Altini i shpjegon Kunatit, rrjetin agjenturor të Sorosit

Altin Goxhaj ka nisur betejën për të reformuar Partinë Demokratike nga depërtimi i mbeturinave mikroborgjeze, që kanë lidhje të nëndheshme me Sorosin dhe Lëvizjen Socialiste për Integrim. Në një letër të hapur drejtuar Kunatit, Goxhaj i shpjegon shkakun pse kanë humbur më 21 Qershor dhe kërkon aleancë me të për të ndryshuar situatën.

“I nderuar Kunat!

Zgjedhjet e 21 Qershorit goditën rëndë shpresën tonë për t’u ringritur pas goditjes së 23 Qershorit dy vjet më parë. Megjithë përpjekjet e lavdërueshme të Lulit, puna jonë u sabotua nga disa mbeturina të botës së reaksionit, që kanë lidhje të nëndheshme me Sorosin dhe që po shkatërrojnë të ardhmen tonë.

Një prej tyre është Gert Bogdani.

Nuk e di sa e njihni ju këtë person, por unë që kam pas babain tim shef të Arkivës së Sigurimit të Shtetit e njoh mirë, me rrënjë e dhëmballë. Babai i tij ka qenë bashkëpuntor i babait tim dhe i Fatos Nanos dhe është konfliktuar me të për çështje tenderash në Ministri të Arsimit, duke u larguar një vit para se PD-ja të vinte në pushtet.

Ky person i rrezikshëm, i cili vjen nga e majta e korruptuar e Fatos Nanos, ka një martesë edhe më të dyshimtë, me një vajzë nga fisi Çepani. Babi im thotë se Çepanët i kam pas të gjithë kolegë në Sigurimin e Shtetit dhe kanë qenë korrekt, por mesa duket geni prishet. Nga gjithë familjet komuniste të jugut që i qëndruan besnik shokut Enver, vetëm im atë dhe yti, Xhaferi, vazhdojnë t’i jenë mirënjohës shokut Enver. Këta të tjerët kanë degraduar dhe janë bërë spiunë të një prej maskarenjve më të mëdhenjë në botë, Xhorxh Sorosit. Ky supermafioz, i cili ka agjent kryesor në Shqipëri Edi Ramën dhe Erion Veliaj, krijoi Mjaftin dhe shumë nga agjentët e tij i depërtoi dhe në radhët tona. P.sh, ti ke bërë një gabim shumë të rëndë që ia ke besuar Këshillin Kombëtar Odetës, se ajo ishte pjesë e Mjaftit dhe rezulton agjente e Sorosit. Kështu, në rast krize, Këshillin Kombëtar të Lulit e komandon Sorosi. Ke bërë shumë gabim që i besove Gert Boganit, që në 2005-ën ka marrë bekimin e Edi Ramës të kalonte me PD-në si agjent i Sorosit. Kështu, si agjent i Sorosit, ai pranoi çdo lloj poshtërimi në PD që të ecte përpara  dhe ua ka rekomanduar këtë metodë edhe agjentëve të tjerë të Sorosit. Siç e ka pranuar dhe Erla, për të ecur para në PD këta agjentët e Sorosit duhet të “hanin” atë mut që u jepej, vetëm të mos dorëzoheshin. Tani ata kanë depërtuar dhe kanë rrethuar gjithë kupolën e PD-së. Erla tek Doktori, Genti tek parlamenti, Odeta tek Këshilli Kombëtar dhe në fund Grida që tentoi në Durrës.

I gjithë ky rrjet agjenturor, shpjegon më së miri pse humbëm më 21 Qershor dhe çfarë duhet të bëjmë në të ardhmen.

Unë e kam në dorë gjithë mekanizmin e këtij spiunazhi ndërkombëtar dhe çështja mund të zgjidhet fare lehtë me ndonjë lëvizje të vogël, që është në dorën tuaj. Unë kam aplikuar tek Sorosi për nja dy grante, po mi ka marrë nga duart kjo nusja e Bogdanit. Thuaj pak të mi lërë mua dhe këta pushojnë së qeni agjentë të Sorosit, se pastaj bëhem vet agjent dhe e shkatërroj Sorosin.

I yti, Altini.

Bëji të fala Xhafës nga babi. Më thotë mos e harro kurrë amanetin që na ka lënë Partia dhe shoku Enver. Do ta bëjmë se s’bën PD-në parti siç duhet”.

Kunati, Doktori dhe spikeret e zhveshura

20:21 Antena

Demokrati Thërmia u tradhtua, duke i fshirë ditarin e fushatës

19:09 Antena

Xhelali ka shitur PD-në

20:07 Antena

Komentet më pikante brenda PD për humbjen

20:43 Antena

Ja pse Kunati e quan fitore, këtë fushatë!

21:38 Antena

Humor nga Durrësi me rezultatin e Gridës

20:20 Antena

Humor një ditë pas zgjedhjeve

20:39 Antena

Aldo, Luli dhe një slogan për Gridën nga Batoni

19:11 Antena

Episode nga dita e sotme me Sandrin, Voltanën dhe Kunatin

20:12 Antena

Ankesat e Jarit për shtëpitë e pushimeve qeveritare

19:45 Antena