Kunati i Lulit, dyshime për Flamurin

Kunati i Lulit ka shtuar dyshimet për Flamurin, pas këmbënguljes së këtij të fundit për t’u marrë me shtëpinë e xhaxhit të Lindës. I shqetësuar, shkoi tek Luli në zyrë për të qarë hallin.

-Si mendon ti, tha, ku do të dalë Flamuri me këtë punë?

-Nuk e di, nuk e di, po Doktori ka tre ditë që nuk më merr në telefon. Dhe dje mori Jonidën, i tha dil për Pallatin e Lindës. Mua nuk më thotë. Nuk e di çfarë ka.

-E ka nxitur të gjithë Jozefina me Flamurin, tha Kunati. Kam mësuar dhe planin e tyre.

-Çfarë plani, çfarë plani?

-Ma tha një i brendshëm i tyre. Plani është ky: Ta nxjerrin lejen të paligjshme. Ta çojnë në prokurori. Pastaj të shkojnë të prishin shtëpinë e xhaxhait të Lindës. Problemi është se ai e ka hipotekuar. Atëherë do plasë sherri dhe do bëhet kazus në gjithë Tiranën. Gjithë tironsit e vjetër do të bëhen kundër teje, se po u prek shtëpitë, dhe po proteston kundër tyre me tropojanë. Duan të krijojnë idenë që këtu ligjin do ta bëjnë tropojanët, që të bien ndesh me fushatën tënde.

-Kush të tha, kush të tha?

-E kam të sigurt. E dyta që po bën ajo shtriga është peticioni i intelektualëve. Mbledh kastile plehra, mjekë, infermiere, mami, ça të gjejë, me qëllim që të ngjallë alergji tek njerëzit. E di ca barsolete është hapur në Tiranë a jo?

-Jo, jo, nuk e di!

-Paskemi pagu kot diplomat tek Kristali dhe UFO. Ta dinim që intelektual bëhesh me një firmë tek Jozefina, do kishim kursyer paratë.

-Ashtu ë, ashtu ë? Më paska prishë dhe me universitetet që më ndihmuan në fushatë.

-E treta dhe më e keqja, tha Kunati. Ky është dhe objektivi kryesor i tyre. Duan të na prishin pallatin në Vlorë. E fillojnë me pallatin e xhaxhait të Lindës që është i hipotekuar, pastaj bën presion opozita për pallatin tonë në Vlorë që është në det, dhe në shenjë transparence e prishin dhe atë. Kjo është e tmerrshme.

-Po ne e kemi me leje, e kemi me leje…

-Me leje dhe në hipotekë e ka dhe ky, por shiko ç’po bëjnë. Kemi lënë nam. S’dal dot në Tiranë. Më thonë e mo, me kushërirat e Argitës dhe Zenit do na prishni shtëpitë. Ma tha dhe kjo Laura. Ishte terrorizu e shkreta. Sa ish kthy nga Italia, e kish marrë Doktori në telefon dhe i kish thënë, do dalësh prapë të shash Edi Ramën se është hapur llaf ngaqë je martu me nipin e Shefqet Peçit, nuk flet kundër tij. Mirë, i kishte thënë e shkreta. Dhe sa kish mbyll telefonin Doktori, kish marrë Sandrin dhe i kish thënë, “Do t’ia nxi jetën atij Ramës, se e ka motrën e mikeshës së tij këtë Laurën”.

-Vërtet, vërtet, ua, si i bëhet. Me këtë kriter do dalë dhe Erla ndonjë ditë kundër Genc Pollos.

-Nuk e di, por e gjithë kjo bëhet të na dëmtojnë ne më duket, tha Kunati. Duhet të bëjmë ndonjë gjë.

-Aman mos ia thuaj njeriut këtë gjë, tha Luli, se po e mori vesh do më nxjerrë mua përditë, do më nxjerrë bojën fare.

Doktor Muli fut në krizë ministrinë për lëng portokalli

21:57 Antena

Vonohen kuotat e doktoraturave për shkak të Flamurit

21:48 Antena

Telashet e Flamurit me mbledhjen e kryesisë së PD-së

20:44 Antena

Laja e PD-së, në siklet me deklaratat për Ballën

21:31 Antena

Doktori përgatit letrën për Mesin me ndihmën e Aldos

21:25 Antena

Haxhinasia rrezikon seriozisht postin e ministrit

20:13 Antena

Flamuri zbulon se Luli ka gisht në listën e taksave të makinave

21:00 Antena

Flamuri gjen zgjidhje si të shpëtojë nga numrat jeshilë të ministrive

20:20 Antena

Bujari analizon me stafin tekstin e kartolinës

20:46 Antena

Flamuri konspekton përshëndetjen e Nishanit për Vitin e Ri

21:19 Antena