Te fundit
Nisin punimet në aksin Banjë-Gramsh/ Haxhinasto: Zhvillim për zonat
18 Shkurt 2015, 14:28Ekonomia
TEMA
Ministri i Transportit dhe Infrastrukturës, Edmond Haxhinasto si dhe ministri i Energjisë dhe Industrisë, Damian Gjiknuri morën pjesë në ceremoninë e fillimit të punimeve për rrugën zëvendësuese Banjë-Gramsh.
Ministri Haxhinasto në fjalën e tij gjatë ceremonisë tha se, qeveria e sheh zhvillimin e infrastrukturës si një ndër elementët kyç për zhvillimin e vendit.
Ai theksoi se ndërtimi i rrugës përfundon në muajin shkurt të vitit 2016.
“Ky segment do të lidhë komunitetin e fshatrave me qytetin e Gramshit, duke lehtësuar edhe zhvillimin e këtyre zonave”, deklaroi Haxhinasto.
Ministri vlerësoi edhe kompaninë Devoll Hydropower për standardin që do të zbatojë në ndërtimin e këtij segmenti. Kjo rrugë, tha ai, do të krijojë mundësi zhvillimi ekonomik për zonën.
Zbatimi i këtij projekti, bëri të ditur Haxhinasto, do të krijojë mundësi punësimi për zonën, pasi në këtë projekt do të angazhohen rreth 600 persona.
Sipas ministrit Haxhinasto, totali i vlerës së kontratës për ndërtimin e rrugës zëvendësuese Banjë-Gramsh llogaritet 33 milionë euro.
Ndërkohë, ministri i Energjisë dhe Industrisë, Damian Gjiknuri, duke vlerësuar bashkëpunimin me kompaninë Statkraft, u shpreh se ndërtimi i rrugës shërben si nyjë lidhëse mes Gramshit dhe Elbasanit. Ai vlerësoi se planifikohet edhe ndërtimi i rrugës që lidh Gramshin me Korçën.
Gjatësia e rrugës do të jetë 15 .3 km, nga ku 11,7 km do të zëvënndësohen tërësisht dhe 3.6 km do të rikonstruktohen.
Rruga do të kalojë përgjatë rezervuarit në 176.50 m do të përmbajë 13 ura në total me gjatësi rreth 1685 metra.
Urat kryesore janë ura e Kacivellit, 520 metra, ura e lumit Oltë 300 m, dhe ura afër fshatit Drizë 190 metra.
Afati i punimeve sipas kontratës llogaritet 14 muaj. Në total buxheti i Ministrisë së Punëve Publike për 2015-ën do të jetë 43 miliardë lekë, që do shpenzohen kryesisht në ndërtim rrugësh dhe ujësjellësash.
Hidrocentrali në lumin Devoll është një nga investimet më të qëndrueshme të kompanisë ndërkombëtare, “Statkraft” për prodhimin e energjisë së rinovueshme dhe është investimi më i madh jo vetëm në Shqipëri, por edhe në rajon.
Ky investim do t’i garantojë vendit tonë një rritje të prodhimit të energjisë elektrike me rreth 20%.
Në bazë të kontratës së koncesionit, autoriteti kontraktues, që sot është Ministria e Energjetikës dhe Industrisë, është përgjegjësi i vetëm me shpenzimet e tij për ndërtimin e infrastrukturës zëvendësuese në lidhje me projektin e Devollit.
Kompania norvegjeze Statkraft ka marrë përsipër ndërtimin e infrastrukturës rrugore zëvendësuese gjatë zbatimit të projektit të ndërtimit të HEC-eve mbi lumin Devoll. /gj.k/
3 komente në “Nisin punimet në aksin Banjë-Gramsh/ Haxhinasto: Zhvillim për zonat”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Gjith ky Publicitet per. 15km Rruge qe fare mir mund ta Ndertoje edhe 1 Privat, cfar turpi, ku jemi katandis thua se po bejne autostrat me 4korsi, kur ne te vertete bejne 1 rruge 5m te gjere ku me veshtirsi shkembehen 2Gomer te ngarkuar me dru. Shtet legen pa pik dinjiteti qe pranon te tilla publicitete.
Po shoqeroheni lajmin edhe me nje projekt qe te kemi idene se nga do kaloje kjo rruge!
More, ky Haxhinasto me duket nje nga ministrat me te cuditshem te ketyre 10 viteve. Jo me larg se para 5 muajsh premtoi se, ne pranvere te 2015, do te mbaroje autostrada Tirane – Elbasan. Jam deshmitare, ashtu si mijra te tjere, se puna aty eshte krejtesisht e nderprere. Arsyet nuk i di, dhe ky minister as nuk denjon ta shpjegoje kete fenomen. Pranvera po troket, dhe as qe mund te behet fjale per perfundimin e ketyre punimeve. Pse, vetem ky qenka per titullare ministrishe (ne kohen e Saliut ka qene Minister i Industrise dhe i Energjitikes si dhe Minister i Puneve te Jashtme), dhe Shqiperise i mungokan specialistet dhe njerezit e zote? Ec, e veri emrin kesaj pune. Shpresoj te jem i gabuar ne keto llogari, por realiteti duket sheshit. Ky nuk ka fare bese!