Kunati ngatërrohet me debatin për Lezhën

Kunati sot pati telashe me përgatitjen e seancës parlamentare. Luli i tha në telefon se Doktori është i nxehur shumë dhe do flasë për atë deputetin e “fortë”, që ka trembur gratë për të hyrë vetë në parlament. Luli ia shpjegoi aq shkurt subjektin, sa Kunati nuk kishte kohë as të pyeste.

-Po në çfarë qarku bëhet fjalë, i tha.

-Për Lezhën, i tha Luli i trembur.

Kunati u ul dhe po shikonte listën e deputetëve të PD në Lezhë. Për të hyrë deputeti i “fortë”, kishte ikur vetëm Vasili. Ndonjë grua nuk kish dhënë dorëheqje.

-Për kë ta ketë vallë, filloi të vrasë mendjen Kunati.

Për t’i rënë shkurt, pyeti Palokën.

-Ça ka bërë ky deputeti i Lezhës që i thonë i fortë, i tha Kunati.

-Asgjë mo burrë, është çun i mirë, po ti e di si e ka Doktori. Unë e kam shok, po Doktori nxitohet.

Pas Palokës, mori Aldon.

-Ore cili është ky deputeti i Lezhës që është i fortë, tha, që ka trembur gratë, se është nxehur Doktori.

-Nuk është e vërtetë që jam trembur, tha Aldo. Janë fjalë kot.

I lodhur nga rrëmuja që u bë, mori Sandrin.

-Di gjë kush është ky deputeti i fortë që ka hyrë në Kuvend dhe ka trembur gratë e listës, i tha.

-Jo mo burrë, i tha Sandri, Vasili ka ikur vetë. Foli me mua ai, ramë dakord që nuk kishim konflikt dhe iku Vasili. Do ta rregullojmë diku tjetër.

-Po pse është i nxehur Doktori, tha Kunati, se nuk e kuptoj.

-Ça të them, i tha Sandri, ne e kena mbyllë pa sherr tonën.

Kunati mori përsëri Lulin.

-Shiko mos e ke gabim, i tha, se fola me Sandrin, tha që Vasili ka ikur me mirëkuptim, fola me Palokën, tha është çun i mirë, fola me Aldon, tha nuk kam dhënë dorëheqje. Ça është ky muhabet?

-Po jo deputeti ynë mo burrë, ai i PS, tha Luli. Po Palokën mos e pyet kot se dhe atë e ka shok.

-Po çfarë të bëj unë, tha Kunati. Ka njeri që mund ta denoncojë?

-Jo pra, ndaj të thashë kujdes me denoncime. Të ngrihen gratë e të flasin për barazinë gjinore, pse po zbohen gratë nga Kuvendi, etj. Duhet shumë kujdes. Mos na fut në telashe.

-Mirë, pa merak, tha Kunati, se i porosis unë. Po s’kemi ç’i bëjmë Doktorit.

-Ai le të flasë se flet nga pozita të barabarta, tha Luli. Ne poshtë e hamë po hapëm gojën.

-Ah ta kishim atë Grishën në Kuvend, tha Kunati. E kishte qarë ajo, nuk e merrte vesh njeri fare se cili ishte qëndrimi ynë.

Kunati, i shqetësuar nga deklaratat e Grigjës për numrin 2

20:38 Antena

Kunati, konsultë me Grigjën për 21 Janarin

20:51 Antena

Kunati lexon komentet pikante të javës për Laurën

21:57 Antena

Kunati heton ata që paguajnë dritat në Lazarat

18:27 Antena

Kunati analizon reagimet ndaj Laurës

18:26 Antena

Kunati thërret Laurën për vërejte në dokumente

21:03 Antena

Kunati, probleme me Familjen për prurjet e reja

21:29 Antena

Kunati, strategji të re mediatike për “ringjalljen” e Lulit dhe Grigjës

20:44 Antena

Kunati në festën e lirimit të Mziut

21:18 Antena

Kunati, plan masash për biografinë e Grigjës

19:04 Antena