Lajmi se PD ka çuar në Kuvend një projektligj për deklasifikimin e dosjeve të Sigurimit të Shtetit e troinditi Mulin. Thirri Lelon ta pleqëronte këtë punë se si mund ta kundërshtonin.
-Është pak e vështirë ta kundërshtojmë ne,- tha Lelo, por i duhet futur ndonjë mik Ed Ramës ta kundërshtojë ai.
-Po ku çan kokë Ed Rama. Ai i ka të gjithë oficerë sigurimi, ne të shkretët i kemi bashkëpunëtorë.
-Po ta gjejmë ndonjë fabulë,- tha Lelo. Për shembull të themi si mund ta hapet dosja e një shtetasi të huaj që ka jetuar në Shqipëri, nëse ka bashkëpunuar me Sigurimin e Shtetit. Ai ka të drejtë të gëzojë të drejtat e vendit të itj.
-Jo këtë jo, se do thonë e kemi për vjehrrën e Doktorit se ka qenë serbe.
Duhet ndonjë fabulë tjetër.
-Po ja të themi për shembull, që njerëzit që arratiseshin nga Shqipëria kapeshin nga shërbimet e huaja dhe detyroheshin të bashkëpunonin. Por mund të kenë qenë dhe agjent të dyfishtë, kanë bërë punë për Shqipërinë.
-Jo këtë jo se thonë e kanë përr Mulin se mua më ka kapur UDB dhe më ka ofruar të shërbeja për ta. Por unë u ktheva i shërbeva Doktorit.
-Ah se dija as këtë. Ja të mendoj çfarë mund të sajojmë tjetër. Po sikur ta kalojmë në aspektin politik të themi të hapen dhe dosjet e Partisë së Punës se ato janë më të këqija.
-Po jo mo burrë se hapin dosjet e mbledhjeve të Doktorit si sekretar partie, pale ça ka thënë ai se ai i merr seriozisht detyrat.
-Ah po harrova,- tha Lelo.
Se di ça me të thënë. Pak hapësirë paskemi se prekemi nga të gjithë anët.
Mbase i djeg miza.