Te fundit
Kunati bën bilancin e gjyqeve të javës dhe planin për të enjten
10 Mars 2015, 19:39Antena
TEMA
Kunati thirri sot në raport Ristanin dhe Palokën për të marrë informacion si shkuan proceset gjyqësore me Edi Ramën.
I pari filloi të raportojë Ristani:
-Gjyqi im shkoi shumë mirë, tha. U ngrita dhe i kërkova Ramës të tërheqë padinë. Ai nuk pranoi. Tërhiqe, i thashë, se do pendohesh. Ai nuk pranoi prapë.
Atëherë iu drejtova trupit gjykues.
U thashë: Të nderuar gjyqtarë!
Ju e dini që unë jam sekretar i Përgjithshëm i PD-së.
-E dimë, thanë ata.
E dini që PD merr rregullisht nga 27 deri në 47 përqind të votave.
-E dimë, thanë ata.
-A e dini që ne jemi parti opozitare?
-E dimë, thanë ata.
-A e dini që opozita thotë gjithmonë të kundërtën e qeverisë.
-E dimë, thanë ata!
-Atëherë çfarë kërkon zotëria nga unë, i thashë? Përderisa ai thotë, unë jam njeri i rregullt, unë kam të drejtë t’i them, “ti je drogaxhi”. Për këtë na kanë votuar shqiptarët. Mbeti ay. S’kishte ç’të thoshte.
Atëherë mora pak më shumë zemër dhe i thashë trupit gjykues:
“Kërkoj nga akuzuesi im, të paraqesë prova që këto që them unë, nuk janë të vërteta. Ai nuk kishte asnjë provë. Besoj dola shumë mirë.
-Bravo, i tha Kunati. Paske bërë punë të shkëlqyer.
-Po ti, i tha Palokës?
-Edhe unë kalova thumë mire, tha Paloka. Dhe unë i bëra thirrje të tërhiqte padinë, por nuk pranoi. Atëherë iu ktheva trupit gjykues.
-A e dini ju çfarë është opozita apo jo?
-E dimë,thanë ata.
-A e dini që opozita mbledh opinionet e njerëzve kundër qeverisë dhe i formulon apo jo?
-Po, e dimë, thanë ata.
-E pra, ky do ta lërë Shqipërinë pa opozitë, u thashë, se ky kërkon të mos përfaqësojmë më opinionet e njerëzve, por të flasim me fakte sikur jemi gjykatës dhe prokurorë. Ne jemi politikanë, i thashë.
-E dimë, thanë ata. Mbeti Rama, s’kishte ç’të thoshte. Seç më tha mua, që nuk e dija që Zhvejku paska ekzistuar. Me siguri ka shpif ndonjë pis, sikur kam ndonjë kushëri me emrin Zhvejk. Pyeta, më thanë s’kemi njeri në fis.
-Shumë mirë, tha Kunati. Atëherë them të vazhdojmë kështu, se jemi në drejtimin e duhur. Kjo puna e Tomës si iu duket, mban deri të enjten?
-Do mbaj se s’bën, tha Ristani. Sot do nxjerrim vrasës babain e Ilir Metës. Kemi gjetur njërin që pranon që ka marrë porosi prej tij. Deri nesër mban kjo. Pastaj kemi gjetur një grua që pranon që porositësja e vrasjes është mamaja e Monikës, se si dibrane mban më shumë inat për vajzën. Ajo shtyn deri të enjten në orën 11:00. Pastaj fillon mitingu.
-Shumë mirë, tha Kunati. Dhe ky Toma, ka thënë që rasti im i ngjan Azemit. Kjo na ndihmon që ta kthejmë 12 Marsin në 14 Shtator.
-Po, po, tha Ristani i kënaqur.
-Ti mos u nxito, i tha Paloka, se atëherë ke qenë socialist dhe nuk e di ç’ka ndodhur. A e di çdo të thotë të mbash Tomën në krah të gjallë para Kryeministrisë sikur ka vdekur apo jo? Duhen 20 burra.
Lini një Përgjigje
Më të lexuarat
24 oret e fundit
Javen e fundit
Blog Tema
