Zeni refuzon të çojë kalin, tre macet dhe qenin në Suedi

Më në fund bëhet publik qëndrimi i Zenit ndaj kërkesës së fëmijëve të tij për t’u çuar kalin, tre macet dhe qenin në Suedi. Në një postim në Facebook, sot Zeni ka deklaruar se nuk ka asnjë kal, qen apo mace për të çuar në Suedi. Refuzimi i tij për t’i çuar ish-gruas dhe dy fëmijëve, kalin, tre macet dhe qenin, vjen pas kërkesës publike që ish-gruaja i ka bërë për t’ia kthyer kafshët shtëpiake që bëjnë pjesë tek kontrata e divorcit të tyre.

Deklaratat e Zenit kanë shqetësuar seriozisht Kunatin, i cili i bëri Lulit relacionin e mëposhtëm.

“Deklaratat e Zenit se nuk do t’i kthejë fëmijëve, kalin, qenin dhe tre macet, më duket e rëndë. E para, do të tërheqë vëmendjen e opinionit publik nga fushata dhe njerëzit do merren me mënyrën sesi duhet të çohet një kal në Suedi. Ka shpifës ordinerë, që thonë se për ta çuar me avion special duhen 60 mijë euro. Për ta çuar me kontenier hotel-shëtëtitës, duhen 20 mijë euro. Ka dhe një variant të tretë që një person të paguhet për 3 muaj ta çojë me këmbë, por duhet një GPS për kalin, pasi mund të humbasë rrugën. Sa për qenin dhe tre macet, mund të çohen më lirë me avion. Por, ky debat mund të na mbysë në opinion idetë e doktor Halimit për Tiranën dhe sidomos premtimet e tua për uljen e taksave.

E dyta, që është e rrezikshme, duket sikur familja e Doktorit është mashtruese dhe nuk mban fjalën. Ne vazhdimisht jemi përpjekur t’i paraqesim ata si njerëz të fjalës dhe besës, por me këtë që ka bërë Zeni, ka humbur shumë në opinionin publik.

Unë mendoj se duhet të konsultohemi urgjent me Doktorin dhe të bëjmë një lajm tek faqet online të Zenit, sikur Zeni e nisi kalin dhe këtë javë do të nisë dhe qenin dhe macet. Kjo së paku do ta hiqte vëmendjen nga fushata”

Luli e lexoi me vëmendje deklaratën e Zenit dhe komentet e Kunatit, dhe pyeti Rulin se si mund të bëhet në këto raste, me qëllim që të mos dëmtohet fushata.

-Ç’të të them unë djalo, i tha Ruli. Loja është e qartë, si në një fushë shahu. Kemi përpara Zenin, kalin, tre mace dhe një qen. Pyetja është kush na prish më shumë punë nga këta që janë në fushë dhe si mund ta realizojmë me kosto sa më të lirë? E thjeshtë. Më lirë se të çosh një kal në Suedi, është të çosh Zenin. Kali, tre macet dhe qeni nuk na bëjnë asnjë dëm për zgjedhjet.

Komentet më pikante për vizitën e Vuçiç në Tiranë

19:38 Antena

Kunati i shqetësuar për deklaratat e Gridës dhe gjobat në PD-në e Durrësit

19:41 Antena

Demokrati Thërmia, një ditë fushatë pas Grigjës

19:48 Antena

Reagimet pas rezultatit të Elhaidës në Eurovizion

19:18 Antena

Doktor Halimi u përgjigjet akuzave ndaj tij

20:35 Antena

Demokrati Thërmia mëson mbi punët me dorë të Grigjës

20:53 Antena

Tri hallet e Kunatit në hapje të fushatës

21:30 Antena

Doktor Halimi debaton me një grua që ia ka "dhuruar" fëmijën Erioni

19:47 Antena

Kunatit i del jashtë kontrollit doktor Halimi

19:16 Antena

Zeni, letër proteste në Hollywood

19:20 Antena