Kunati, i shqetësuar për takimet e Doktorit në Dublin

Pasi kaloi dita e parë e sikletshme në kongresin e PPE, Kunatin e kapi sikleti i Doktorit. Në një postim në Facebook, Doktori kishte thënë se do të fliste në kongresin e PPE për furgonat 8+1, dhe kjo e kishte shqetësuar pa masë.

U lidh me Lulin, pak para se të nisej për aeroport, dhe e pyeti gjithë siklet.

-Ça u bë, foli Doktori?

-Jo se nuk ishte kongres ku mund të flisnim, i tha Luli. Thjesht ça takonim në korridore.

-Po çfarë biseduat, tha Kunati.

-Po ja, takuam Daul-in. Ai më njihte. U hutua pak në fillim, por unë iu prezantova dhe i thashë ‘unë jam zoti Basha’, dhe ai u kujtua. U kthye nga Doktori dhe i tha, d.m.th ky është pasaardhësi.

-Bashkë jemi, i tha Doktori. Më shpëtoi nga sikleti në fakt se më vinte zor. Pastaj pyeti si është tani situata në Shqipëri.

-Është shumë dramatike, i tha Doktori.

-Po çfarë ka ndodhur, i tha Daul.

-Është problemi i furgonave, i tha Doktori. Por kur ia tha furgonave, nuk po gjenim fjalën anglisht dhe pastaj i tha fjalën gjermanisht Kombi. D.m.th problemi i Kombit ka mbetur, i pazgjidhur, i tha. Unë u hutova dhe nuk dija kujt i thonin Kombi. Daul pa nga unë dhe ia shpjegova në anglisht, i tha thashë është fjala për Nacion…

-Po çfarë është ky problem, i tha Daul. Me sa di unë, ju nuk keni më problem kombëtar. Kosova u bë e pavarur, ka luajtur dhe ndeshjen e parë miqësore… Çfarë problemi ka?

Doktori e pa që unë e bëra lëmsh duke e ngatërruar me Kombin çështjen e furgonave, dhe ndërhyri.

-Jo zotëri, tha. Është një problem më serioz seç mendoni ju, një Kombi 8+1 nuk lejohet të marrë pasagjerë në kthim. Tani ta shpjegoj unë ty. Ti je shofer, shkon nga Mynihu në Shtutgart me 8 pasagjerë, i le ata në Shtutgart, dhe kur kthehesh, nuk lejohet të marrësh pasagjerë në landin e Shtutgartit, por vetëm kur hyn në Mynih. Ky është skandal. Ky është fundi i një shoqërie, është fundi i një kombi, është fundi i një qeverie, ne nuk do ta lejojmë…

Daul u trash fare se s’po e kuptonte.

-Çfarë është ky kombi 8 plus 1, më tha. Unë e di që ju keni katër shtete fqinje, nga i nxori 8 ky?

-I thashë e kemi ngatërruar. Bëhet fjalë për vetura me tetë vende dhe qeveria nuk lejon të marrin pasagjerë në kthim. E gjen arsyetimin se këtë shkresën e kam firmosur unë kur isha ministër. Ne tani po i kërkojmë qeverisë mos ta zbatojë këtë ligj, se po të ishte i mirë, e zbatonim vetë ne. Qeveria nuk na dëgjon dhe Doktori po thotë që ky do të jetë fundi i qeverisë, i shtetit dhe kombit shqiptar.

Në fakt Daul u bë pak konfuz, tundi kokën nja dy herë, më pa mua në sy dhe u largua.

-U bë punë e madhe që ia thamë, më tha Doktori. Duhet t’ia japim Klanit urgjent që ngritëm çështjen e furgonave.

I thashë ta shtyjmë pak të takojmë dhe ndonjë tjetër.

-Nuk ka nevojë, tha. Daul është kryesor këtu. Po ia thamë atij, zëre se ia kemi thënë gjithë Partive Popullore.

-D.m.th nuk foli në publik për këtë çështje, i tha Kunati.

-Foli dhe në fund kur ikëm, i tha Luli. Kur mbaroi kongresi, do iknim nga hoteli në aeroport. Ata na kishin vënë në dispozicion një furgon 8 plus 1. Sapo hipëm brenda, Doktori filloi të pyeste shoferin a lejohet të marrësh pasagjerë në kthim.

-Nuk e di, tha shoferi, se mua më kanë thënë vetëm t’iu çoj.

Doktori nguli këmbë që ai lejohej të merrte dhe në kthim. Ishin nja dy italianë dhe gjermanë në furgon, që u bënë kuriozë dhe më pyetën mua çfarë halli ka zoti Berisha, mos do të blejë ndonjë furgon si ky?

U shpjegova që e kemi shumë problem si opozitë këtë gjë në Shqipëri dhe ai kërkon të tërheqë vëmendjen e PPE për këtë çështje.

-Unë mendoj me kaq shumë sa bisdoi me shoferin e furgonit, e ka tërhequr vëmendjen, më tha gjermani.

Kunati ndjek me shqetësim Samitin e PPE

20:42 Antena

Kunati thërret Glorin për konsultime para mbledhjes së Partive Popullore

20:07 Antena

Kunati teston Doktorin për kuadrot e rinj të PD

21:30 Antena

Kunati, i shqetësuar për protestën e së enjtes

21:26 Antena

Kunati udhëzime për të fshehur deklaratën e Doktorit kundër Fyles

21:43 Antena

Kunati distancohet nga Protesta 8+1

20:56 Antena

Kunati angazhon Mulin për protestën e furgonave

21:20 Antena

Kunati ngatërrohet me të pushuarit nga puna

21:01 Antena

Kunati shkarkon vajzën e tezes pas listës “Fullani”

21:30 Antena

Kunati dështon me lajmin për vajzën e Timoshenkos

21:15 Antena