Te fundit
Kunati, studion planin e Faros për kthimin e PD-së në pushtet
1 Gusht 2015, 19:28Antena
TEMA
Propozimet e fundit të Faros për mënyrën sesi PD duhet të kthehej në pushtet, e hutuan Kunatin. Thelbi i propozimit ishte që ardhja e PD-së në pushtet ishte çështje e karakterit kombëtar dhe për çështje kombëtare duhej bërë koalicion me LSI-në. Pas kësaj gjithçka qe e sigurt.
Propozimi që pasonte këtë skemë ishte shkarkimi i Ben Ristanit si përgjegjës për humhjen e thellë të PD-së në Qarkun e Vlorës që nuk ka ndodhur as më 97-ën. Madje, sipas analizës së Faros më 97-ën Zani Çaushi dhe Ben Ristani ishin në një llogore, por atë që i ka bërë Beni PD-së më 2015, nuk ia bëri dot aleati i tij Çaushi më 1997-ën.
Këtu Kunati vendosi të mbaj qëndrim.
E para, duhej verifikuar a i kishte nga mendja Farua këto ide apo i kishte nga Doktori. Për këtë duhej testuar Doktori. I ra shkurt dhe i bëri një telefon Doktorit. Hyri direkt e në temë.
-Si ka mundësi, tha që Çili po promovon këto idetë e Faros për koalicion me LSI-në?
-Zotëri mos më pyet për punët e qeverisë, – i tha Doktori. Po ke ndonjë gjë për opozitën më thuaj.
Kunati u ngroh pak nga përgjigjia.
-I paska ik truri dhe këtij, – tha me vete. Dmth Faro e paska nga koka e tij.
Për të qenë më i sigurt mori dhe Zenin.
-Ore e pe atë intervistën e Faros tek Mapo ti. Ça ishte ajo punë e LSI-së?
-E pashë, e pashë, – tha Zeni. U thashë dhe çunave ta shkruajnë që Farua propozon të iki Ristani e të vij Meta.
Kunati u ngroh dhe më shumë pas kësaj.
Dmth Familja nuk qenka pro tha.
Pak më i sigurt vendosi të marrë Çilin në telefon.
-E pashë atë intervistën e Faros, – tha. S’e kuptoj punën tënde. Nga një anë na kërkon ndihmë për ligjin për arsimin, nga ana tjetër do të na ndash PD-në në pro LSI e kundër LSI.
-Epo ç’tu bëj mo zotëri, – u tha Çili. Meqë s’keni fuqi të ndaheni pro dhe kundra Doktorit, të paktën ndahuni pro dhe kundër Ilir Metës.
-Ajo intervista qe provokim, – i tha Kunati, por Farua e ka nga koka e tij ta dish.
-Nuk e di vëlla. Vet më keni thënë që Farua punon gjithmonë me material të porositur. Pyesni, sigurohuni, pastaj ankohuni.
Kunatit i hyri prap krimbi i dyshimit.
Vendosi të pyes Lulin.
-Ore e pe atë intervistën e Faros tek Mapo? – i tha.
-E pashë, e pashë, – tha Luli. I madh Farua, por vështirë të bëhet ajo. Po në fakt ajo na shpëtonte.
Kunati u hutua fare.
-Dmth ti thua që Farua nuk ia ka fut kot?
-Jo mo, si kot. Ajo është e vetmja rrugë që kemi, por ne s’e themi dot. Mirë që kemi gazetarë të guximshëm që e thonë të paktën, se nuk dimë si t’i mbajmë njerëzit me shpresë. Vetëm me atë punën e Ristanit e kishte tepëruar, po i thashë unë fute pak mos të dyshojnë që ishim konsultuar.
-E kuptova, – tha Kunati dhe sesi iu duk më ndryshe portreti i Faros. Jo dhe aq keq sa më parë.
2 komente në “Kunati, studion planin e Faros për kthimin e PD-së në pushtet”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Faros po ia shkerdhen ditet e bija, i la ne bixhoz tr gjitha parate e fituara me gjak.
undefined