Mësime nga referendumi grek në Shqipëri

“Oqi”, tani do kthehet simbol kombëtar në Greqi. Festa Kombëtare e Greqisë, ajo e 28 tetorit, quhet ndryshe Festa e “Oqi”-it, pasi Greqia refuzoi ultimatumin italian për pushtimin e saj nga Shqipëria, që shënoi dhe fillimin e luftës italo-greke në vitin 1940.

Kjo është “Oqi” e dytë e Greqisë. Tani kundër “pushtuesve” gjermanë, të cilët grekët i quajnë si kapo të Europës.

Pas këtyre zhvillimeve dhe në Tiranë ka reagime që e shikojnë “Oqi” –in grek si shans, ose fatkeqësi për vendin.

Edi Rama: Grekët kishin një ministër Financash që i bindi të thonë “Jo” dhe iku nga detyra të nesërmen. Edhe Samaras dha dorëheqjen nga Nea Demokracia, pasi vlerësoi që gjithë parashikimet e tij të zeza po bëhen realitet. Kjo situatë ka një anë të mirë dhe një anë të keqe. Ana e mirë është që dorëheqje u dhënka kur realizohen premtimet. Ana e keqe është se po nuk realizove premtimet, ke të drejtë të negociosh. Kështu Çim Cani e shtyn gjithë jetën me mua.

Cac Angjeli: Mos e merrni seriozisht! Kur grekët të thonë “Oqi” je i fituar, se mund të kapësh ndonjë gjë. E keqja është kur të thonë “Ne”(Po), atëherë ruaju se do humbasësh ndonjë gjë.

Lulzim Basha: Samaras bëri një gabim të rëndë që dha dorëheqjen nga kreu i opozitës, vetëm se populli votoi 60 përqind kundër tij. 60 përqind votoi populli dhe kundër meje, por ne po rezistojmë. Lider të tillë të dobët nuk i shërbejnë rajonit dhe Europës.

Genc Pollo: Uroj që Greqia të mos bëjë atë që bëri Qipro, duke zhvlerësuar depozitat e njerëzve që kanë futur lekët në bankat greke. Nëse e bën këtë, është duke bërë një krim të rëndë ndaj gjithë ne që e deshëm me zemër. Harram i qoftë lufta e gjyshit tim, po mi zhvlerësuan paratë që u kam besuar.

Baba Mondi: Përgjigjia më e mirë për politikanët e dështuar grekë, që nuk dinë të qeverisin dhe nuk dinë ta mbajnë mirë me popullin e tyre, është kjo menu Iftari që unë po shtroj për besimtarët bektashinj me rastin e Kurban Bajramit. Rakinë nuk e kam fut në menu, se është sipas dëshirës.

Menunë e kam konsultuar me njerëz të respektuar në gjithë vendin, që nga kryeministri i vendit e deri tek konsulli i Nderit i Meksikës. I vetmi që ka protestuar është zoti Blendi Fevziu, pasi ngriti pretendimin se nuk mund të hahet me një servis pirunësh në tetë pjata.

Këto vërejtje do t’i korrigjojmë në të ardhmen e afërt. Ju lutem lexoni me kujdes menunë dhe iu bëftë mirë. ( Në menu kemi dhe xaxiq grek, i shtuar në momentin e fundit, në shenjë respeki)

Kryepeshkopi Anastas: Këto zhvillime konfirmojnë dhe njëherë qartësinë time për të mos pranuar postin e presidentit të Greqisë. Tani do më kishin akuzuar si agjent shqiptar, që shkatërroi Greqinë. Më mirë kështu si agjent i Greqisë në Shqipëri.

Fevzo shpërthen pse si kanë dëgjuar këshillën për vrasësin

19:32 Antena

Si po përjetohet referendumi grek në Tiranë

20:44 Antena

Strazua vë në siklet Kunatin, për krahasimin me Churchill-in

18:50 Antena

Humor nga ngjarjet e ditës në Kuvend

20:57 Antena

Kunati i mahnitur me llogaritë e Kaçit

19:17 Antena

Zeni denoncon qeverinë, që po na prish me Amerikën

20:33 Antena

Altini i shpjegon Kunatit, rrjetin agjenturor të Sorosit

18:48 Antena

Kunati, Doktori dhe spikeret e zhveshura

20:21 Antena

Demokrati Thërmia u tradhtua, duke i fshirë ditarin e fushatës

19:09 Antena

Xhelali ka shitur PD-në

20:07 Antena