Nga përgjimet e të premtes së Jarit për çështjen e bunkerit

Sot ishte në formë kur u ngrit në mëngjes. Doli në verandë dhe kërkoi kafe turke pa sheqer.

-Po pse pa sheqer, u dëgjua gruaja?

-Kam ngrënë shumë fiq dje dhe më kanë rritur sheqerin në gjak, u dëgjua ai. Më mirë pa sheqer.

Pastaj u vendos heshtja derisa erdhi kafja. Ndërkohë që po pinte kafe, u dëgjua zilja e celularit. Ushtari i Gardës vrapoi dhe ia afroi celularin tek tavolina.

-Të kam thënë mbaje me vete telefonin, u dëgjua gruaja.

-Ç’e dua, u dëgjua ai. Ky dy a tre herë dita bie. Kush më kërkon mua.

-Po mbaje se s’i dihet, ja të kërkoi Doktori. Ku ke fuqi ti të ngrihesh e ta marrësh. Mirë këtu që jemi ne.

-Të drejtë ke, u dëgjua ai. Po të premteve e mbaj afër se zakonisht të premteve merr.

-Kush të ka thirrur, u dëgjua ajo?

-Janë disa nga këta të përndjekurit. Dua t’i çoj të prishin atë bunkerin e Edi Ramës. Duan t’i bëjnë karshillëk bunkerit që bëri Doktori me Lubonjën tek Bulevardi. Mirë që janë kopjacë, por duan dhe të na ulin vlerat.

-Shumë mirë do bëni, u dëgjua ajo. Mbështeti fort.

-Patjetër, u dëgjua ai.

Takim në Presidencë.

Dëgjohet kryetari i delegacionit të ish të persekutuarëve.

-Zoti president, ju e dini mirë se çfarë janë bunkerët, u dëgjua ai.

-E di si nuk e di, u dëgjua ai! I kam ndërtuar vetë. Madje kam mbrojtur dhe diplomën me temën mbi fortifikimet e bunkerëve në Shqipëri, si një masë e sigurtë kundër sulmit të NATO-s dhe Traktatit të Varshavës në një ditë.

U dëgjua pak heshtje dhe një kollë e thatë.

-Ashtu qe ajo kohë, u dëgjua ai.

-Dhe unë kam ndërtuar bunkerë në Qafë të Buallit, tha njëri, biles kam marrë dhe tre S sulmuese, po ajo kohë ishte. Ke të drejtë.

-Unë them të bëni ndonjë gjest simbolik, u dëgjua ai.

-T’i bëjmë shurrën zoti president, u dëgjua njëri. Zakonisht shqiptarët kanë bërë shurrën në bunkerë.

-Jo, jo se dënoheni, pasi Bashkia ka vënë gjoba për ata që urinojnë rrugës. Më mire pështyjeni. Akoma nuk ka gjoba për pështymë rrugës.

-Ka, ka po është u ulët, u dëgjua njëri. Na e paguan Zeni atë.

-E shumë mirë, tha Jari. Kështu bëjeni…

Vendoset qetësi. …Degjohet zilja e një telefoni dhe zëri i atij.

-Shiko mos është Doktori? Se është e premte sot.

-Po, po Doktori është, tha sekretarja. Më tha se mori të të kujtojë që duhet të bësh vizitën sot tek fizioterapisti.

Nga përgjimet e sotme të Jarit për hetimin ndërkombëtar

19:28 Antena

Nga përgjimet e Jarit për ditën e sotme

20:37 Antena

Kunati në hall me ligjin e dekriminalizimit

19:27 Antena

Kunati  harton deklaratën e Partisë Republikane

19:58 Antena

Grimca humori nga e diela

20:35 Antena

Vazhdojnë përgjimet e zbuluara rreth planeve të Jarit kundër qeverisë

19:03 Antena

Nga përgjimet e fshehta të jetës personale të Jarit

21:01 Antena

Kunati merr kontrollin për protestën kundër Bunkerit

20:16 Antena

Zbulohet arsyeja pse Kunati kërkon testin e drogës

21:05 Antena

Kunati i shqetësuar nga zemërimi i Doktorit me OSBE-në

19:23 Antena