Fania, xheloz për drekën Meta- Zheji

Fania u bë xheloz dje kur mësoi se Zheji me Metën po hanin bashkë drekë. Filloi të turfullonte nëpër redaksinë e re të News-it duke sharë.

-Paska zënë miq të rinj ai d.m.th. Mendon se Zheji mund ta shpëtojë. Po ku pjerdh unë për ish zëvendëskryeministra të rënë nga fiku. Baboooo, asnjë titër për këtë Metën pa më pyetur mua tani e tutje. Mos harro, asnjë titër, ndryshe do marrësh gjobë.

-Si urdhëron i tha Baboooo. Pastaj me zë të ulët pyet Kason.

-Kaso vëllai, sa është gjoba, di gjë ti?

-Po ç’të duhet ty o Babooo sa është, i tha Kasoja. Gjobë është, ti je gjirokastrit të dhëmb.

-Mirë vëlla, të pyeta ta dija. Se ndoshta paguan më shumë se gjoba Meta dhe ja vlen gjoba.

-Ore, qenke legen ti. Pse pazar me TV tonë bën ti. Je mësu me ata italianët që ua fusje sa krahu dhe u shisje ekranin për 200 litra naftë, po me ne s’ka shaka.

-Po jo mo vëlla, një pyetje të bëra.

-Shko o pirdhu, i tha Kasoja duke e parë nga koka tek këmbët. Dhe ndërroi këto këpucët se ke dy vjet me një palë.

-Jo mo vëlla, i ndërroj, po i kam të gjitha njësoj se i kam marr një dorë, i tha Babooo.

Fania u bë kurioz për dialogun e tyre.

-Hë mo Babooo, ç’i thua ti kësaj, ky Meta i jep drekë Zhejit se mendon se ka rëndësi Zheji ngaqë del tek ekrani i Pekës. Nuk meriton një bojkot ky?

-Po mos u nxito shef. Se nuk i dihet si e ka hallin.

-Jo mo, ku pjerdh unë për atë. Le që ka hap fjalë sikur m’i ka dhënë ai 3 milionë eurot për të blerë medien. Po unë kam firmën tek Tani i Kreditit. Se është mësuar ai, unë marr kredi, ai m’i prish dhe pastaj thotë të kam ndihmuar vëlla. Po kjo është hera e fundit që e toleroj. Ne kemi një muaj që jemi pronarë nuk ka na ka thirrur në asnjë drekë. Zhejin e merr për drekë tek Berlini. Kjo është për të vrarë veten. E ç’ka ai Zheji më shumë se mua? Ai s’ka as medie. Një rrogëtar është. Unë kam vetëm kredi 25 milionë euro. Mos t’i llogaris pastaj me interesa sa më shkojnë. Në fund të fundit këto janë kapitalet e mia. Bankat janë partnere të mijat, por s’mi marrin dot pasuritë. Se ja e zëmë se falimentoi media jonë, ç’do marr Tani i Kreditit këtu që vlen 3 milionë euro? Një mut, gjithë veglat bëjnë 100 mijë euro. Godina është me qera. Merr leshtë. Këtu është mjeshtëria ime.

-Të drejtë ke shef, i tha Babooo. Po unë them mos të acarohemi me Metën se ashtu e ka punën. Ai është në sherr me Doktorin për punën e votave. Është konsultuar me Zhejin për t’i treguar Bashës që Tiranën e fitoi prej tij dhe duhet të bëjë Monikën nënkryetare bashkie. Ashtu pastaj e kemi më kollaj.

Fania u çudit shumë.

-Ou, po natyrisht që e kemi kollaj, tha. Unë Monikën e kam pasë të punësuar. Më ka shitë birrën Korça në Tiranë dhe megjithëse ma ka nxjerrë me humbje s’e kam pushuar kurrë nga puna. Po u bë nënkryetare ja vlen se të paktën mbarojmë punët tona.

-Po ndaj të thashë, i tha Babojaaa. Ndaj ka hëngër drekë me Zhejin se kanë dashë t’ia vënë në dukje Lulit këtë meritë.

-Po patjetër që e kanë këtë meritë, ktheu menjëherë plakën Fania. Ja t’i marr në telefon një herë ndoshta s’kanë mbaruar.

-Jo, jo, kanë mbaruar, tha Baboooo, se para një ore po priste kafe Ilir.

-Po po, por Zheji kafen e ka më të gjatë se drekën. Kushedi ç’ka porositë me kafen. Ja të marr ata të restorantit tu them që e kanë drekën nga unë.

Kërkoi numrin e restorantit dhe e gjeti.

-Jam Fania, u prezantua. Desha tu them që nëse nuk ka paguar, Meta dhe Zheji e kanë drekën nga unë. Dua t’ua bëni surprizë.

I zoti i restorantit heshti nga ana tjetër.

-Po pse do tua bëni këtë nder ta di të paktën, i tha pronari.

-Po ashtu është një punë, i tha Fania, se do bëhet Monika nënkryetare Bashkie dhe më duhet t’ia bëj surprizë.

-Faleminderit shumë, i tha pronari. Po i qeras vet. Të paktën të ma dinë për nder mua se ti i ke faturat e dy vjetëve pa paguar.

-Ore rrugaç, or vagabond, kujt i thua ti që kam dy vjet pa paguar, pse ç’më di mua ti, ore e di ti me kë flas unë në telefon apo jo, sapo fola me Doktorin tani…

Në fakt i zoti i restorantit e kishte mbyllur telefonin.

Fania përgatit festën për mandatin e Lul Bashës

20:41 Antena

Dialogu i Fanes me Tanin e Kreditit duke pritur Kolegjin

20:39 Antena

Fania merr përsipër operacionin “anti- Griselda”

22:57 Antena

Fania më në fund zëvendëson Sandrin

20:31 Antena

Flamuri propozon plan masash për trangullin helmues

21:33 Antena

Kinezët e XINHUA po rigjejnë vëllezërit në Tiranë

20:58 Antena

Flamuri merr ankesat e para për Lul Bashën brenda PD-së

19:34 Antena

Flamuri në hall me deklaratën e Jozit për rezultat ekzotik

21:20 Antena

Flamuri privatizon rrugën për në Kukës

21:00 Antena

Flamuri, peripeci me pritjen e Grossruck-ut

19:23 Antena