Te fundit
REAGIMI/ Policia sqaron sulmin e rusëve ndaj ushtarëve shqiptarë në Gramsh: Hodhën spray neuroparalizues
20 Gusht 2022, 23:15Kronika
TEMA
Policia e Gramshit ka dhënë informacion zyrtar në lidhje me incidentin që ndodhi në uzinën e armëve, ku tre shtetas rusë sulmuan me lëndë kimike dy ushtarë shqiptar. Sipas policisë, një prej rusëve iu është kundërpërgjigjur me spray neuroparalizues ushtarëve shqiptarë që ruanin uzinën.
Po ashtu, policia thotë se janë shoqëruar tre shtetasit rusë, ku mes tyre është edhe një 33-vjeçare.
“Shërbimet e Policisë bënë të mundur që në afërsi të kësaj zone të konstatojnë dhe të bllokojnë automjetin tip “Chevrolet”, me të cilin udhëtonin shtetasja ruse S.T. 33 vjeçe dhe shtetasi ukrainas F. A., 25 vjec, të cilët janë shoqëruar për veprime të mëtejshme”, thuhet në njoftim.
Njoftimi i Policisë
Nga shërbimet e Uzinës Ushtarake Çekin në Gramsh, është njoftuar se ne afërsi të rrethimit të uzinës është konstatuar një shtetas i paidentifikuar me aparat fotografik në dorë, i cili ka tentuar të fotografojë ambientet e zonës ushtarake.
Në momentin që 2 ushtarakët që ruanin objektin, e kanë pikasur dhe i janë afruar ta ndalojnë dhe ta kapin, shtetasi i huaj iu është kundërpërgjigjur me spray neuroparalizues, por 2 ushtarakët që ruanin uzinën kanë bërë të mundur neutralizimin e tij.
Shërbimet e Policisë me të marrë njoftim kanë shkuar menjëherë në vendngjarje dhe kanë bërë shoqërimin e shtetasit rus, M. Z., 24 vjeç, në ambientet e Komisiaratit të Policisë Gramsh, për veprime të mëtejshme.
Gjithashtu, shërbimet e Policisë nga veprimet paraprake hetimore kanë marrë informacion se ky shtetas ishte shoqëruar edhe nga dy shtetas të tjerë dhe menjëherë kanë ngritur pika kontrolli dhe kanë kontrolluar zonën.
Shërbimet e Policisë bënë të mundur që në afërsi të kësaj zone të konstatojnë dhe të bllokojnë automjetin tip “Chevrolet”, me të cilin udhëtonin shtetasja ruse S.T. 33 vjeçe dhe shtetasi ukrainas F. A., 25 vjec, të cilët janë shoqëruar për veprime të mëtejshme.
Grupi hetimor, nën drejtimin e Prokurorisë së Rrethit Gjyqësor Elbasan, ndodhet në vendngjarje dhe vijon punën për zbardhjen e rrethanave të ngjarjes dhe dokumentimin ligjor të saj
Për këtë ngjarja janë angazhuar Departamenti i Policisë Kriminale dhe Drejtoria e Antiterrorit në Policinë e Shtetit dhe po koordinohen veprimet me Shtabin e Përgjithshëm të Forcave të Armatosura.
Dy ushtarakët e dëmtuar pas ndihmës së parë mjekësore janë transportuar në Tiranë për ndihmë mjekësore më të specializuar dhe ndodhen nën kujdesin e mjekëve jashtë rrezikut për jetën.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Çfarë terminologjie, kanë bërë "shoqërimin". Për shqiptarët do të bëhej arrestimi në flagrancë apo ndalimi por për këta të huajte perdorin termin shoqërim. Çfarë shteti i degraduar që përdor standarde të dyfishta për veprimtarinë kriminale. Duket qe nuk njohin dhe as respektojne ligjet dhe kjo duket qartë që nga daljet e megallomanit kryeminister që vrapon të dalë në konkluzione hetimore dhe të bëjë madje edhe politike. Ky rast është diçka e rëndë dhe duhen lënë organet e ngarkuara me ligj ti japin drejtim.
Civile ruse perleshen me ushatarake shqiptare.... Beteje me spray dhe ushtaraket tane ndodhen te shtruar ne spital
Turist bizarre që kanë patur synim të realizojn detyrën e ngarkuar që ju është besuar.