Raporti i Kunatit për analizën e zgjedhjeve

Meqë Luli kishte premtuar të bënte një analizë të zgjedhjeve të 21 Qershorit pas këmbënguljes së Doktorit dhe Jozefinës, Kunati gjeti rastin këtë javë që njerëzit janë bombarduar me lajmet për ÇEZ, ta fuste në rendin e ditës. Përgatiti shpejt e shpejt një raport dhe ia la në dorë Ristanit për ta lexuar.

Ja se ç’thotë një pjesë e raportit.

“Zgjedhjet e 21 Qershorit u zhvilluan më 21 Qershor të këtij viti dhe ato ishin zgjedhje për pushtetin vendor. Me zgjedhje të pushtetit vendor nënkuptojmë zgjedhje për bashki, pasi komunat i ka hequr ndarja e fundit administrative e Edi Ramës, që është një ndarje e paligjshme.

Më 21 Qershor u zgjodhën 61 kryetar të rinj komunash, nga të cilët 45 janë socialistë dhe 16 janë demokratë, ose të aleatëve të tyre, por që në tërësi është një fitore e thellë e demokratëve, pasi socialistët mezi i kanë fituar shumicat e këtyre zonave.

Sipas të dhënave tona, armiqtë tanë u detyruan të djersijnë për të fituar në Konispol, Sarandë, Vurg, Gjirokastër, Këlcyrë, Memaliaj etj, që do të thotë se PD-ja u rrit ndjeshëm në jug të vendit, aty ku janë bastionet e socialistëve. Kjo fitore historike e PD-së në jug të vendit, pavarësisht rezultateve, i dedikohet punës së palodhur të strukturave të reja, që nuk kursyen energjitë e tyre në fushatë. Ata u përballën me terrorin policor, me bandat e organizuara dhe presionin e parave të zeza, presion i cili është i papërballueshëm në këtë krizë ekonomike.

Shenja të fitores së qartë PD-ja kishte dhe në Vlorë, Fier e Lushnjë, pavarësisht fitores së thellë formale të kundërshtarëve. Nëse ne llogarisim sa anëtarë partie kemi në këto qytete kryesore dhe sa vota kemi marrë, na rezulton se ne kemi marrë 20 herë më shumë vota sesa kemi anëtarë partie, një fitore kjo historike, që PD e ka arritur nën udhëheqjen e zotit Basha. Në raport me ne, socialistët kanë marrë vetëm 15 herë më shumë vota nga sa kanë anëtarë. Dikush mund të thotë se ata kanë anëtarë shumë dhe ne pak, por kjo nuk është e vërtetë. E vërteta është ajo që është e shkruar, që PD ka fituar në këto qytete 20 herë më shumë vota sesa ka anëtarë, ndësa PS vetëm 15 herë më shumë. Kjo është fitorja jonë absolute.

Një fenomen interesant ka ndodhur në Bashkinë e Durrësit ku kandidatja jonë ka deklaruar se ka fituar zgjedhjet, se votat nuk i janë vjedhur, por i janë tjetërsuar. Ky fenomen i panjohur më parë në politikën shqiptare ka lidhje me mafian e betonit të Vangjush Dakos, i cili ka paguar sipas të dhënave tona, 50 prestigjiatorë si komisionerë, të cilët merrnin votën që ishte pro Gridës, e tregonin tek kamera, e rrotullonin duke i bërë një si nuskë, dhe ajo tjetërsohej tek PS-ja. Ky mekanizëm mafioz mund të arrihet vetëm nga një parti milionerësh, që ka miliona euro të blejë 50 iluzionistë e t’i emërojë komisionerë. Partia Demokratike do të hetojë deri në fund këtë skandal, pasi fenomeni i tjetërsimit të votës në këtë mënyrë është njohur vetëm në Shqipëri dhe vetëm në Durrës. Zërat se këto vota i ka tjetërsuar vet Grida pasi ka marrë ca lekë për të larë borxhet, janë shpifje dhe nuk kanë asnjë lidhje me të vërtetën. E vërteta është se tjetërsimi është bërë nga disa prestigjiatorë, të cilët u kanë hedhur hi syve numëruesve dhe publikut në sallë, duke e tjetërsuar votën. Qëndrimi dinjitoz i zonjës Duma, që nuk fajëson drejtpërdrejt kundërshtarin për vjedhje, është një standard i ri etik i PD-së së Bashës, që duhet të thellohet dhe më tej.

Në Tiranë, ne po ashtu kemi arritur një fitore të thellë, pasi një mjek gjinekolog ka mundur të bëhet figura më popullore e Tiranës për 45 ditë, duke lënë në hije një djalë të ri që ka 12 vjet që merret me politikë. Kandidati ynë sot po udhëheq Komisionin e Dekriminalizimit, i cili do të ketë aftësinë ndryshe nga PS, t’i njohë kriminelët që në bark të nënës dhe t’i dështojë ata.

Në disa rrethe të veriut, PD po ashtu u ngrit ndjeshëm dhe thelloi rezultat e veta. I vetmi shembull i diskutueshëm është Shkodra, ku kandidatja jonë arriti të ruajë distancën e thellë me PS-në, duke bashkëpunuar me Tomën dhe duke humbur një pjesë të PD-së që na shkoi tek PS-ja. Por sidoqoftë rezultati mbeti ai që pritej.

Kjo pra të dashur miq është një panoramë e suksesit të madh të PD-së më 21 Qershor, rezultat që pritet të përsëritet në zgjedhjet e vitit 2017″.

Kunati analizon deklaratën e Sadijes

18:51 Antena

Doktori shpjegon pse nuk votoi për hetim ndërkombëtar

19:44 Antena

Dilemat e Kunatit për raportet e Zenit me Ismailaj

19:14 Antena

Reagimet e politikanëve pas fotove intime të Priftit

20:44 Antena

Reagime në PD, pasi Doktori e bëri Lulin “hasha” si djalë dhe dhëndër

19:23 Antena

Përgjohen debatet dhe  vërejtjet e Jarit për Reformën në Drejtësi

19:33 Antena

Antena në ndihmë të suksesit të Bleonës me prekjen e b*thëve

20:29 Antena

Kunati i raporton Doktorit për incidentin në kryesinë e Grupit Parlamentar

18:23 Antena

Nga përgjimet e të premtes së Jarit për çështjen e bunkerit

19:56 Antena

Nga përgjimet e sotme të Jarit për hetimin ndërkombëtar

19:28 Antena