Doktori shpjegon pse nuk votoi për hetim ndërkombëtar

Pas këmbënguljes së Doktorit për hetim ndërkombëtar dhe ikjes së tij nga momenti i votimit, pati shumë konfuzion në opinionin publik pse e bëri këtë veprim. Pas kësaj Doktori bëri shpjegimet e tij, të cilat argumentuan dhe gjestin e ikjes nga votimi:

“Së pari, dua t’u them ju dhe gjithë atyre që duan të hedhin helm mbi gjestin tim, se unë, familja ime dhe ish-kryeministri dhe ish-presidenti i këtij vendi, nuk i tremben votimit. Jo nuk i jam trembur kurrë. Votimi për mue është një moment sublim, të cilin unë e përdor si moment fitimtari.

Por çfarë ndodhi, do thoni ju? Ua them unë ju. Sapo erdhi momenti i votimit unë pashë se puna kish lëviz. Deputetë të PS dhe LSI flisnin vesh më vesh me njëri-tjetrin. Atëherë mendova se shumica ishte sigurue. Mendova se Edi Rama, siç më pat sigurue Luli, do t’u thoshte deputetëve të vet të votonin pro ligjit dhe unë ika, se isha në konflikt interesi. Se kam bërë kurrë, të votoj në interes të vetes sime dhe nuk do ta bëja as këtë radhë. Do të ishte e pamorlashme për mue, familjen time dhe emrin tim në historinë e këtij vendi, që unë të votoja një ligj nga i cili doja të përfitoja vet për të mos u hetue. Jo! Kurrë dhe kurrë. Do thoni ju pse e kërkova? Ua them unë pse e kërkova. E kërkova se ram dakord ta kërkojmë, për interes tonin, për interes të përbashkët, por meqë ishte dhe interesi im, unë s’mund t’ia lejoja vetes ta votoja. Dhe nuk e votova.

Së dyti, dua t’u siguroj ju dhe nëpërmjet jush gjithë demokratët shqiptarë, se unë, Sali Berisha, në gjithë jetën time politike nuk kam lejuar kurrë të përdor pushtetin ose votën për të mirën time. Nuk do ta lejoja as në këtë rast. Më thoni një rast, që unë si kryeministër, si president, si kryetar partie, si babi i vajzës që kam, si babai i djalit që kam, si burrë i gruas që kam, kam bërë një gjë të vetme, të favorizoj ata ose të përfitojnë gjëra që nuk u takojnë. Kurrë dhe kurrë! Është kjo arsyeja që nuk do ta bëja këtë dhe këtë radhë.

Së fundi, dua t’u them ju dhe t’iu siguroj, se kjo është hera  e fundit që i lejoj këta horra të tallen me fatin e hetimeve të mia. Tani e tutje do t’i marr vet në dorë hetimet, siç i kam marrë gjithmonë dhe i kam përfunduar me sukses. Po të ishte për këta, 21 janari nuk do të hetohej kurrë dhe nuk do zbulohej kurrë grushti i shtetit. Ishte puna ime dhe vullneti im që e zbuloi dhe e shpartalloi atë. Po të ishte për këta, s’do merrej vesh kurrë Gërdeci. Ishte sakrifica ime dhe e familjes sime, e djalit dhe baxhanakut tim, që e vërteta u ndriçua. Po të ishte për këta horra, e vërteta  e Rrugës së Kombit s’do merrej vesh kurrë. Ishte këmbëngulja ime që të mos dënohej Lul Basha, që këta ta merrnin vesh kush ishte fajtori i vërtetë. Për këto arsye nuk do të lejoj më kurrë, që drejtësia të ngelet si lodër në duart e këtyre kalamajve. Tani e tutje, çdo gjë do të jetë nën kontrollin tim dhe suksesi do të jetë i garantuar. Hajdutët të gjejnë vrimë të fshihen.

I jueji, Sali Berisha!”

Dilemat e Kunatit për raportet e Zenit me Ismailaj

19:14 Antena

Reagimet e politikanëve pas fotove intime të Priftit

20:44 Antena

Reagime në PD, pasi Doktori e bëri Lulin “hasha” si djalë dhe dhëndër

19:23 Antena

Përgjohen debatet dhe  vërejtjet e Jarit për Reformën në Drejtësi

19:33 Antena

Antena në ndihmë të suksesit të Bleonës me prekjen e b*thëve

20:29 Antena

Kunati i raporton Doktorit për incidentin në kryesinë e Grupit Parlamentar

18:23 Antena

Nga përgjimet e të premtes së Jarit për çështjen e bunkerit

19:56 Antena

Nga përgjimet e sotme të Jarit për hetimin ndërkombëtar

19:28 Antena

Nga përgjimet e Jarit për ditën e sotme

20:37 Antena

Kunati në hall me ligjin e dekriminalizimit

19:27 Antena