Kunati, i shqetësuar nga deklaratat e Grigjës për numrin 2

Grigja më në fund deklaroi se synon numrin 2 në parti. Kjo e irritoi shumë Kunatin, edhe pse ai i kishte dhënë fjalën se do merrte një post në parti pas zgjedhjeve.

I shqetësuar, sidomos nga shumë anëtarë të kryesisë dhe mesazhet e tyre, Kunati vendosi të bënte një konsultë me Grigjën, që të kufizonte deklaratat e saj publike rreth kësaj detyre.

Grigja shkoi sypatrembur në zyrë dhe u ul përballë Kunatit.

-Si është puna, pse je shqetësuar, i tha.

-Kam një mesazh nga Jozi, i tha Kunati. Ja se çfarë shkruan ajo për deklaratën tënde: “Çfarë ashtë mor kjo bibë që keni qitë në ekrane? Pse mar ça mendoni ju se ashtë PD-ja, pallat pa leje ku mundesh me zaptu një kat se njeh ndërtuesin? A jeni mar në tru të kokës, ça jeni ka i bani kësaj partie? Pse mar, ju ka me u duru populli shqiptar me këto marrina që po bëni? Uroj të reflektoni shpejt se përndryshe kanë me u nxjerrë njerëzit prej zhelesh nga selia”.

-Nuk më intereson fare sensi apokaliptik i një ndjesie që zonja ka për atë që ajo e percepton si një projektim karriere të dikujt tjetër nën prizmin e dëshirave të tyre. Unë thjesht kam shkrehur ambicien time…

-Po e ke gabim, i tha Kunati, nuk mund të bëhesh kurrë numri 2 i partisë…

-Pse nuk bëhem, i tha Grigja.

-Ta them unë, i tha Kunati, po shiko çfarë shkruan Majlinda: “Boll kam vuajtur unë nga kunetërit e mi, po ato që ka për të hequr Kunati jot nga ajo zonja, as varrit s’ka për t’ia treguar…”.

-Kjo është një mënyrë e të shprehurit të distancës që ka ekzistuar në të vërtetë në raporte afeksioni anormale që nuk bëjnë sens me integrimin në të të një favori gjithsesi meritor sa i përket personit tim…

-Nejse, e kam fjalën se ti nuk mund të kërkosh hapur të bëhesh numri 2 se ngjall reaksion… Ja çfarë më shkruan Flamuri, i tha Kunati. “Kunat, nuk është shesh me lule ajo punë. Duhet të kesh bythë ta mbash numrin 2 të partisë. S’di a ka bythë a jo Luli”.

-Po ç’hyj unë këtu, i tha Grigja…

-Po e kam fjalën që nuk mund të jesh numri 2, i tha Kunati, se ka shumë reaksion. Ja ç’më shkruan Genc Ruli: “Xhano, merreni shtruar se s’kemi pse ngutemi. Siç ka thënë dhe Luli, do jemi tetë vite në opozitë. Këto çupat mirë është të dalin një herë partizane, jo nga ilegaliteti drejt e në zyrë”.

-Këto janë xhelozia, s’kam punë me to, tha Grigja.

-Po duhet ta kuptosh që nuk të bëjmë dot numrin 2 se ka shumë reaksion, i tha Kunati. Ja se ç’shkruan Ben Imami: “Tani plani juaj doli sheshit. Na sabotuat në zgjedhje duke nxjerrë në ekrane analistë të dështuar, që ngjallën alergji për Berishën duke e mbrojtur, dhe tani po përpiqeni të na hiqni qafe duke na çuar në gjyqe dhe duke bërë si interesantë me këto figurinat e reja”.

-Ore ti më shpjego pse nuk duhet të them unë që dua të bëhem numri 2, i tha Grigja, lëri kot xhelozitë e pleqve.

-Po nuk mundesh, i tha Kunati. Kjo i bie t’ia fusësh Lulit. Numri 2 është Luli. Gara është për numrin 3.

Kunati, konsultë me Grigjën për 21 Janarin

20:51 Antena

Kunati lexon komentet pikante të javës për Laurën

21:57 Antena

Kunati heton ata që paguajnë dritat në Lazarat

18:27 Antena

Kunati analizon reagimet ndaj Laurës

18:26 Antena

Kunati thërret Laurën për vërejte në dokumente

21:03 Antena

Kunati, probleme me Familjen për prurjet e reja

21:29 Antena

Kunati, strategji të re mediatike për “ringjalljen” e Lulit dhe Grigjës

20:44 Antena

Kunati në festën e lirimit të Mziut

21:18 Antena

Kunati, plan masash për biografinë e Grigjës

19:04 Antena

Kunati teston Grigjën për lidere të re

17:55 Antena