Zeni denoncon qeverinë, që po na prish me Amerikën

Zeni, personazhi i njohur i filmit më të ri të Hollivudit për trafikun e armëve nga Shqipëria në Afganistan, ka denoncuar publikisht dyshen Rama-Meta, që po na prish me Amerikën dhe BE-në.  Shtypi botoi disa pjesë të shkëptura të një letre shumë prekëse të Zenit, në të cilën shkruhej:

“Të dashur qytetarë shqiptarë.

Qeveria Rama-Meta më në fund po na çon drejt humnerës. Dje kam ndenjë me gjak të ngrirë para ekranit të ndiqja festën e Partisë Socialiste dhe konstatova me hidhërim të thellë se aty mungonte dhe ambasadori amerikan, dhe ajo e BE-së. Pashë vetëm disa ambasadorë pa rëndësi, si ai i Gjermanisë, Italisë apo Anglisë, dhe disa diplomatë të nivelit të dytë të SHBA-së.

Kjo është një ngjarje e rëndë, që nuk ka ndodhur kurrë. Sa herë babi ka pas festën e PD-së, aty rreshtohej i pari ambasadori amerikan, BE-së, pastaj këta ambasadorët e tjerë, që s’kanë ndonjë rëndësi.

Ky është një sinjal i qartë që qeveria Rama-Meta po na prish me amerikanët. Dhe për këtë mjafton të krahasosh mënyrën si qeverisin këta me mënyrën si ka qeverisur babi, që ta kuptosh se ky do të jetë fundi i pashmangshëm.

Së pari, gjatë qeverisjes së babit, ka pas një konfidencë të madhe dhe personale me SHBA-në. Mbaj mend kur unë merresha me demontimin në Gërdec dhe pastaj me shitjen e armëve në Afganistan, që raportet ishin shumë të forta. Pati përpjekje për të më denigruar mua nga ndonjë segment i ambasadës së SHBA-së, por në tërësi nuk më tradhtuan. Ata dhe kur merrnin në pyetje disa bashkëpuntorë të mi dhe i pyesnin për mua, vetëm raportonin në SHBA, por publikisht nuk bënë asnjë gjest.

Dhe kur ndodhi aksidenti teknologjik në Gërdec, ata nuk u mërzitën as me babin, as me mua, por erdhën përsëri tek festa e partisë në fund të vitit.

Siç u vërtetua dhe nga Uikileaks, disa persona pa karakter kishin spiunuar në ambasadë, sikur unë qëndroja pas gjithë asaj që ndodhi, por ata u treguan me karakter dhe nuk folën publikisht.

Unë vet nuk provova të marr vizë për në SHBA në atë kohë, por me siguri po të kërkoja, do ta merrja menjëherë.

E njëjta histori ndodhi dhe më 21 Janar. Ata nuk iu mërzitën babit pse vrau 4 vetë dhe ndihmuan me ekspertizën e tyre për vrasjet.

Është e vërtetë se ambasadorët amerikan, si Uidhersi, dhe Arvizu, kishin një inat personal me babin, por ata nuk përfaqësonin qeverinë amerikane, por klane të interesave të tyre. Babi nuk ua përtoi dhe i denoncoi publikisht. Ambasadorin Uidhers e quajti “Diplomacia e Autopolantit”, ndërsa ambasadorin Arvizu e denigroi si njeri meskin, që mbron interesa anti-shqiptare. Madje babi njoftoi shkarkimin e tij dy ditë para zgjedhjeve, më 21 qershor 2013, por meqë babi humbi pushtetin, ai nga inati i babit nuk iku deri në fillim të vitit 2015. Natyrisht babi nuk kishte çfarë t’i bënte, se s’ishte më në pushtet, por sa ishte ai, nuk guxonte t’i bënte numra.

Pavarësisht këtyre raporteve personale të këqija, raportet e babit me SHBA-në ishin të forta, miqësore dhe shumë të avancuara. Babi i dha 22 milion euro për konsulencë atyre që do shisnin Albpetrolin dhe ata i kërkuan ndjesë babit që nuk e shitën dot kur morën lekët. Vërtet nuk e shitëm dot i thanë, por miqësia jonë me ty do forcohet pas kësaj. Për këtë patën si dëshmitarë dhe një ish-ndihmës zëvendës-sekretar shteti, që tani punon në Bosnjë, të cilin presidenti Nishani e dekoroi vetëm për këtë shkak.

Me ardhjen e dyshes Rama-Meta në pushtet, gjithçka u shkatërrua. Ambasadori amerikan vërtetë sillet mirë me ta, por e vërteta është se Amerika nuk i do. Këtë e kam të sigurtë. Amerika ka parimet e saj. Kur nuk të duan ambasadorët amerikanë, siç nuk e kanë dashur babin, d.m.th të do Amerika. Kur bëjnë sikur të duan ambasadorët, nuk të do Amerika. Ambasadori Lu bën sikur e do Edi Ramën, ngaqë nuk e do Amerika. Dhe mbrëmë u vërtetua. Provë më të qartë se ajo nuk ka. Keni për ta kërkuar kohën kur babi vërtetë bënte sherr me ambasadorët, por ama e donte Amerika”.

Altini i shpjegon Kunatit, rrjetin agjenturor të Sorosit

18:48 Antena

Kunati, Doktori dhe spikeret e zhveshura

20:21 Antena

Demokrati Thërmia u tradhtua, duke i fshirë ditarin e fushatës

19:09 Antena

Xhelali ka shitur PD-në

20:07 Antena

Komentet më pikante brenda PD për humbjen

20:43 Antena

Ja pse Kunati e quan fitore, këtë fushatë!

21:38 Antena

Humor nga Durrësi me rezultatin e Gridës

20:20 Antena

Humor një ditë pas zgjedhjeve

20:39 Antena

Aldo, Luli dhe një slogan për Gridën nga Batoni

19:11 Antena

Episode nga dita e sotme me Sandrin, Voltanën dhe Kunatin

20:12 Antena