Te fundit
Balla takim me ambasadorin e BE-së, Gonzato: Reforma zgjedhore dhe territoriale, kyçe për integrimin europian
20 Janar 2026, 17:15Politika
TEMA
Kryetari i Grupit Parlamentar të Partisë Socialiste, Taulant Balla, priti në Kuvend Ambasadorin e Bashkimit Europian në Shqipëri, Silvio Gonzato, në nisje të sesionit të ri parlamentar.
Në fokus të takimit ishte agjenda e ngjeshur ligjvënëse e këtij sesioni, ku parashikohet shqyrtimi i një numri të madh projektligjesh, si edhe avancimi i dy reformave të rëndësishme, Reformës Zgjedhore dhe Reformës Territoriale.
Balla theksoi rolin kyç të Kuvendit në këtë fazë vendimtare të procesit të integrimit europian.
"Diskutuam mbi avancimin e procesit të integrimit europian, rolin kyç të Kuvendit në këtë fazë vendimtare të anëtarësimit të Shqipërisë në BE, me objektin tonë të qartë ngritjen e flamurit tonë kuq e zi në oborrin e Brukselit deri më 28 Nëntor 2030."
Balla shprehu krenarinë për ecurinë e deritanishme të vendit në negociata, duke theksuar se Shqipëria ka hapur të gjithë grupkapitujt dhe po ecën me vendosmëri drejt mbylljes së tyre, mbi bazën e meritës, reformave konkrete dhe respektimit të vlerave europiane.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kryetaret e Grupeve Parlamentare nuk duhet te jene nga listat e mbyllura ,jane perfaqesues te kryetareve te partive , jo te popullit . Nga PS . duhet te jet Brace dhe nga PD Tabaku.