Te fundit
Cilat janë shtetet që na furnizojnë me birrë? Greqia në vendin e parë
23 Dhjetor 2023, 22:10Ekonomia
TEMA
Vendi ynë ka importuar afro 50 milionë litra birrë përgjatë periudhës janar-nëntor 2023 ku një nxitje të lartë ka dhënë sezoni i mbarë turistik. Të dhënat e Drejtorisë së Përgjithshme të Doganës tregojnë se rritja e sasisë së birrës së zhdoganuar ka qenë progresive nga viti në vit, dhe nëse do të marrim në krahasim periudhën 2020-2023, kapërcimi ka qenë me afro 13 milionë litra në favor të importit.
E përkthyer në vlerë monetare, përgjatë këtij viti birra e importuar ka rritur në vlerën e 54 milionë dollarëve.
Por cila është harta e origjinës nga vjen ky produkt? Të dhënat e doganave të siguruara nga SCAN TV, tregojnë se Shqipëria importon birrë nga 22 shtete në total. Ku vendin e parë e zë Greqia, me një vlerë prej 7.8 milionë dollarësh, ndjekur nga Gjermania me 4.9 milionë dollarë, Serbia me 3.4 milionë dollarë dhe më pas renditet Holanda dhe Çekia. Ndërsa Kosova, Franca dhe Austria janë shtetet nga ku importojmë më pak.
Markat e huaja kanë fituar terren edhe për shkak të dyfishimi i akcizës së birrës nga 1 janari 2023 për prodhimin vendas, masë e cila është pasuar me efekte negative për industrinë. Birra shqiptare duket se po mundet nga konkurrenca për shkak të kostove të rritura që lidhen si me lëndën e parë ashtu edhe me fuqinë punëtore.
Prodhimi i vendit para ndryshimeve fiskale ka qenë i tarifuar me 360 lekë/HL për prodhuesit nën 200,000 Hl, ndërsa për prodhimin mbi këtë nivel akciza ishte 710 lekë. Pas ndryshimeve në ligjin “Për akcizat në Republikën e Shqipërisë”, të cilat hynë në fuqi në 1 janar 2023, taksa u unifikua në 710 lekë të prodhuesve nën dhe mbi 200,000 Hl, si vendas dhe të huaj.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po helbete Greqia, se importon dhe pastaj na e eksporton neve. Ç'a lesh birre prodhon Greqia që ia vlen ta importosh?!
intresant. Në Suedi nga birra jo suedeze më e preferuara është Staropromen dhe zë vendin e 24-të. Tregu në Suedi dominohet nga birrat vendase me 97%. Edhe birrat suedeze nuk jan aspak të preferuara jashtë Suedis.¨ Renditja ime ( marrë parasyshë edhe cmimin ). Birra Peja më ka pëqyer shumë 10 ( nota ). Elbar 9. Korca 8. Për cudi ato të njohurat dhe që unë i kosumoj zakonishtë, si Staropramen , Corona, Heiniken nuk më pëlqenin???. Dicka nuk është si duhet. Mbase në Shqipëri pësojn ndryshim në shije????. Po edhe Peroni ishte e mirë.
Artikull kot, mjafton fakti qe nungon Italia numri 1 i vertete i vendeve eksportuese te birres ne shqiper (birra peroni) te tjerat jane pallavra. Birren vendase e shkaterroi birra peja pikerisht duke abuzuar nga standartet dyfishe te akcizes. Birra vendase vuan sepse asnjehere nuk jane munduar te rrisin standartin, cilesine por qellim kryesor si te shesin sa me shume ne te zeze. Kush eshte pronar i birres korca dhe tirana? Kaq mjafton!!
hahahaa dyfishim i akcizes per prodhimin vendas ! Politikanet mbytin prodhimin vendas, rrjedhimisht ekonomire vendase, ne favor te importit ! Prape parate ne xhepat e politikaneve qe kane kapur importin e ketyre produkteve !