Te fundit
E dyshuar edhe më parë për spiunazh? Ja çfarë shkruan në rrjetet sociale rusja që tentoi të hynte në Uzinën e Gramshit
21 Gusht 2022, 11:59Kronika
TEMA
“Nuk mund të themi nëse bëhet fjalë për disa blogerë apo agjentë të huaj.” Kështu u shpreh paraditen e së dielës ministri i Mbrojtjes Niko Peleshi, rreth “vizitës” së dy rusëve dhe një ukrainasi në Uzinën e Përpunimit të Armëve në Gramsh.
33-vjeçarja Svetlana Timofoeva dhe Mikhail Zorin 23-vjeç kanë thënë që ata janë blogerë dhe se fotot dhe videot i bëjnë për t’i shpërndarë në mediat e tyre sociale.
Svetlana njihet në Instagram, ku ndiqet nga 253 mijë përdorues, si Lana Sator dhe e përshkruan veten si një fotografe që shkrep foto të trashëgimeve të shekullit të XX dhe të godinave të braktisura.
Por, mesa duket, kjo nuk është hera e parë që 33-vjeçarja ruse akuzohet për spiunazh. Në një postim të bërë një vit më parë, ajo sqaron se blogu i saj nuk sponsorizohet nga ndonjë inteligjencë e huaj. Përkundrazi, thotë ajo, paratë për biletat, udhëtimet dhe pajisjet me të cilat filmon, i nxjerr nga xhepi i saj. Sipas asaj që thotë Svetlana, këtë punë ajo e bën prej 15 vitesh.
Siç tha dhe ministri Peleshi më herët në deklaratën e tij, tani mbetet vetëm për t’u zbuluar përfundimisht nëse kemi të bëjmë me tre turistë “aventurierë” apo për diçka tjetër më serioze.
Postimi i Svetlana Timofoeva-s në Instagram, 4 tetor 2021
“Kush qëndron pas këtij blogu?
Kush i financon të gjitha këto udhëtime? Si i gjeni këto vende? Ku janë aventurat e ardhshme dhe si mund të mbështeten ato? A mund të blej reklama në blogun tuaj?
Shpesh marr pyetje si kjo – dhe vazhdoj ta shoh blogun tim të referuar diku në internet si “projekti i fotografisë Lana Sator” – edhe pse @lanasator është vetëm një person. Unë udhëtoj shumë, vetëm kështu – blej biletat, gjej një vend për të qëndruar, kap çantën e shpinës dhe nis rrugën! Këtë e bëj prej më shumë se 15 vitesh.
Blogu im nuk sponsorizohet nga ndonjë inteligjencë e huaj, për të cilën do të përpiqesha të gjeja dhe të tregoja vende të ndryshme të harruara. Të gjitha pajisjet janë të miat, askush nuk më jep kamerën dhe nuk më thotë se çfarë të shkrep.
Meqë ra fjala, ka një mënyrë për të mbështetur blogun tim pa rezervuar guida ose pa blerë printime – thjesht tregoni miqve tuaj për faqen time. Në fund të fundit, ju jeni abonuar tek unë sepse është interesante- po sikur të mos jetë vetëm për ju?
Nëse ju pëlqen diçka këtu, thjesht postoni ose fotografoni çdo postim në story ose në ndonjë rrjet tjetër social me një link aktiv në llogarinë time.”
Ditëve të fundit ajo kishte shpërndarë në mediat e saj sociale pamje nga godina të braktisura në Shqipëri.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po me ushtaret ç’paten? Kur merren me gjerat e braktisura ç’duan ketu te fabrika qe ruhet me ushtare
Sa ka zhvilluar spiunazhi sot. Spiunet ,spiunlleqet i publikojne online ,ti shofi bota qe jane spiune. Njehere e nje kohe i mbanin sekret.
mbase ushtaret donin ti grabisnin.
Eshtë poshtërsi tju thuhet njerëzve qe këta janë blogerë aventurierë. Eshtë kriminale. Në rastin më të mirë është naivitet i paparë dhe një idiotësi.
Bravo. Diktatori Edwin Ramovic ka mbledhur ne Pallatin e Endrrave Turistike 10 ministra blogere e aventuriere turistike: 1. Bora Muzhaqi 2. Frida Krifca 3. Edona Bilali 4. Mirela Kumbaro 5. Niko Prejleshi 6. Olta Xhacka 7. Eva Margariti 8. Ogerta Manastirlliu 9. Bledi Cuci 10. Milva Rkonomi...
Keshtu do te bejne deri sa te arrijne qellimin e duhur! Dikush i ka mbeshtur e perkrahur per qellimet e tyre! Nuk eshte problem leku ne Shqiperi, por marrja e pushtetit, pastaj leje vuuuuu!
Nëse uzina do jepej për tu eksploruar për ndonjë shtet të huaj me koncesion, tani sikur mbaroj gjithçka.
bardhyli