Te fundit
Kunati në alarm nga krahasimi që Doktori i bën Lulit me Nemtsov
1 Mars 2015, 20:14Antena
TEMA
Deklarata e Doktorit se Putini ka vrarë liderin e opozitës Nemtsov dhe se këtë fat Rama po i përgatit dhe Lulit, e tronditi rëndë Kunatin. Deri këtu nuk e kishte menduar. Problemi tani shtrohej se si ta zbusnin Doktorin.
Sipas analizës që bëri Kunati, Doktorit i ka ngelur qejfi që Luli nuk po kandidon për Tiranën dhe po e kërcënon se nëse nuk kandidon, mund ta pësojë si Nemtsov.
Çfarë nuk i shkonte në mendje për ta zbutur Doktorin! Bëri një listë protestash që do të bëheshin këtë muaj, që të kënaqej Doktori, dhe ia çoi me email.
E hënë. Protestë me studentët e Vitrinës, që nuk ambjentohen dot në auditore. Qeveria të krijojë kushte që ata të ndjehen si tek Vitrina.
E martë. Protestë tek Instituti në Kamëz, ku banorët janë pa drita se u kërkohet t’i paguajnë. Si mund ta bëjnë ata këtë, kur janë me origjinë nga Kukësi dhe me tokat e tyre kanë prodhuar dritë për Shqipërinë?!
E mërkurë. Protestë për ndalimin e makinave me timon djathtas (timon anglez). Qeveria e bën qëllimisht kundër të djathtës.
E enjte. Protestë kundër ndalimit të katër kuksianëve që dyshohen si tritolvënës. Qeveria akuzohet se ka përgjuar telefonat.
E premte. Protestë kundër policisë që arrestoi aktorin, që doli tek Çani si hajdut. Masa të tilla represive dekurajojnë hajdutët të thonë të vërtetën.
E shtunë. Protestë tek morgu, pasi të mësohet kush ka vdekur. Me siguri ka vdekur prej qeverisë.
Ia çoi Doktorit axhendën, por prapë nuk ishte i kënaqur.
-Lërini këto, tha, duhet protestuar vetëm për një pikë: Edi Rama kërkon të vrasë Lulin. E kam të sigurtë, është e regjistrume. Ai do të vraës Lulin. Duhet të protestojmë.
Kunati u vu në siklet të paparë. U konsultua me Rulin për këtë çështje dhe e pyeti sa shanse ka që Luli të ngjajë me Nemtsovin.
-Ç’të të them unë djalo, i tha Ruli. Disa ngjashmëri ka, por Luli akoma nuk e ka çuar punën deri tek Nemtsov.
Ngjashmëria e parë është se Nemtsovi ishte zëvendësi i Jelcinit dhe hyri në politikë prej vajzës së Jelcinit. Por, pasi e kapi postin, nuk ia vari më vajzës. Kjo i krijoi ca probleme.
E dyta, Nemtsov dhe Jelcin ishin në anën e oligarkëve, kurse Putini i shpartalloi ata për të krijuar të vetët. Dhe Luli gjendet në këtë pozitë, kur po e braktisin këta biznesmenët.
Ngjashmëri të tjera nuk shoh. Madje ka një dallim të madh. Që Luli t’i ngjajë tamam Nemtsov-it, duhet të ndahet me gruan dhe të zërë dashnore një modele. Pastaj hallall.
4 komente në “Kunati në alarm nga krahasimi që Doktori i bën Lulit me Nemtsov”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Per Lulzimin ?
*
Mos O Mero,
Se Lulzimin,
Që kur bëre
Krahasimin,
Me Nemtsovin
E Jelcinin,
Fort i rreh
Gjaku ndër vena,
I shpëtojnë
Pordhë e fena.
*
I shpëtojnë
Pordhë e fena,
Po nxjerr jashtë
Çfarë ka mrena,
S’po ja dalin
Me pelena,
Që kur foli
Emiliano
Që kur doli
Te Antena.
*
U mobilizu
Partija,
Vetë Argita
E Salija,
SHQUP-i
E malokëria
I shtuan rojet
Te shpija
Një duzinë
Te Bashkija.
*
U mobilizu
Kunati
Vetë Xhania
Vetë Xhevati,
Të gjithëve
Iu prish rehati.
U nis vetë
Nga Kurveleshi
Dajkua
Me gunë leshi.
*
P.S.
Vazhdimin
E dini vet;
Me Bashkim
E me Safet,
Me Erzen
E me Izet,
Me Azem
E me Ramis,
Si Kongresi
I Vazhdimsis
* * *
Modele ndoshta jo, por spikere ne tvsh po
Kunati ka frike se Sala kur e ka nje fiksim fillimisht e ben enderr e pastaj endrren realitet se s’ben.
e bukur kjo