Te fundit
Grigja qetëson Mond Spahon pas gjakosjes në Gjykatë
4 Prill 2018, 18:40Antena
TEMA
Pas vendimit për të hyrë me forcë në sallën e gjyqit, një grup deputetësh të PD u penguan nga policia në hyrje të derës së gjykatës.
Situata ishte delikate dhe Luli kishte dhënë urdhër që sido të vijë situata, gjallë a vdekur vetëm Strazua nuk duhet të rrihet më, se ai e ka plotësuar planin e rrahjes këtë muaj.
Meqë ekipi ishte i vogël, i përbërë nga dy deputete femra dhe Strazua me profesor Spahon, atëhere barra e rrahjes i ra profesor Spahos.
Sa u afruan tek polici, Spaho bëri para, pastaj Albana, pastaj futën në mes Strazon, dhe pas tij deputetja Çupi.
Polici nuk iu hapi derën.
-Na lër bre të kalojmë, ç’është kjo punë, i tha Mondi!
-Nuk lejohet, kam urdhër, tha polici.
-Po ç’është o ky urdhër, o ty mbylltë e mendjes, po hap udhën të them.
-Nuk lejohet, tha polici.
Atëhere Strazua nuk e mbajti dot veten dhe ju turr policit.
Në përpjekje për t’i zënë rrugën, ai u përplas me profesor Mondin dhe e gjakosi me plagën që i kishte hapur Mziu.
-Po ç’bën o derëbardhë, të të vijë rëndë të të vijë, i tha Spaho. Më bërë tërë gjak, më bëre.
-Mos më zë rrugën, i tha Strazua.
Je bërë më oportunist se Xhelali.
Negocion me policët.
-Ik bre byrazer, se ti nuk ndreqesh.
Do ikëm fare, s’bëhet punë me ju, tha Mondi, dhe doli jashtë.
Pas tij dolën dhe deputetët e tjerë.
Sa doli jashtë, mori në telefon Xhafajn.
-Po ç’është kjo punë bre byrazer, t’iu vijë rëndë t’iu vijë, më gjakosën aty dhe nuk më ndihmoi policia.
-Kush të gjakosi, i tha Xhafaj?
-Po ku di unë bre, njëri më gjakosi, po policia bënte sehir, bënte.
Ore keni zemër ju a nuk keni?
-Më fal se jam në mbledhje, po e sqaroj unë, tha Xhafaj.
Pas kësaj, profesor Spahua ja tregoi historinë Grigjës.
-Si t’ia bëjmë, tha, se këta të policisë duan të dinë kush më gjakosi.
Unë në fakt u fërkova me plagën që i ka hap Mziu, Strazos dhe jam bërë me gjak.
-Mos trego, i tha Grigja.
Thuaj që më gjakosi policia, por Strazua do t’ua marrë hakun.
-U thashë bre, po më thanë do të marrim analizat e gjakut.
Kam hall se del që kam gjak si të Strazos dhe më rrahin ku të më gjejnë pastaj.
2 komente në “Grigja qetëson Mond Spahon pas gjakosjes në Gjykatë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Hahahahahahahahahahaaaaa!
A thua te ketë patur dhe patllaken me vete Strazua se per dreq nganjëherë mer dhe pozen e gangsterit, ve republikë ne koke dhe patllaken ne brez dhe eshte gati te sulmoje dhe Raishtagun ,,