Dhëndri konsultohet për parathënien e librit për koncesionet

Dhëndri ka qenë i angazhuar muajin e fundit, pasi do të shkruante parathënien e librit të Gitës për koncesionet. Për këtë iu desh të mblidhte shumë opinione dhe mendime ekspertësh dhe politikanësh, për të arritur në një parathënie serioze, të thellë dhe të plotë sa i përket kontributeve të Familjes në koncesionet.

Më në fund parathënia u bë dhe Dhëndri para se ta botonte, ia nisi me email dhe Kunatit për t’i hedhur një sy. Më poshtë po botojmë një pjesë të saj.

“Libri që u vjen në duar studentëve, “Mbi koncesionet dhe reformat e qeverisë Berisha”, është një pasuri e rrallë intelektuale, që buron jo vetëm nga një prej mendjeve më të ndritura në këtë fushë në historinë e Shqipërisë, por dhe nga një traditë dhe përvojë e vjetër familjare në këtë fushë, ndoshta Familjes themeluese të kësaj tradite.

Autorja e librit i është mirënjohëse, siç e thotë dhe vetë, Familjes së saj dhe veçanërisht babait të saj, që ia besoi autores këtë reformë, duke i lënë hapësirë të plotë për krijimin e ideve, plan- bizneseve, kuadrit ligjor dhe personave që do të ekzekutonin projekt- idetë e saj.

Si rrallëherë ndonjë herë në historinë e ekonomisë dhe politikës shqiptare, ky libër rrëfen jo vetëm një teori të vërtetë ekonomike, por dhe një biografi familjare dhe një histori pune dhe biznesi personal të autores.

Fillimisht autorja hedh dritë mbi mënyrën se si lindi ideja në Familjen e saj, që të drejtohej vëmendja e biznesit ndaj koncesioneve. Ajo shpjegon se si i tregoi babait të saj mbi idenë që duhen joshur biznesmenët e huaj duke u ofruar një ide koncesioni pa lekë, por për ekzekutimin e tij ata të detyrohen të punojnë me njerëzit tanë në Shqipëri, duke filluar punën me një studio ligjore.

Babait, siç shkruan vetë autorja, në fillim nuk i ngjiti shumë kjo ide, por kur ia ilustrova me një shembull konkret, u bë shumë entuziast.

Ja si e ilustron ajo momentin kur bindi babanë për këtë skemë.

“Ishim në mbrëmje në shtëpi dhe unë po i tregoja se rëndësi ka që biznesit t’i ofrohet një ide entuziaste biznesi dhe ti të flasësh për suksesin e saj. Ata do të joshen dhe do të trokasin në derë. Ti do të tregohesh bujar dhe i hapur dhe do t’u thuash të gjithëve: PO.

Ai ngurroi dhe tha:

-Po sikur të mos ua plotësoj dot?

-Kjo nuk ka rëndësi, i thashë. Rëndësi ka që ata të trokasin. Ti u jep siguri se kanë mbështetjen tënde, por do t’u thuash që ata duhet të lidhen me një studio ligjore. Pastaj njerëzit e duhur do t’i drejtojnë ata tek studioja e duhur. Ata kanë projekte të mëdha deri në 1 miliard euro. Atëherë studioja është legjitime t’i kërkoj 3 përqind “fee” suksesi nëse projekti finalizohet. Dhe finalizim quhet firma jote. Atëherë me një firmë ne fitojmë 30 milionë euro.

Kur e dëgjoi skemën, u çel në fytyrë.

-Kjo është rruga e vërtetë që zhvillon Shqipërinë, tha. Vetëm kështu ne do të bëjmë realitet projektet tona të mëdha.

Prej atij momenti, ai filloi të flasë vetëm për ide të mëdha në fushën e koncesioneve, sidomos për hidrocentrale dhe termocentrale. Foli aq shumë dhe me aq entuziazëm sa gjithë biznesi iu turr përrenjve dhe lumenjve të Shqipërisë për hidrocentrale dhe kënetave për termocentrale.

Në atë kohë, shpjegon autorja, mbaj mend se isha shumë e ngarkuar. Studion e punësova të gjithë tek Ministria e Ekonomisë dhe merreshin me çdo dosje. Pasi e studionin, më jepnin mua ofertën për çmimin. Vinte investitori, paguante dhe e kishte licencën gati.

Siç rrëfen autorja, këto ishin reforma të papërsëritshme, që i ndryshuan faqen Shqipërisë dhe i zbardhën faqen Familjes së saj.

Autorja paralajmëron se Shqipëria do të shkojë drejt greminës tani që këto reforma nuk drejtohen më nga Familja e saj, por thekson se ajo do të vazhdojë përpjekjet e saj për t’i çuar deri në fund punët e veta.

Në fund ajo falënderon dhe një herë babanë e saj për mbështetjen që iu dha ideve të saj, mamanë, që iu gjend gjithmonë pranë për ta inkurajuar në këtë punë, vëllain që e kishte bashkëpunëtor të ngushtë dhe menaxher ndërmjetësues të gjithë projekteve, dhe në fund shpreh besimin se PD do kthehet në pushtet me Lul Bashën dhe ai do bëjë realitet ëndrrat e saj.”

Dhëndri shqetëson me sms Halimin

21:34 Antena

Dhëndri sqaron Kunatin dhe Fevzon për skandalin e sms-ve

20:15 Antena

Kunati sqaron mbështetësit për SMS-të e Doktorit në Opinion

21:42 Antena

Kunati, konsultë me Jozin për kërcënimin e Frrokut

20:00 Antena

Kunati heton alarmin fallco për bombë në Bashki

19:47 Antena

Kunati i shqetësuar për pjesëmarrjen në reformën territoriale

21:24 Antena

Ankesë në redaksi nga Brukseli për rubrikën Antena

19:30 Antena

Kunati analizon listën e të deleguarve në rrethe

21:49 Antena

Kunati, i shqetësuar për batutat e Majlindës për Svobodën

20:41 Antena

Kunati detyron Grigjën të bëjë autokritikë

20:42 Antena