aldo, Aldo, ti je gjallë” se mos mendojnë që kanë vdekur.

-Jo bre se i sqaroj që janë gjallë, tha Mziu.

-Më shpëtove, tha me vete Kunati. Hajt të bëja fletë nderi tani me ato motivacione.

Kunati, plan masash për biografinë e Grigjës

19:04 Antena

Kunati teston Grigjën për lidere të re

17:55 Antena

Kunati merr në pyetje delegacionin që vizitoi Mziun

17:48 Antena

Kunati në dilemë për sulmin ndaj Lubonjës

21:29 Antena

Kunati, i shqetësuar për fatin e kredive për shtëpi

19:36 Antena

Kunati duke organizuar festën e RD

21:59 Antena

Kunati ngatërrohet me tritolin e Pogradecit

19:45 Antena

Kunati nis muajin e bezdisshëm të përvjetorëve të PD-së

19:03 Antena

Kunati, konsultë për tritolin e Milotit

21:04 Antena

ANTENAT E VITIT

21:51 Antena