Nga përgjimet e sotme të Jarit për hetimin ndërkombëtar

Sot është ngritur herët dhe doli në verandë. Ndezi televizorin dhe po shikonte ceremoninë e faljes për Kurban Bajram. Pas pak dëgjohet gruaja që e pyet sesi e ka protokolli, a do të shkojë sot në takime?

-Ta mendoj, tha. Kur i shikoj këta që ulen me kokën poshtë e bythën lartë, i kam zili sa shpejt çohen.

-Më mire mos shko. Kush rri ngjit shkallët e Myftinisë. I kanë të larta, dëgjohet zëri i saj.

-Ashtu po bëj, tha. Kanë ngelë më fiq nga dje në frigorifer?

-Janë dhe ca, se i dhashë atij ushtarit të turnit të tretë, se më erdhi keq.

-Mirë, mi sill.

….Qetësi për disa çaste. Ha fiq vetëm.

-Ke fol me Doktorin ça po bëhet me këta të ÇEZ?

-Të premten kam të drejtë ta marrë në telefon, dëgjohet zëri i atij. Mezi po e pres deri nesër. Se sot është e enjte. Pas të enjtes është e premte.

-Ah po, u dëgjua gruaja. Po Doktori pse kërkoi hetim ndërkombëtar? Ai sikur e ka mik këtë Tikun.

-I ka thënë Tiku, s’kam ç’të bëj. Po më erdhi mua në dorë mesa duket. Po hetim ndërkombëtar është mirë, se s’bëhet.

-Po Luli do hetim ndërkombëtar, pyet gruaja?

-Po ç’punë ka Luli, derisa thotë Doktori hetim ndërkombëtar. Pse Doktorin do kundërshtojë ai?

-Ke të drejtë, tha gruaja. Po ai kur e ka ditën e takimit me Doktorin?

-Ai më duket se e takon një herë në muaj tani, se është mërzitur Doktori.

-Ua i shkreti! Kushedi sa mërzitet, dëgjohet gruaja.

…

Qetësi përsëri. Dëgjohet zëri i atij.

-Po nga fasulet e mbrëmshme kanë ngelur?

-Kanë ngelur, por u thashë të bëjnë dhe një pilaf, se do prishet koha pasdite dhe hahet mirë.

-A, shumë mirë.

-Si mendon ti, po u bë hetimi ndërkombëtar ka probleme Doktori?

-Nuk besoj. Po qe se ka bërë gjë Ridvani me kokë të tij. Doktori nuk përzihet.

-Po këto kompanitë e tjera të kujt janë, kanë lidhje me Doktorin?

-Jo, jo. Dy janë të atyre Breçanit, ata kishin biznes të tyre. Unë mbaj mend vetëm Sandrin që i mori lekët Albpetrolit brenda ditës. Mbaj mend se mu ankua ai i Albpetrolit. Tha kemi ngel pa rroga se na i ka marrë Sandri për borxhe dritash.

-Uaaa, ndaj bën kaq shumë zhurmë Sandri, dëgjohet ajo.

-Po besoj. Më shumë ka hall mos e merr vesh Doktori tani që ia ka futur dhe prishen. S’ka faj. Kanë kaq vite bashkë, të prishen për asgjë.

-Si s’bëm dhe ne o burrë ndonjë kompani nga këto të ÇEZ atëherë, dëgjohet ajo.

-S’mund ta bënim pa leje të Doktorit. T’ia kërkoja atij më vinte zor, dëgjohet ai.

-Po këta të tjerët si ia kërkuan?

-Epo atyre ua ka kërkuar vet ai. Pa as ata s’ia kërkonin dot.

-Qenkan ngop njerëzit me lekë, ne na rruat. Mezi morëm tokat tona, dëgjohet ajo.

-Them t’i tërheq vërejtje këtij Tik Llallës, dëgjohet ai.

-Po përse, dëgjohet ajo.

-Që ka humbur kredibilitetin dhe detyron Doktorin të kërkojë hetim ndërkombëtar.

-Bëje, i tha ajo.

…

Dy orë më vonë. Merr në telefon Adriatikun.

-Jam i shqetësuar që institucioni juaj është katandisur kështu, i tha ai. Detyrohet ish- presidenti dhe ish-kryeministri të kërkojë hetim ndërkombëtar ndaj vetes.

-Mos u shqetëso, dëgjohet ai. Ia rekomandova vet, se kushedi kujt i binte shorti këtu.

-Aha shumë mire ke bërë, dëgjohet ai.

…

Pauzë. Dëgjohen zhurmë enësh dhe një zë gruaje.

-Fasulet i ngroha, pilafin e ke të freskët.

-Faleminderit, dëgjohet ai.

Nga përgjimet e Jarit për ditën e sotme

20:37 Antena

Kunati në hall me ligjin e dekriminalizimit

19:27 Antena

Kunati  harton deklaratën e Partisë Republikane

19:58 Antena

Grimca humori nga e diela

20:35 Antena

Vazhdojnë përgjimet e zbuluara rreth planeve të Jarit kundër qeverisë

19:03 Antena

Nga përgjimet e fshehta të jetës personale të Jarit

21:01 Antena

Kunati merr kontrollin për protestën kundër Bunkerit

20:16 Antena

Zbulohet arsyeja pse Kunati kërkon testin e drogës

21:05 Antena

Kunati i shqetësuar nga zemërimi i Doktorit me OSBE-në

19:23 Antena

Rubrika “Antena brenda Familjes”, notë proteste ndaj OSBE-së

19:05 Antena