Te fundit
Rrëfimi i hajdutëve të vilës së Ristanit dhe frika e Kunatit
29 Korrik 2015, 19:38Antena
TEMA
Më në fund hajdutët që vodhën vilën e Ristanit, Flamurit dhe Saimirit u kapën. Të dy ishin fëmijë me origjinë nga Tropoja. Njëri prej tyre kishte mbiemrin e vjetër që ka pas Doktori para se të bëhej familja myslimane.
Me rrëfimet e tyre në polici, i lanë pa gojë të gjithë. Dy kalamajtë e dinin ekzaktësisht të kujt ishin vilat që kishin vjedhur. Ata treguan me hollësi çfarë kishin marrë në çdo vilë dhe sa vjedhje kanë kaluar pa u kuptuar.
Vilën e një ministri e kishin vjedhur tre here, por ngaqë nuk kishin marrë shumë lekë, ai nuk ishte ankuar ose nuk e kishte kuptuar fare.
Polici: Pse vodhët vilën e Ristanit?
-Donim t’i vidhnim celularin, se na thanë po e vodhët celularin ai është gati tua blej shumë shtrenjtë.
-A kontaktuat t’ia shisnit?
-Po dhe na dha pazar të mirë. Ndryshoi dhe deklaratën. Tha nuk më kanë vjedhur gjë. Pastaj ju na kapët dhe ne si morëm dot lekët.
-Po Flamurit çfarë i vodhët?
-I vodhëm dy celularë dhe një tabelë parkimi për qarkullim rrugor. Ia bëm nga inati, se thoshte lartë e poshtë që nuk kam vilë në Lalëz.
-Cilën vilë nuk keni vjedhur?
-Veç vilën e Sali Berishës s’e kena prek. Më ka thënë baba e kena fis, tha një nga djemtë. Dhe e përshëndesim çdo ditë kur del shëtitje. Një herë na ka shku mendja me e vjedh, kur tha në parlament që nuk kam vilë në Lalëz, por na erdhi pak frikë se tham do na akuzojnë që jemi socialista. Këtë s’do na e falte kurrë baba.
Pasi dëgjoi rrëfimet e të arrestuarëve, Kunatin e kapi paranoja se fëmijët mund të ishin vënë në lëvizje nga njerëzit e Doktorit. Dyshimet e lidhjes mes Ristanit dhe Lulit e kishin shqetësuar gjithnjë Doktorin dhe me sa duket ka pas kuriozitet të shihte telefonin e tij.
Për të kuptuar se ç’mund të kishte ndodhur në këtë rast, pyeti disa deputet të tjerë të PD-së sesi i komentonin vjedhjet.
Jozefina: Duhet me sakrifiku me bë opozitë. Ata janë heronj të vërtet të opozitës, pasi kanë kontribuar me rrit shifrat e vjedhjes dhe krimit në vend. Kësaj i them punë konkrete.
Aldo Bumçi: Nuk e di si përjetohet një vjedhje kur je në opozitë, po mua kur më vodhën makinën kur isha ministër, nuk më bëri shumë përshtypje. Vetëm kur u kujtova që kisha rrobat e fëmijës në makinë u mërzita se më bërtiti gruaja.
Gent Strazimiri: Mafia nuk ka fytyrë tjetër veç kësaj që shohim përditë në parlament dhe natën tek Gjiri i Lalëzit, duke terrorizuar opozitën që fle aty se e kanë zbuar nga Tirana.
Genc Ruli: E para e punës burrat nuk tregojnë si qaramanë që u është vjedhur shtëpia për një celularë. Celularin është keq kur ta gjen gruaja, se po ta gjeti hajduti 20 mijë lekë dëm është.
Lini një Përgjigje
Më të lexuarat
24 oret e fundit
Javen e fundit
Blog Tema
