Reagimet pas rezultatit të Elhaidës në Eurovizion

Zhgënjimi që pasoi rezultatin e Shqipërisë në Eurovizion u komentua gjerësisht nga politikanët shqiptarë, të cilët janë përfshirë në fushatë elektrale. Ja disa nga deklaratat e tyre.

Edi Rama: Një zë magjik si i Elhaidës, i çuar dëm nga një këngë mediokre, e sajuar prej Martin Lekës. Është sikur të vë unë pasurinë më të madhe që kam në PS, Pandeli Majkon, të kërcejë rrok.

Sali Berisha: Dyshja Rama-Meta shitën Elhaidën, duke e lënë atë në baltë në Eurovizion. Shqiptarët nuk do t’ia falin kurrë tradhtinë dhe do t’i ndëshkojnë me votë më 21 qershor. Përpara!

Jozefina Topalli: E kam dit që ajo vajzë nuk fiton. Ashtu siç mi uli mu dy gishtat në Shkodër, ashtu ia ulën kokën në festival siç e meritonte. S’ka fitore me Rilindjen. Përpara!

Ilir Meta: Mua më duket një rezultat i mirë. Duhet të ruajmë qetësinë dhe të ecim përpara, se ka plot festivale të tjera ku mund të marrim vende më të mira. E ftoj Elhaidën të kthehet në Tiranë, se kemi koncertin e LSI-së pasnesër dhe ka për të parë se do të fitojë më shumë sesa mund të merrte në Eurovizion.

Lulzim Basha: Kjo është politika e dështuar e Edi Ramës. Na premtoi zero probleme me fqinjët, ja si e katandisi diplomacinë, që s’na votojnë as grekët, as italianët. Kur isha unë ministër i Jashtëm s’kishin asnjë ankesë, asnjë problem. Tani sherr me Greqinë, sherr me Italinë, sherr me Serbinë dhe përfundojmë në fund të listës.

Erion Veliaj: Lajmi, padyshim që ka anën e tij emocionale, që të jep ndjesinë e zhgënjimit, por unë dua të ndaj me ju anën pozitive të lajmit. Unë kisha përgatitur një buxhet surprizë në rast fitoreje të Elhaidës, që do të transformonte gjithë Tiranën në funksion në Eurovizionit vitin e ardhshëm. Tani ky buxhet do shpërndahet në projekte të tjera, që do t’u vijnë në ndihmë qytetarëve të Tiranës.

Halim Kosova: Me thënë të drejtën nuk e mbaj men kur ka lind, a ka lind tek unë, dhe a ka qesh kjo Elhaida, por di që kur i provojmë fëmijët a janë gjallë a jo, i pickojmë pak që të qajnë. Kjo thoshte jam gjallë, jam gjallë dhe qeshte. Nuk më duket se ka lind tek klinika ime, se ne e zbulojmë ndryshe, a është gjallë a jo.

Vangjel Dule: Rezultati është logjik. Si mund të fitonte Shqipëria, e cila ka vendosur nënkryetar Kuvendi një çam. Votimi dëshmoi një mbështetje serioze dhe të pakufizuar për PBDNJ nga emigrantët shqiptarë në Greqi dhe shteti grek.

Grida Duma: Me thënë të drejtën e prisja këtë rezultat, që është një përthyerje sensitive e gjeoemocioneve joracionale, gjë që kishte nevojë për një kundërpërgjigje në këtë sens. E pyeta Elhaidën më parë, a e njeh kryetarin e jurisë?

-Jo, më tha. E pyeta pse se kërkon ta takosh, jepi numrin e telefonit.

-Jo, më vjen zor, tha.

-E pyeta, a i njeh anëtarët e tjerë të jurisë?

-Jo, më tha.

-E pyeta, a ke bërë një plan si ta kapësh këtë çmim?

-Jo, më tha.

-Atëherë e paske të vështirë, i thashë. Unë jam në fushatë, se të kisha ndihmuar me kryetarin të paktën.

Doktor Halimi u përgjigjet akuzave ndaj tij

20:35 Antena

Demokrati Thërmia mëson mbi punët me dorë të Grigjës

20:53 Antena

Tri hallet e Kunatit në hapje të fushatës

21:30 Antena

Doktor Halimi debaton me një grua që ia ka "dhuruar" fëmijën Erioni

19:47 Antena

Kunatit i del jashtë kontrollit doktor Halimi

19:16 Antena

Zeni, letër proteste në Hollywood

19:20 Antena

Deklarata të liderëve shqiptarë rreth protestës në Shkup

20:26 Antena

Kunati shfleton shënimet që ka mbajtur Dr. Halimi për hallet e popullit

20:02 Antena

Jari shpjegon përse e hoqi bustin e Skënderbeut

20:54 Antena

Incidentet e vizitës së Erdoganit në Shqipëri

20:00 Antena