Kunati, i shqetësuar për batutat e Majlindës për Svobodën

Një deklaratë e Majlindës në Facebook për Svobodën e ka shqetësuar seriozisht Kunatin. Luli e mori i alarmuar dhe i kërkoi të thërriste Majlindën dhe t’i tërhiqte vërejte, pasi ka dekonspiruar një fjali konfidenciale të tij.

-Çfarë fjalie, tha Kunati, se nuk e kam parë?

-Majlinda ka shkruar në Facebook se Svoboda paska thënë në takim, që në PD i çuan të fala për Ilir Metën.

-Po kush i ka çuar të fala, pyeti Kunati.

-Ore kjo s’ka rëndësi, i tha Luli, por thirre Majlindën të tërheqë deklaratën ose hetoje kush ia ka thënë ta shkruajë.

Kunati në siklet, thirri Majlindën për një kafe.

Biseda ishte e tensionuar pasi nuk kishin konfidencë me njëri- tjetrin.

Kunati u përgatit paraprakisht se si mund t’i bënte qejfin Majlindës. Mendoi një herë t’i shante Jozin.

-Shyqyr që kemi fytyra të reja tani, tha, se më parë vetëm Jozi u përfaqësonte në publik.

Majlinda nuk reagoi, po e pa me qesëndi.

-Nejse, Jozi nuk është grua e keqe, tha Kunati, por them që e teproi me protagonizëm, po Luli ka respekt për të.

Majlinda nuk foli prapë.

-Mesila është gocë e mirë, tha Kunati, duke ndryshuar bisedë me shpresë se do ta testonte për Mesilën.

-E mirë është, tha Majlinda.

-Unë e kam pasë adhuruar Sokolin, tha Kunati, dhe e kuptoj fare mirë boshllëkun që ai ka lënë mes miqve, me shpresë se do ta bënte të fliste.

-Ëhë, ia bëri Majlinda si me vete, pa ndonjë shprehje të veçantë në fytyrë.

-Desha të them se dhe Luli e ndjen shumë mungesën pasi tani nuk ka me kë të bashkëpunojë…

-Ou, tha Majlinda dhe ngriti vetullat duke parë Kunatin.

Kunati uli prapë kokën. Nuk u zbutka kjo dreq, tha me vete.

-Më pëlqeu shumë postimi yt në Facebook për Svobodën, i tha Kunati. E kishe të fortë atë kunjin për Ilir Metën, që i çojnë të fala nga PD-ja. Unë e kuptoj që dhe nëse dikush i ka çuar të fala me Svodobdën, ka qenë thjesht ndonjë batutë.

-Në fakt Svoboda na e tha me seriozitet, tha Majlinda. Dhe nuk është mirë të thuhen këto gjëra në emër të PD-së.

-Po për kë e kishte fjalën Svoboda, tha Kunati i çuditur…

-Për Lulin, i tha Majlinda. Ai i kish thënë në korridor: “s’kam ç’i bëj Doktorit, po unë jam gati për reformën territoriale, i thuaj Metës të më mirëkuptojë”. Por Svoboda na e tha ne si me takt.

-Ashtu, tha Kunati i prerë në fytyrë. Po si i bëhet, ndoshta bëre gabim që e nxore se qenka muhabet konfidencial.

-Nuk doja, tha Majlinda, po më tha Doktori. S’kam ç’i bëj atij.

Kunati heshti dhe u ngrit instinktivisht për ta përcjellë.

Kunati detyron Grigjën të bëjë autokritikë

20:42 Antena

Kunati thërret Sandrin për konsultime

21:05 Antena

Grigja kërkon ndjesë për kandidimin me kokë të vet, para Kunatit

20:39 Antena

Kunati ngatërrohet me debatin për Lezhën

20:32 Antena

Kunati, i shqetësuar nga deklaratat e Grigjës për numrin 2

20:38 Antena

Kunati, konsultë me Grigjën për 21 Janarin

20:51 Antena

Kunati lexon komentet pikante të javës për Laurën

21:57 Antena

Kunati heton ata që paguajnë dritat në Lazarat

18:27 Antena

Kunati analizon reagimet ndaj Laurës

18:26 Antena

Kunati thërret Laurën për vërejte në dokumente

21:03 Antena